spot_img
Homeຂ່າວພາຍ​ໃນລາວເລັ່ງກວດການໍ້າມັນເຊື້ອໄຟທີ່ໄດ້ຮັບການຍົກເວັ້ນພາສີ-ອາກອນ

ລາວເລັ່ງກວດການໍ້າມັນເຊື້ອໄຟທີ່ໄດ້ຮັບການຍົກເວັ້ນພາສີ-ອາກອນ

Published on

ປັດຈຸບັນຫລາຍພາກສ່ວນກ່ຽວຂ້ອງເປັນຕົ້ນ: ກະຊວງການເງິນ, ກະຊວງແຜນການ ແລະ ການລົງທຶນ,ກະຊວງອຸດຫະກໍາ ແລະ ການຄ້າ ແລະ ກະຊວງພະລັງງານ ແລະ ບໍ່ແຮ່ ພວມປະສານສົມທົບກັນເລັ່ງດໍາເນີນການກວດກາຄືນການອະນຸຍາດນໍາເຂົ້ານໍ້າມັນເຊື້ອໄຟທຸກປະເພດໃນທົ່ວປະ ເທດ ເພື່ອປະຕິບັດຕາມການຊີ້ນໍາຂອງນາຍົກລັດຖະມົນຕີ ໃຫ້ຢຸດຕິການຍົກເວັ້ນພາສີ-ອາກອນນໍາເຂົ້ານໍ້າມັນເຊື້ອໄຟທຸກປະເພດໃນຂອບເຂດທົ່ວປະເທດ, ສໍາລັບໂຄງການໃດທີ່ໄດ້ຮັບການຍົກເວັ້ນໃນໄລ ຍະຜ່ານມາແມ່ນໃຫ້ພາກສ່ວນກ່ຽວຂ້ອງດໍາເນີນການກວດກາ ແລະ ເຈລະຈາຄືນໃໝ່ເພື່ອໃຫ້ທຸກໂຄງການຫັນເຂົ້າສູ່ລະບຽບກົດໝາຍຢ່າງເຄັ່ງຄັດ, ໄປຄຽງຄູ່ກັນນັ້ນກໍໃຫ້ຮີບຮ້ອນກວດກາປັບປຸງບັນດານິຕິກໍາລຸ່ມກົດໝາຍທີ່ກ່ຽວຂ້ອງກັບການນໍາເຂົ້ານໍ້າມັນເຊື້ອໄຟທຸກປະເພດໃຫ້ສອດຄ່ອງກັບກົດໝາຍເພື່ອເປັນບ່ອນອິງໃຫ້ແກ່ການຈັດຕັ້ງປະຕິບັດມີຄວາມເອກະພາບ ແລະ ທັງສະກັດກັ້ນການສວຍໃຊ້ຊ່ອງຫວ່າງອັນບໍ່ດີຕ່າງໆເພື່ອນໍາເຂົ້ານໍ້າມັນມາຈໍາໜ່າຍ.

ທ່ານ ຈະເລີນ ເຢຍປາວເຮີ ໂຄສົກລັດຖະບານ ໃຫ້ຮູ້ວ່າ: ຜ່ານການສະຫລຸບຕົວເລກການອະນຸມັດຍົກເວັ້ນພາສີ-ອາກອນນໍາເຂົ້ານໍ້າມັນເຊື້ອໄຟໃນທົ່ວປະເທດມາຮອດວັນທີ 20 ພຶດສະພາ 2016 ມີເຖິງ 1,49 ຕື້ລິດ, ຕົກເປັນມູນຄ່າປະມານ 1.495 ຕື້ກີບ ແລະ ການຍົກເວັ້ນສ່ວນໃຫຍ່ແມ່ນຮັບໃຊ້ໂຄງການກໍ່ສ້າງພື້ນຖານໂຄງລ່າງ, ໂຄງການຊ່ວຍເຫລືອລ້າ ແລະ ວຽກງານປ້ອງກັນຊາດ-ປ້ອງກັນຄວາມສະຫງົບ. ນອກຈາກນີ້ລັດຖະບານຍັງພົບການສວຍໂອກາດຈາກຊ່ອງຫວ່າງການຍົກເວັ້ນພາສີ-ອາກອນ ເພື່ອລັກລອບນໍາເຂົ້ານໍ້າມັນມາຈໍາໜ່າຍເປັນຈໍານວນຫລາຍອີກດ້ວຍ.

ລັດຖະບານໃຫ້ຮູ້ວ່າ: ການຢຸດຕິບັນຫາດັ່ງກ່າວແມ່ນການຜັນຂະຫຍາຍມະຕິກອງປະຊຸມໃຫຍ່ຄັ້ງທີ X ຂອງພັກທີ່ກໍານົດວ່າ: ພວກເຮົາຕ້ອງດໍາເນີນການກໍ່ສ້າງລັດປະຊາທິປະໄຕ ປະຊາຊົນລາວ ທີ່ປົກຄອງສັງຄົມດ້ວຍກົດໝາຍຕາມທິດພັກນໍາພາດ້ວຍກົດໝາຍ, ລັດຄຸ້ມຄອງສັງຄົມດ້ວຍກົດໝາຍ ແລະ ປະຊາຊົນເປັນເຈົ້າສະເໝີພາບຕໍ່ໜ້າກົດໝາຍ, ທັງປະຕິບັດຕາມກົດໝາຍວ່າດ້ວຍການສົ່ງເສີມການລົງທຶນທີ່ກໍານົດວ່າ: ການນໍາເຂົ້ານໍ້າມັນເຊື້ອໄຟທຸກປະເພດແມ່ນບໍ່ໄດ້ຮັບການຍົກເວັ້ນພາສີ-ອາກອນ ແລະ ມະຕິກອງປະຊຸມສະໄໝສາມັນເທື່ອທີ X ຂອງສະພາແຫ່ງຊາດຊຸດທີ VII ທີ່ລະບຸໃຫ້ລັດຖະບານກວດຄືນບັນດາ ການຕົກລົງທີ່ຕິດພັນກັບການຍົກເວັ້ນພາສີ-ອາກອນນໍາເຂົ້ານໍ້າມັນເຊື້ອໄຟທຸກປະເພດ ແລະ ຊັບສີນຂອງລັດໃນໄລຍະຜ່ານມາເພື່ອມີວິທີການແກ້ໄຂໃຫ້ສອດຄ່ອງກັບລະບຽບກົດໝາຍ.

ຂ່າວຈາກ: laophatthananewspaper

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...