spot_img
Homeຂ່າວພາຍ​ໃນລັດຕ້ອງການທຶນພັດທະນາ ຈາກພາກເອກະຊົນເກືອບ 50% ໃນປີໜ້າ

ລັດຕ້ອງການທຶນພັດທະນາ ຈາກພາກເອກະຊົນເກືອບ 50% ໃນປີໜ້າ

Published on

ເພື່ອຮັບປະກັນໃຫ້ເສດຖະກິດຂະຫຍາຍຕົວໃນລະດັບ 7% ໃນປີ 2017 ສປປ ລາວ ຍັງມີຄວາມຕ້ອງການການລົງທຶນເຂົ້າໃນການພັດທະນາເສດຖະກິດ-ສັງຄົມລວມທັງໝົດ 33 ພັນກວ່າຕື້ກີບເທົ່າກັບ 28% ຂອງລວມຍອດຜະລິດຕະພັນພາຍໃນ ໃນນັ້ນ ຕົ້ນຕໍແມ່ນການລົງທຶນຈາກພາກເອກະຊົນພາຍໃນ ແລະຕ່າງປະເທດກວມເອົາເກືອບ 50% ຂອງລວມຍອດການລົງທຶນ.

     ທ່ານນາງ ພອນວັນ ອຸທະວົງ ຮັກສາການຫົວໜ້າກົມແຜນການກະຊວງແຜນການ ແລະການລົງທຶນ (ຜທ) ກ່າວໃຫ້ຮູ້ວ່າ: ເຖິງແມ່ນວ່າເສດຖະກິດຂອງລາວໃນສົກປີ 2015-2016 ຈະຂະຫຍາຍຕົວຢູ່ໃນລະດັບ 6,9% ແຕ່ຖ້າທຽບໃສ່ແຜນການທີ່ວາງໄວ້ແມ່ນຫຼຸດ, ເນື່ອງຈາກວ່າຂະແໜງກະສິກຳ, ການບໍລິການ ແລະພາສີ-ອາກອນ, ຜະລິດຕະພັນ ແລະການນຳເຂົ້າຫຼຸດແຜນທີ່ວາງໄວ້, ພ້ອມກັນຂະແໜງອຸດສາຫະກຳປຸງແຕ່ງກໍ ຍັງບໍ່ທັນມີຫຼາຍ ຈຶ່ງຈຳກັດໂອກາດ ໃນການສ້າງລາຍໄດ້ໃຫ້ແກ່ປະຊາຊົນ ແລະເປັນຖານລາຍຮັບໃຫ້ລັດຖະບານ, ນອກນັ້ນສະພາບການຜະລິດກະສິກຳໃນຫຼາຍຂົງເຂດຍັງອີງໃສ່ທຳມະຊາດເປັນສ່ວນໃຫຍ່, ການນຳໃຊ້ເຕັກນິກ-ວິຊາການທາງດ້ານກະສິກຳເຂົ້າສູ່ການຜະລິດກໍຍັງບໍ່ຫຼາຍ, ສະນັ້ນ ຈຶ່ງເຮັດໃຫ້ສະມັດຖະພາບການຜະລິດຕ່ຳເມື່ອທຽບກັບປະເທດອ້ອມຂ້າງ, ພ້ອມນັ້ນດ້ານແວດລ້ອມທາງທຸລະກິດຍັງມີຫຼາຍຂອດຫຼາຍຂັ້ນ, ຍັງບໍ່ທັນບຸກທະລຸໄດ້ດ້ານ ລະບຽບການ, ກົນໄກ ແລະການສົ່ງເສີມການລົງທຶນໃນຮູບແບບປະຕູ ດຽວກໍຍັງບໍ່ທັນເຮັດໄດ້ກາຍເປັນສາເຫດໜຶ່ງທີ່ສົ່ງຜົນຕໍ່ກັບການຕັດສິນໃຈຂອງນັກລົງທຶນ ແລະເຮັດ ໃຫ້ຜູ້ປະກອບການຮັກສາທຸລະກິດ ຂະໜາດນ້ອຍ ແລະບໍ່ເປັນທາງການໄວ້ຫຼາຍ ຊຶ່ງເປັນການຈຳກັດ ການສ້າງລາຍຮັບ ແລະວຽກເຮັດງານທຳໃຫ້ປະຊາຊົນ.

ສະນັ້ນ ເພື່ອເປັນການແກ້ໄຂ ແລະຮັບປະກັນໄດ້ການຂະຫຍາຍ ຕົວຂອງເສດຖະກິດມະຫາພາກໃນ ປີ 2017 ທີ່ຈະມາເຖິງນີ້, ລັດຖະບານຈຶ່ງມີຄວາມ ຕ້ອງການທຶນເຂົ້າ ໃນການພັດທະນາເສດຖະກິດ-ສັງຄົມ ລວມທັງໝົດ 33.313 ຕື້ກີບ ເທົ່າກັບ 28% ຂອງ GDP, ໃນນັ້ນຈາກງົບປະມານພາຍໃນ 5.385 ຕື້ກີບ ກວມເອົາ 16,16% ຂອງທຶນທັງໝົດເພື່ອສຸມໃສ່ກິດຈະການ ພັດທະນາພື້ນຖານໂຄງລ່າງຂອງລັດ, ລົງໃສ່ວຽກສາທາລະນູປະ ໂຫຍດທີ່ບັນດາເອກະຊົນ ແລະພາກ ສ່ວນອື່ນບໍ່ລົງທຶນ, ສ່ວນທຶນຊ່ວຍ ເຫຼືອທາງການເພື່ອການພັດທະນາ (ODA) 5.600 ຕື້ກີບ ກວມ 16,81%, ສຸມໃສ່ການກໍ່ສ້າງບັນ ດາໂຄງການ ແລະກິດຈະກຳຂອງບັນດາພື້ນຖານໂຄງລ່າງ ແລະການພັດທະນາຊັບພະ ຍາກອນມະນຸດຢູ່ຊົນນະບົດ ເພື່ອຮັບປະກັນການພັດທະນາທີ່ຍືນຍົງ.

ທ່ານ ນາງ ພອນວັນ ອຸທະວົງ ໃຫ້ຮູ້ອີກວ່າ: ສຳລັບການສົ່ງເສີມການລົງທຶນຂອງພາກເອກະຊົນພາຍໃນ ແລະຕ່າງປະເທດໃຫ້ໄດ້ ປະມານ 14.528 ຕື້ກີບ ກວມເອົາ 43,61% ຈະເລັ່ງດຶງດູດເອົາໂຄງການທີ່ເປັນຫົວຈັກຊຸກ ຍູ້ໄດ້ການພັດທະນາເສດຖະກິດ ຂອງປະເທດເປັນຕົ້ນແມ່ນໂຄງການພະລັງງານໄຟຟ້າ, ຊົນລະກະເສດ, ທ່ອງທ່ຽວ ແລະການບໍລິການ, ສ່ວນການລົງທຶນຈາກລະບົບການເງິນ, ເງິນຕາ 7.800 ຕື້ກີບ ກວມ 23,42% ແມ່ນຈະສຸມໃສ່ບັນດາກິດຈະການຫົວໜ່ວຍຜະລິດຂະໜາດນ້ອຍ ແລະກາງ, ຄົວເຮືອນ, ການຜະລິດເປັນສິນຄ້າ, ການປຸງແຕ່ງຫັດຖະກຳເພື່ອສ້າງລາຍຮັບໃຫ້ປະຊາຊົນ ແລະທະນາຄານນະໂຍບາຍແມ່ນສຸມໃສ່ ເຂດທຸກຍາກ, ເຂດຈຸດສຸມຂອງລັດຖະບານ.

ຂ່າວຈາກ: 

ຕິດຕາມຂ່າວເສດຖະກິດລາວ ກົດໄລຄ໌ເລີຍ!

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...