spot_img
Homeຂ່າວການສຶກສາໄຂຂໍ້ຂ້ອງໃຈ!! ກັບການສອບເສັງເຂົ້າ ມຊ 15,000ຄົນ ແຕ່ເອົາພຽງ 5000ຄົນ ເລື່ອງນີ້ມີຄຳຕອບ

ໄຂຂໍ້ຂ້ອງໃຈ!! ກັບການສອບເສັງເຂົ້າ ມຊ 15,000ຄົນ ແຕ່ເອົາພຽງ 5000ຄົນ ເລື່ອງນີ້ມີຄຳຕອບ

Published on

ສື່ສັງຄົມອອນລາຍໃຕ້ດິນຂ້ອງໃຈການສອບເສັງເຂົ້າຮຽນຢູ່ມະຫາວິທະຍາໄລ 15.000 ຄົນ ແຕ່ຮັບເອົາພຽງ 5.000 ຄົນ, ສ່ວນທີ່ເຫລືອ 10.000 ຄົນຈະເອົາໄປໄວ້ໃສ່ເພີ່ນວ່າ! ເລື່ອງນີ້ມີຄໍາຕອບ

ຈົດໝາຍແລກປ່ຽນ: ຫລາຍທ່ານຕັ້ງຄໍາຖາມວ່າປີນີ້ກະຊວງສາສຶກສາທິການ ແລະ ກິລາເປີດເຜີຍວ່າໄດ້ມີນັກຮຽນນັກສຶກສາເຂົ້າສອບເສັງຢູ່ມະຫາວິທະຍາແຫ່ງຕ່າງໆທົ່ວປະເທດປະມານ 15.000 ຄົນ ແຕ່ຈະຄັດເລືອກເອົາພຽງ 5.000 ຄົນເທົ່ານັ້ນເພື່ອບັນຈຸເຂົ້າຮຽນໃນລະດັບມະຫາວິທະຍາໄລ. ເພີ່ນວ່າຄັນຊັນຍັງເຫລືອ 10.000 ຄົນຈະເອົາໄປໃສ່? ໄປຮຽນຢູ່ໃສ? ບໍ່ຕົກຄ້າງ? ອາດກາຍເປັນຄົນເສເພ ແລະ ກາຍເປັນຄົນວິໃຈຝຸ່ນເລາະຫາຫລິ້ນຕາມກາງບ້ານຮ້ານຫຍ້າບໍ? ໃຜຈະເປັນຜູ້ແບກຮາບພາລະເຂົາເຈົ້າ? ຖ້າປ່ອຍປະລະເລີຍດົນໄປເຂົາເຈົ້າບໍ່ໄປເປັນນັກເລັງອັດຕະພານ ແລະ ຕິດຢາບ້າຂ້າຄົນບໍ?

ທ່ານ ດຣ ສະໜອງເພັດມີຄວາມຄິດແລກປ່ຽນ ແລະ ໃຫ້ທັດສະນະວ່າ: ເລື່ອງບັນຫາດັ່ງກ່າວບໍ່ຕ້ອງງໍ້ ແລະ ບໍ່ຕ້ອງຄິດແບບຕື້ນໆ ຂໍໃຫ້ຄິດແບບກວ້າງ ແລະ ເບິ່ງໂລກແນ່ແບບອາຍຸຢືນຍາວໝາຍວ່າໃນໂລກບໍ່ມີປະເທດໃດດອກທີ່ວ່າການສອບເສັງຈະໄດ້ໝົດທຸກຄົນ ແລະ ຜູ້ເສັງຕົກຈະກາຍເປັນຄົນຜີບ້າໝົດທຸກຄົນເພາະລະບົບການພັດທະນາການສຶກສາມີຂັ້ນມີຕອນ ແລະ ມີການຈັດລຽນອັນດັບຄວາມສໍາຄັນຂອງມັນຍົກຕົວຢ່າງວ່າມີນັກສອບເສັງ 15.000 ຄົນ ແຕ່ຄັດເລືອກພຽງແຕ່ 5.000 ຄົນເຂົ້າຮຽນມະຫາວິທະຍາໄລ ສ່ວນທີ່ເຫລືອກໍຕ້ອງໄປຮຽນວິຊາຊີບຕາມສາຂາຕ່າງໆທີ່ເຂົາເຈົ້າມັກໃນວິທະຍາໄລ ແລະ ໂຮງຮຽນວິຊາຊີບແຫ່ງຕ່າງໆເຊັ່ນ: ກົນຈັກ, ຕັດຫຍີບ, ບໍລິການ ແລະ ອື່ນໆ.

ສະນັ້ນໃຫ້ເຂົ້າໃຈວ່າມັນເປັນບໍ່ໄດ້ດອກເສັງ 15.000 ຄົນຈະເກັງໝົດ ແລະ ໄດ້ຫລຽນຄໍາໝົດໂດຍເຫດຜົນດັ່ງກ່າວຈິ່ງເວົ້າວ່າໃນສັງຄົມມີຜູ້ເກັ່ງ, ມີຜູ້ປານກາງ ແລະ ຜູ້ອ່ອນ ສິ່ງສໍາຄັນຕ້ອງຮູ້ຈັດລຽງອັນໃດຄວນເປັນທີ 1 ແລະ ທີຕໍ່ໄປ. ຜ່ານມາມີແຫລ່ງຂ່າວໃຕ້ດິນກໍນໍາສະເໜີຂໍ້ມູນຫລາຍສີຫລາຍສັນ ແລະ ໜ້າສົນໃຈ ແຕ່ຖ້າດີກໍຂໍໃຫ້ເບິ່ງບັນຫາກວ້າງ ແລະ ມີລັກສະນະສ້າງສັນ.

ຂ່າວຈາກ: ສຳນັກຂ່າສານປະເທດລາວ

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...