spot_img
Homeຂ່າວທ້ອງຖິ່ນຫົວພັນຕ້ອງການງົບປະມານ ຈາກສະພາເກືອບຮ້ອຍຕື້ກີບ

ຫົວພັນຕ້ອງການງົບປະມານ ຈາກສະພາເກືອບຮ້ອຍຕື້ກີບ

Published on

ຂ່ສເພື່ອເຮັດໃຫ້ວຽກງານການພັດທະນາເສດຖະກິດ-ສັງຄົມ ແຂວງຫົວພັນເປັນໄປຕາມແຜນການ ແລະແນວທາງຂອງລັດຖະບານດ້ວຍຈັງຫວະການຂະຫຍາຍຕົວທາງດ້ານເສດຖະກິດໃຫ້ຢູ່ໃນລະດັບ 10,35% ແລະຄາດວ່າໂຄງປະກອບເສດຖະກິດຈະມີການຫັນປ່ຽນໃນທ່າອ່ຽງທີ່ດີຂຶ້ນ ໂດຍສະເພາະການພັດທະນາທາງດ້ານການຜະລິດ ແລະການກໍ່ສ້າງທີ່ເລັ່ງໃສ່ການລົງທຶນຈາກພາກລັດ ແລະເອກະຊົນທັງພາຍໃນ ແລະຕ່າງປະເທດ ຊຶ່ງໃນສົກປີ 2017 ແຂວງຫົວພັນມີຄວາມຕ້ອງການງົບປະມານທີ່ອະນຸມັດຈາກສະພາແຫ່ງ ຊາດທັງໝົດ 94,55 ຕື້ກີບ.

ອີງຕາມຄາດໝາຍສູ້ຊົນຂອງພະແນກແຜນການ ແລະການລົງທຶນແຂວງຫົວພັນໃຫ້ຮູ້ວ່າ: ໃນສົກປີ 2017 ຄາດວ່າຈັງຫວະການຂະຫຍາຍຕົວທາງດ້ານເສດຖະກິດຂອງແຂວງແມ່ນຢູ່ໃນລະດັບ 10,35% ໃນນີ້ຂະແໜງກະສິກຳ-ປ່າໄມ້ເພີ່ມຂຶ້ນ 4,91% ກວມເອົາ 42,16%, ອຸດສາຫະກຳເພີ່ມຂຶ້ນ 14,08% ກວມເອົາ 18,16% ແລະການບໍລິການເພີ່ມຂຶ້ນ 11,13% ກວມເອົາ 39,68% ຂອງ GDP ທັງນີ້ ແຂວງຫົວພັນ ໄດ້ສະເໜີແຜນການລົງທຶນຂອງລັດຈໍານວນ 242 ໂຄງການ ເປັນມູນຄ່າທັງໝົດ 8.216 ຕື້ກີບ ເປັນທຶນພາຍໃນ 7.223 ຕື້ກີບ ແລະທຶນຕ່າງປະເທດ 993,58 ຕື້ກີບ, ພ້ອມທັງຕ້ອງການງົບປະມານທີ່ອະນຸມັດຈາກສະພາແຫ່ງຊາດຈໍານວນ 94,55 ຕື້ກີບ ໃນນັ້ນທຶນປົກກະຕິຈໍານວນ 78,11 ຕື້ກີບ (ລວມທັງທຶນພັດທະນາຊົນນະບົດ ແລະລົບລ້າງຄວາມທຸກຍາກ, ທຶນຈັດສັນພູມລໍາເນົາ ແລະບ່ອນທໍາມາຫາກິນຖາວອນ) ແລະບ້ວງພັດທະນາເມືອງໃໝ່ເມືອງກວັນ 1 6,44 ຕື້ກີບ.

ພ້ອມດຽວກັນນີ້ ຍັງມີການສົ່ງ ເສີມການລົງທຶນພາຍໃນ ແລະຕ່າງປະເທດທີ່ເລັ່ງໃສ່ໂຄງການຂະໜາດໃຫ່ຍ ໂດຍສະເພາະໂຄງການກໍ່ສ້າງເຂື່ອນໄຟຟ້າ ແລະໂຮງງານໄຟຟ້າ, ໂຄງການຂຸດຄົ້ນແຮ່ທາດທີ່ໄດ້ຮັບອະນຸມັດແລ້ວ, ທັງເອົາໃຈໃສ່ດຶງດູດແຫຼ່ງທຶນຕ່າງໆເຂົ້າໂຄງການຂະໜາດນ້ອຍ ແລະຂະໜາດກາງທີ່ມີຜົນຕໍ່ລາຍຮັບຂອງປະຊາຊົນ ແລະສົ່ງເສີມໂຄງ ການລົງທຶນທີ່ນໍາໃຊ້ວິທະຍາສາດ-ເຕັກໂນໂລຊີທັນສະໄໝເປັນຕົ້ນ ແມ່ນການຜະລິດກະສິກໍາປຸງແຕ່ງ ແລະອື່ນໆນອກນັ້ນຍັງຄາດວ່າຈະອອກໃບທະບຽນສໍາປະທານໃຫ້ໄດ້ປະມານ 8 ຫົວໜ່ວຍ ເປັນມູນຄ່າ 35 ລ້ານໂດລາສະຫະລັດ ໃນນີ້ເປັນການລົງທຶນຈາກຕ່າງປະເທດໃຫ້ ໄດ້ 5 ຫົວໜ່ວຍ ມູນຄ່າ 8 ລ້ານໂດລາ ແລະເປັນການລົງທຶນພາຍໃນ ໃຫ້ໄດ້ 3 ຫົວໜ່ວຍ ມູນຄ່າ 27 ລ້ານໂດລາ.

ນອກນີ້ ຍັງມີທຶນຈາກການຊ່ວຍເຫຼືອລ້າ ແລະກູ້ຢືມ ຊຶ່ງໃນໄລຍະດຽວກັນຂອງສົກປີຄາດວ່າຈະມີການລົງທຶນທັງສືບຕໍ່ໂຄງການເກົ່າ ແລະໂຄງການໃໝ່ທັງໝົດປະມານ 174 ໂຄງການ ມີມູນຄ່າ 170,36 ລ້ານໂດລາສະຫະລັດ, ໃນນັ້ນເປັນ ທຶນພາຍໃນ 27 ໂຄງການ ມູນຄ່າ  7,54  ລ້ານໂດລາ, ທຶນຊ່ວຍເຫຼືອຈາກຕ່າງປະເທດ 141 ໂຄງການ ມູນຄ່າ 89,10 ລ້ານໂດລາ ແລະກູ້ຢືມ 6 ໂຄງການມູນຄ່າ 73,76 ລ້ານໂດລາ, ການນໍາໃຊ້ທຶນຊ່ວຍເຫຼືອ ແລະກູ້ຢືມນີ້ແມ່ນເລັ່ງໃສ່ພັດທະນາດ້ານສັງຄົມ, ສໍາລັບທຶນກູ້ ຢືມພວກເຮົາຄວນສຸມໃສ່ການກໍ່ ສ້າງບັນດາໂຄງການ ແລະກິດຈະກໍາກໍ່ສ້າງຂອງບັນດາໂຄງການ ແລະກິດຈະກໍາຂອງບັນດາພື້ນຖານໂຄງລ່າງ ແລະການພັດທະນາຊັບພະຍາກອນມະນຸດຢູ່ເຂດຊົນນະບົດເພື່ອຮັບປະກັນໃຫ້ມີການພັດທະນາແບບຢືນຍົງ.

ຂ່າວ: ເສດຖະກິດ-ສັງຄົມ

ບົດຄວາມຫຼ້າສຸດ

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...