ຂາ ເປັນອະໄວຍະວະທີ່ຕ້ອງແບກຮັບນ້ຳໜັກທຸກສ່ວນຂອງຮ່າງກາຍ ເມື່ອເຮົາຖືພານ້ຳໜັກໂຕກໍ່ຈະເພີ່ນມຂື້ນ ເຮັດໃຫ້ຂາ ຕ້ອງຮັບນ້ຳໜັກຫຼາຍຂື້ນ ຈົນເຮັດໃຫ້ເກິດອາການບວມ ຮ່ວມໄປເຖີງກາຍເປັນເສັ້ນເລືອດຂອດທີ່ຂາ.
ໃນຊ່ວງຖືພາ ຮ່າງກາຍຂອງແມ່ຈະມີການປ່ຽນແປງ ຂອງຮໍໂມນໃນຮ່າງກາຍ ເຮັດໃຫ້ເສັ້ນເລືອດຍ່ອນໂຕ ແລະເລືອດດຳໄຫຼວຽນບໍ່ສະດວກ ເພາະຖືກນຳໜັກໂຕກົດໄວ້ ເຮັດໃຫ້ເກິດການພອງຂອງເສັ້ນເລືອດ ຈຶ່ງກາຍເປັນເສັ້ນເລືອດຂອດທີ່ບໍລິເວນໜ້າເອິກ ໜ້າທ້ອງ ນ່ອງ ຕີນ ໂດຍສະເພາະທີ່ຂາລຽວງາມຂອງທ່ານ ແມ້ຈະເໝິດຄວາມສວຍ ແຕ່ບໍ່ຕ້ອງກັງວົນ ເຮົາມີວິທີຢຸດເສັ້ນເລືອກຂອດ ມາແນະນຳ .
1. ໃຫ້ທ່ານນອນເໝບລົງພື້ນ ແລ້ວເອົາໝອນໝູນທ້ອງໃຫ້ສູງກວ່າລະດັບໂຕ ເພື່ອໃຫ້ເລືອດໄຫຼວຽນດີຂື້ນ ແລະຈະຊ່ວຍປ້ອງກັນ ການເປັນເສັ້ນເລືອດຂອດໃດ້ ແຕ່ຖ້າຫາກເປັນແລ້ວບໍ່ຕ້ອງກັງວົນ ວ່າຈະບໍ່ເຊົາເພາະວ່າຫຼັງເກິດລູກ ຖ້າເປັນບໍ່ຫຼາຍເສັ້ນເລືອດກໍ່ຈະເຊົາ ໄປເອງ .
2. ການປ້ອງກັນເສັ້ນເລືອດຂອດທີ່ດີທີ່ສຸດກໍ່ຄື : ອອກກຳລັງກາຍຈະຊ່ວຍປ້ອງກັນ ຫຼືລົດອາການເປັນເສັ້ນເລືອດຂອດໃດ້ ຊ່ວຍໃຫ້ກ້າມເນື້ອ ແຂງແຮງ ແລະລົດຄວາມດັນໃນເສັ້ນເລືອດດຳ ບໍ່ໃຫ້ກ້າມຊີ້ນຫົດໂຕ ແຕ່ການບໍລິຫານຕ້ອງເລືອກທ່າທາງທີ່ເໝາະສົມໃນລະຫວ່າງຖືພາ ແນ່ເດີ່ .
- ເລີ່ມຈາກໃຫ້ທ່ານນັ່ງຕັ້ງ ຢຽດຂາອອກໄປດ້ານໜ້າ ແລ້ວກະດົກປ້າຍຕີນຂື້ນລົງ ຈາກນັ້ນມຸ່ນຄໍ່ຕີນໄປມາ ເປັນຮູບວົງມົນ ປະມານ 10 -20 ເທື່ອ ຈະຊ່ວຍໃຫ້ການໄຫຼວຽນຂອງເລືອດດີຂື້ນ .
- ທ່າຕໍ່ມາໃຫ້ທ່ານຍືນຢັງແຢ່ ສະລັບກັບສົ້ນຕີນໄປມາ ຫຼື ຈະແລນເບົາໆຢູ່ກັບທີ່ ຈະເຮັດໃຫ້ກ້ານຊີ້ນແຂງແຮງ ເລືອດໄຫຼສະດວກຂື້ນ .
- ຫຼີ້ນກິລາທາງນ້ຳເຊັ່ນ : ການລອຍນ້ຳ ຫຼືເຕັ້ນແອໂຣບິກໃນນ້ຳ ຈະຊ່ວຍພະຍຸງນ້ຳໜັກຂອງທອງ ແລະນ້ຳໜັກໂຕຂອງທ່ານເອົາໄວ້ ໃດ້ຢ່າງປອດໄພ ເຮັດໃຫ້ສະດວກໃນການອອກກຳລັງກາຍ ແລະຍັງໃດ້ອອກກຳລັງກາຍທຸກໆສ່ວນຂອງຮ່າງກາຍອີກ .