spot_img
Homeຂ່າວພາຍ​ໃນລາຄາພືດຜັກ-ຊີ້ນປາ ໃນທ້ອງຕະຫລາດ ນະຄອນຫລວງວຽງຈັນ ຍັງຢູ່ໃນເກນປົກກະຕິດີ!

ລາຄາພືດຜັກ-ຊີ້ນປາ ໃນທ້ອງຕະຫລາດ ນະຄອນຫລວງວຽງຈັນ ຍັງຢູ່ໃນເກນປົກກະຕິດີ!

Published on

ໃນໄລຍະນີ້, ເຖິງວ່າຢູ່ຫລາຍທ້ອງຖິ່ນ ຈະມີສະພາບຝົນຕົກຕໍ່ເນື່ອງມາຫລາຍວັນ ແຕ່ບໍ່ປະກົດວ່າ ສົ່ງຜົນກະທົບໃດໆ ຕໍ່ການເໜັງຕິງຂອງ ລາຄາສິນຄ້າບໍລິໂພກໃນທ້ອງຕະຫຼາດ ໂດຍສະເພາະແມ່ນ ຢູ່ນະຄອນຫລວງວຽງຈັນ ຊຶ່ງຜ່ານການລົງຕິດຕາມ ສະພາບລາຄາສິນຄ້າຢູ່ຕະຫຼາດຫຼາຍແຫ່ງ ຂອງນັກຂ່າວພວກເຮົາ ເປັນຕົ້ນ: ຕະຫຼາດສະພານທອງ, ໂພນສະຫວ່າງ, ຫົວຂົວ, ທົ່ງຂັນຄໍາ ແລະ ຕະຫລາດຂົວດິນ ແຕ່ວັນທີ 15-16 ສິງຫານີ້ເຫັນວ່າ: ລາຄາສິນຄ້າປະເພດພືດຜັກຕ່າງໆ ແມ່ນຢູ່ໃນການປົກກະຕິ ບໍ່ມີການເໜັງຕິງເຊັ່ນ: ຫອມບົ່ວ-ຫອມປ້ອມ ແມ່ນມີລາຄາ 20-25 ພັນກີບຕໍ່ກິໂລ, ຂະນະທີ່ໝາກເຜັດ, ໝາກນາວ, ໝາກເລັ່ນ, ຫອມລາບ, ໝາກຖົ່ວ, ຜັກບົ້ງ, ຂີງ, ຂ່າ ແມ່ນມີລາຄາຫລຸດລົງເລັກຫນ້ອຍ, ສ່ວນລາຄາຊີ້ນງົວ ຢູ່ທີ່ລະດັບ 70-75 ພັນກີບ, ຊີ້ນໝູ 30-40 ພັນກີບ, ເປັດ-ໄກ່ 35-45 ພັນກີບ, ປານິນກະຊັງ-ປາດຸກພັນ ມີລາຄາ 15-18 ພັນກີບ, ປາດຸກນາ, ອ່ຽນ, ກົບທຳມະຊາດແມ່ນ 50-70 ພັນກີບຕໍ່ກິໂລ.

ຊາວຄ້າຂາຍສ່ວນຫຼາຍບອກວ່າ: ໃນໄລຍະນີ້ ສີນຄ້າປະເພດພືດຜັກ, ຊີ້ນ, ປາ ແລະ ອາຫານຕ່າງໆ ຍັງບໍ່ມີການເໜັງຕິງຫລາຍປານໃດ, ເນື່ອງຈາກຊ່ວງນີ້ ແມ່ນໄລຍະເຂົ້າພັນສາ ຈຶ່ງບໍ່ມີເທດສະການ ແລະ ງານຕ່າງໆຫລາຍປານໃດ, ເຮັດໃຫ້ການຈັບຈ່າຍ ຊື້ສີນຄ້າອຸປະໂພກ-ບໍລິໂພກ ບໍ່ຄືກຄື້ນເທົ່າທີ່ຄວນ, ແຕ່ຫາກມີການເໜັງຕິງຂື້ນລົງຂອງລາຄາສິນຄ້ານັ້ນ ແມ່ນເປັນໄປຕາມກົນໄກຕະຫຼາດ ແລະ ລະດູການຜະລິດຂອງມັນ, ຊຶ່ງຖືເປັນເລື່ອງປົກກະຕິ ຄືດັ່ງໄລຍະລະດູຝົນ ຊາວສວນມີເງື່ອນໄຂ ປູກພືດຜັກຕ່າງໆຫຼາຍຂຶ້ນ ແລະ ສາມາດຕອບສະໜອງ ຄວາມຕ້ອງການຂອງຕະຫຼາດ ກໍຄືຜູ້ບໍລິໂພກໄດ້ຢ່າງພຽງພໍ ກໍເຮັດໃຫ້ລາຄາຂອງມັນ ມີທ່າອຽງຫລຸດລົງ.

 

ແຫລ່ງຂ່າວ:

ລພນ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...