spot_img
Homeຂ່າວພາຍ​ໃນລັດຖະບານແຈ້ງໃຫ້ໂຮງງານອົບຂີ້ເບຍບ້ານດຸງ ຢຸດດຳເນີນການທັນທີ

ລັດຖະບານແຈ້ງໃຫ້ໂຮງງານອົບຂີ້ເບຍບ້ານດຸງ ຢຸດດຳເນີນການທັນທີ

Published on

ໂດຍອີງໃສ່ແຈ້ງການຂອງ ພະແນກອຸດສາຫະກຳແລະການຄ້ານະຄອນຫຼວງວຽງຈັນ ສະບັບເລກທີ 1878/ອຄ.ນວ.ອຫ ລົງວັນທີ 9 ກັນຍາ 2016 ທີ່ຜ່ານມາ ເລື່ອງໃຫ້ໂຮງງານອົບຂີ້ເບຍ ບອນທູບີ ຂອງບໍລິສັດ ບອນທູບີອີອາກີເທັກທີ່ຕັ້ງຢູ່ບ້ານດຸງ ເມືອງໄຊເສດຖາ ນະຄອນຫຼວງວຽງຈັນ ຢຸດການດຳເນີນການ ເນື່ອງຈາກມີບັນຫາເລື່ອງສິ່ງແວດລ້ອມ.

ມື້ນີ້ວັນທີ 11 ຕຸລາ 2016 ທ່ານຈະເລີນ ເຢຍປາວເຮີ ລັດຖະມົນຕີປະຈຳສຳນັກງານນາຍົກລັດຖະມົນຕີ, ໂຄສົກລັດຖະບານ ພ້ອມດ້ວຍພາກສ່ວນທີ່ກ່ຽວຂ້ອງໄດ້ເດິນທາງລົງໄປພົບປະເຈົ້າຂອງໂຮງງານ ແລະຕິດຕາມການດຳເນີນຂອງໂຮງງານດັ່ງກ່າວ ຕາມການຮຽກຮ້ອງຂອງຜູ້ໄດ້ຮັບຜົນກະທົບທາງດ້ານສິ່ງແວດລ້ອມ.

ພາຍຫຼັງການຢ້ຽມຢາມ ແລະໄດ້ຮັບຟັງການລາຍງານຈາກເຈົ້າຂອງໂຮງງານດັ່ງກ່າວແລ້ວ, ທ່ານ ຈະເລີນ ເຢຍປາວເຮີ ລັດຖະມົນຕີປະຈຳສຳນັກງານນາຍົກລັດຖະມົນຕີ, ໂຄສົກລັດຖະບານໄດ້ແນະນຳໃຫ້ ທາງບໍລິສັດຢຸດຕິການດຳເນີນງານທັນທີ ຕາມການແຈ້ງການຂອງພະແນກອຸດສະຫະກຳແລະການຄ້ານະຄອນຫຼວງສະບັບເລກທີ 1878/ອຄ.ນວ.ອຫ ລົງວັນທີ 9 ກັນຍາ 2016 ແລະຫ້າມຮັບເອົາຂີ້ເບຍເຂົ້າມາໃນໂຮງງານອີກ, ສ່ວນສັນຍາທີ່ຍັງຄ້າງຄາລະຫວ່າງຜູ້ສະໜອງຂີ້ເບຍກັບທາງໂຮງງານ ແມ່ນໃຫ້ຄົ້ນຄວ້າຄືນໃໝ່ໂດຍອີງໃສ່ລະບຽບກົດໝາຍ.

ໂຮງງານອົບຂີ້ເບຍ
(ຮູບປະກອບຈາກ ເສດຖະກິດ-ການຄ້າ) ທ່ານຈະເລີນ ເຢຍປາວເຮີ ລັດຖະມົນຕີປະຈຳສຳນັກງານນາຍົກລັດຖະມົນຕີ ພ້ອມດ້ວຍພາກສ່ວນທີ່ກ່ຽວຂ້ອງ ກຳລັງຢ້ຽມຊົມໂຮງງານອົບຂີ້ເບຍ ກ່ອນທ່ານຈະແນະນຳໃຫ້ຢຸດຕິການດຳເນີນງານ ຕາມແຈ້ງການເລກທີ 1878/ອຄ.ນວ.ອຫ ລົງວັນທີ 9 ກັນຍາ 2016

ບົດຄວາມຫຼ້າສຸດ

ທ່ານ ງາມປະສົງ ເມືອງມະນີ ລັດຖະມົນຕີກະຊວງ (ຍທຂ) ຊີ້ແຈງສືບຕໍ່ແກ້ໄຂຜົນກະທົບຈາກໂຄງການທາງລົດໄຟລາວ-ຈີນ

ສືບຕໍ່ແກ້ໄຂຜົນກະທົບຈາກໂຄງການທາງລົດໄຟລາວ-ຈີນທີ່ຍັງບໍ່ທັນສໍາເລັດ 16 ໜ້າວຽກ ໃນວາລະການດຳເນີນກອງປະຊຸມໃນກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ IX ທ່ານ ງາມປະສົງ ເມືອງມະນີ ລັດຖະມົນຕີກະຊວງໂຍທາທິການ ແລະ ຂົນສົ່ງ...

ແຕ່ງຕັ້ງ ທ່ານ ພອນວິໄລ ແກ້ວບຸນສານ ເປັນຮັກສາການຫົວໜ້າຄະນະຄຸ້ມຄອງດ່ານສາກົນແດນສະຫວັນ.

ປະກາດຍົກຍ້າຍ ແລະ ແຕ່ງຕັ້ງພະນັກງານນຳພາ-ຄຸ້ມຄອງຂອງດ່ານສາກົນແດນສະຫວັນ ວັນທີ 10 ມີຖຸປະກາດຍົກຍ້າຍ ແລະ ແຕ່ງຕັ້ງພະນັກງານນຳພາ-ຄຸ້ມຄອງຂອງດ່ານສາກົນແດນສະຫວັນນາ 2025 ຜ່ານມາ, ດ່ານສາກົນແດນສະຫວັນ ແຂວງສະຫວັນນະເຂດ ໄດ້ປະກາດຍົກຍ້າຍ ແລະ ແຕ່ງຕັ້ງພະນັກງານນຳພາ-ຄຸ້ມຄອງຂອງດ່ານສາກົນແດນສະຫວັນ,...

ຖວທ ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານໃນໄລຍະຜ່ານມາ

ຖວທ ສະຫຼຸບການປະຕິບັດວຽກງານ ແລະ ເຜີຍແຜ່ແຈ້ງການກ່ຽວກັບການປັບປຸງກົງຈັກ - ບຸກຄະລາກອນ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານໃນໄລຍະຜ່ານມາ, ພ້ອມທັງເຜີຍແຜ່ແຈ້ງການກ່ຽວກັບການປັບປຸງກົງຈັກ ແລະ ບຸກຄະລາກອນ...

ສະເໜີໃຫ້ລັດຖະບານເອົາໃຈໃສ່ຈັດຕັ້ງປະຕິບັດ 7 ບັນຫາ ໃນການພັດທະນາພະລັງງານໄຟຟ້າ

ສະເໜີໃຫ້ລັດຖະບານເອົາໃຈໃສ່ຈັດຕັ້ງປະຕິບັດ 7 ບັນຫາ ໃນການພັດທະນາພະລັງງານໄຟຟ້າ ທ່ານ ສົມມາດ ພົນເສນາ ຮອງປະທານສະພາແຫ່ງຊາດ ໄດ້ຖະແຫຼງຂ່າວຜົນການພິຈາລະນາບົດລາຍງານຂອງລັດຖະບານ ໃນການຈັດຕັ້ງປະຕິບັດບັນດານະໂຍບາຍ, ນິຕິກຳ, ກົນໄກ ໃນການພັດທະນາພະລັງງານໄຟຟ້າໃນກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ...