spot_img
Homeອຸບັດເຫດແລະປາກົດການຫຍໍ້ທໍ້ຊົມເຊີຍ! ປກສ ເມືອງຫາດຊາຍຟອງ ຈັບຊາຍອາຍຸ 44 ປີ ພ້ອມຢາບ້າ 16.000 ເມັດ

ຊົມເຊີຍ! ປກສ ເມືອງຫາດຊາຍຟອງ ຈັບຊາຍອາຍຸ 44 ປີ ພ້ອມຢາບ້າ 16.000 ເມັດ

Published on

ວັນທີ 12 ພະຈິກ 2016ຜ່ານມາເຈົ້າໜ້າທີ່ ປກສ ເມືອງຫາດຊາຍຟອງ ຈັບຕົວທ້າວ ສະເຫຼີມ ອາຍຸ 44 ປີ ຢູ່ບ້ານໜອງແປນໃຕ້ ພ້ອມຂອງກາງຢາບ້າ 16.000 ເມັດ ໄປດຳເນີນຄະດີ. ຜູ້ກ່ຽວສາລະພາບວ່າ: ປີ 2015 ຜູ້ກ່ຽວ ແລະ ເມຍ ໄດ້ລົງມາຢູ່ກັບລູກຊາຍທີ່ຮຽນຢູ່ນະຄອນຫຼວງວຽງຈັນ ( ພື້ນຖານເປັນຄົນໄຊຍະບູລີ ) ແລ້ວໄດ້ປະກອບອາຊີບເປັນກຳມະກອນທົ່ວໄປ ແລະ ເຮັດຮົ້ວເຮັດສວນເລັກໆໜ້ອຍໆ ເພື່ອຫາລ້ຽງຊີບ ແລະ ສົ່ງລູກຊາຍຮຽນ.

ມີມືໜຶ່ງ, ໄດ້ໄປພົບພໍ້ກັບນາງ ບັອກ ອາຍຸປະມານ 30 ປີ ( ພື້ນຖານເປັນຄົນແຂວງຫຼວງນ້ຳທາ ) ທີ່ຮ້ານກິນ-ດື່ມແຫ່ງໜຶ່ງ, ເມື່ອທຳຄວາມຮູ້ຈັກກັນແລ້ວ ພວກກ່ຽວໄດ້ລົມກັນກ່ຽວກັບ ເລື່ອງຄ້າຂາຍຢາເສບຕິດ ໂດຍຕົກລົງກັນວ່າແມ່ນນາງ ບັອກ ຈະເປັນຄົນສົ່ງຢາບ້າໃຫ້ທ້າວ ສະເຫຼີມ ນຳໄປຂາຍຕໍ່.

%e0%ba%84%e0%bb%89%e0%ba%b2%e0%ba%a2%e0%ba%b2%e0%ba%b2

ມາຮອດວັນທີ 7 ພະຈິກ 2016, ນາງ ບັອກ ໄດ້ສົ່ງຢາບ້າມາທາງລົດໂດຍສານ ຈຳນວນ 8 ມັດ ກັບ 1 ຖົງ ເທົ່າກັບ 16.200 ເມັດ ແລ້ວທ້າວ ສະເຫຼີມ ກໍໄປຮັບເອົາ, ຕໍ່ມາໄດ້ເອົາໄປຂາຍໃຫ້ໄວລຸ້ນພາຍໃນເຂດບ້ານໜອງແປນໃຕ້ ຈຳນວນ 200 ເມັດ ຍັງເຫຼືອ 16.000 ເມັດ ແລ້ວເອົາໄປເຊື່ອງໄວ້ເຮືອນ ຈົນມາຮອດວັນທີ 12 ພະຈິກ ເຈົ້າໜ້າທີ່ ປກສ ເມືອງຫາດຊາຍຟອງ ກໍເຂົ້າຈັບກຸມທ້າວ ສະເຫຼີມ ຢູ່ເຮືອນພ້ອມຂອງກາງດັ່ງກ່າວ.

ທ້າວ ສະເຫຼີມ ໄດ້ອ້າງວ່າ: ທີ່ຕັດສິນໃຈຄ້າຂາຍຢາບ້າແມ່ນ ເພື່ອຕ້ອງການຫາເງິນມາລ້ຽງຄອບຄົວ ແລະ ສົ່ງໃຫ້ລູກໄດ້ຮຽນໜັງສື, ແຕ່ເຈົ້າໜ້າທີ່ຍັງຈະສອບສວນຕື່ມອີກ ເພື່ອຂະຫຍາຍຜົນຫາຜູ້ຮ່ວມຂະບວນການຕື່ມອີກ, ເພາະທ້າວ ສະເຫຼີມ ໄດ້ໃຫ້ການທີ່ມີລັກສະນະປິດບັງຢູ່.

ຂ່າວ: ໜັງສືພິມ ປກສ

ບົດຄວາມຫຼ້າສຸດ

ກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ IX ໄດ້ເປີດຂຶ້ນຢ່າງເປັນທາງການ

ກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ IX ພ້ອມພິຈາລະນາ ຮັບຮອງບັນຫາສໍາຄັນ ຂອງປະເທດຊາດ ໃນຕອນເຊົ້າວັນທີ 9 ມິຖຸນານີ້ ທີ່ຫໍສະພາແຫ່ງຊາດ, ກອງປະຊຸມສະໄໝສາມັນ ເທື່ອທີ...

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...