ເກັບຕົກຈາກງານທີ່ Apple ຈັດຂຶ້ນເພື່ອເປີດໂຕສະມາດໂຟນລຸ້ນໃໝ່ແບບ iPhone 7 ແລະ iPhone 7 Plus ໃນມື້ກ່ອນ ຢ່າງທີ່ເຮົາຮູ້ກັນດີວ່າໄອໂຟນລຸ້ນໃໝ່ນັ້ນໄດ້ຕັດຮູແຈັກ 3.5 ມມ ອອກໄປແລ້ວ. ເຖິງວ່າທາງແອັບເປິ້ນຈະທົດແທນໃຫ້ດ້ວຍ Earpods ພ້ອມ Lightning Connector ເພື່ອໃຫ້ເຮົາໄດ້ຟັງເພງຮັກຄືເກົ່າ ແຕ່ສິ່ງທີ່ບໍ່ຄືເກົ່າສຳລັບຄົນມັກສາກແລະຟັງໄປພ້ອມຄົງຊ້ຳໃຈແນ່ນອນ.
ແຕ່ຫຼ້າສຸດນີ້ເບິ່ງຄືວ່າຕ້ອງຈົກເງິນຈາກກະເປົ໋າອີກແລ້ວ ເມື່ອ Belkin ໄດ້ເປີດໂຕຜະລິດຕະພັນໃໝ່ຄື: ອະແດັບເຕີ້ Lightning Audio + Charge RockStar ທີ່ຈະຊ່ອຍໃຫ້ເຮົາໄດ້ຮັບປະສົບການການຟັງເພງໄປພ້ອມສາກໄປພ້ອມກັບຄືນມາ ສຳລັບ iPhone 7 ຫຼື iPhone 7 Plus.
ໄຮໄລ້ສຳລັບ ອະແດັບເຕີ້ Lightning Audio + Charge RockStar
- ຄວາມສາມາດຄູ່ໃນການຟັງເພງດ້ວຍ Lightning Audio ແລະສາກໄປພ້ອມໃນເວລາດຽວກັນ.
- ເຂົ້າກັນໄດ້ກັບ Lightning Audio headphones† ແລະອະແດັບເຕີ້ Apple Lightning to 3.5 mm.
- ຮອງຮັບການສົ່ງຜ່ານການສາກໄດ້ເຖິງ 12W ສຳລັບ iPhone ແລະ iPad
- ຮອງຮັບສຽງເອົ້າພຸດໄດ້ 48 kHz, 24-bit.
- ສາມາດໃຊ້ຮ່ວມກັນກັບ Apple iPhone 7 Smart Battery Case ແລະແພັກແບັດເຕີຣີສຳລັບການສາກ
ສຳລັບ Belkin Lightning Audio + Charge RockStar ມາພ້ອມກັບສີຂາວ ແລະມີລາຄາ MSRP ຢູ່ທີ່ $39.99 (325.000 ກີບ). ເຊິ່ງຈະພ້ອມຂາຍໃນໄວໆນີ້ໃນເວັບໄຊ Belkin.com, Apple.com ແລະຮ້ານຄ້າປີກຂອງ Apple.
ໝາຍເຫດ: MSRP ຫຍໍ້ມາຈາກຄຳວ່າ Manufacturer is Suggested Retail Price ຫຼືແປຄວາມໝາຍວ່າເປັນລາຄາທີ່ຜູ້ຜະລິດແນະນຳນັ້ນເອງ. ເຊິ່ງຮ້ານຄ້າຂາຍປີກສ່ວນໃຫຍ່ແລ້ວມັກຈະຂາຍຕ່ຳກວ່າລາຄາແນະນຳປະມານ 20-30℅
ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!
ທີ່ມາ: fonearena