Homeຂ່າວພາຍ​ໃນທີ​ວີ​ລາວ​ຜູກຂາດ​ ສັນຍານ​ບານ​ໂລກຢູ່​ລາວ

ທີ​ວີ​ລາວ​ຜູກຂາດ​ ສັນຍານ​ບານ​ໂລກຢູ່​ລາວ

Published on

​ການ​ແຂ່ງຂັນບານ​ເຕະ​ໂລກ (World cup) ຈະ​ເລີ່​ມຂຶ້ນ​​ແຕ່​ວັນ​ທີ 12 ມິຖຸນາ​ຫາ 13 ກໍລະກົດ 2014 ​ທີ່ປະ​ເທດ​ເບຣຊິນ​ເປັນ​ເຈົ້າ ພາບ​, ​ແຕ່​ຜູ້​ທີ່​ຢາກ​ຕິດຕາມ​ເບິ່ງ​ການ​ແຂ່ງຂັນ​ດັ່ງກ່າວ​ຕ້ອງ​ໄດ້​ຊື້ ກ່ອງ​ຮັບ​ສັນຍານ​ສະ​ເພາະ​ນຳ TV ລາວ ​ຈຶ່ງ​ສາມາດ​ຊົມ​ໄດ້ ເນື່ອງ​ຈາກ​ສະຖານີ​ໂທລະພາບ​ທີ​ວີ​ລາວ ​ໄດ້​ຮັບ​ລິ​ຂະ​ສິດ​ຖ່າຍ​ທອດ​ຈາກ​ສະຫະພັນ​ບານ​ເຕະ​ສາກົນ (FIFA) ພຽງ​ຜູ້​ດຽວ​ໃນ​ລາວ.

ທ່ານ ຫົງ​ຄຳ ສຸວັນນະ​ວົງ ອຳນວຍ​ການ​ໂທລະພາບ​ທີ​ວີ​ລາວ ​ໄດ້​ກ່າວ​ໃນ​ງານ​ຖະ​ແຫລ​ງ ຂ່າວຜູ້​ອຸປະຖຳ​ການຖ່າຍ​ທອດ​ສົດ​ເຕະບານ​ໂລກ ​ເມື່ອ​ວັນ​ທີ 23 ພຶດສະພາ​ນີ້ ຢູ່​ໂຮງ​ແຮມ​ດອນ​ຈັນ​ພາ​ເລດ​ວ່າ: TV ລາວ ​ໄດ້​ຮັບ​ລິ​ຂະ​ສິດ​ແຕ່​ພຽງ​ຜູ້​ດຽວ ​ເພື່ອ​ຖ່າຍ​ທອດ​ສົດ​ທາງ​ໂທລະພາບ ​ແລະ ມື​ຖື​ຈາກ​ສະຫະພັນ​ບານ​ເຕະ​ໂລກ ​ແລະ ຈະ​ທຳ​ການຖ່າຍ​ທອດ​ສົດ​ທຸກ​ນັດ​ຂອງ​ການ​ແຂ່ງ ຂັນ ເຊິ່ງ ລວມມີ 64 ນັດ ​ໃຫ້​ແກ່​ຜູ້​ຊົມ​ໃນ ສປປ ລາວ ​ໄດ້​ຮັບ​ຊົມ​ຢ່າງ​ທົ່ວ​ເຖິງ

​ໂດຍ​ຜ່ານ​ລະບົບ​ດາວ​ທຽມ ທັງ​ໃນ​ລະບົບ​ທຳ​ມະ​ດາ SD, ລະບົບ​ຄວາມ​ແຈ້ງ​ສູງ HD, ລະບົບ​ຊີ​ແບນ ​ແລະ ລະບົບ​ເຄຢູ​ແບນ ໂດຍ​ຜ່ານ​ກ່ອງ​ຮັບ​ສັນຍານ​ທີ່​ມີ​ລະຫັດ​ຕາມ​ລະບຽບ​ການ​ຂອງ​ສະຫະພັນ​ບານ​​ເຕະ​ໂລກ. ສຳລັບ​ລາຄາ​ກ່ອງ​ຮັບ​ສັນຍານ​ມີ​ຄື: ອິນ​ໂຟ​ແຊດ​ແມ່ນ 4 ​ແສນ​ກີບ, ​ໄອ​ພີ​ເອັມທຳ​ມະ​ດາ 3 ​ແສນ​ກີບ, ລະບົບ HD 650.000 ກີບ ​ແລະ ສຳ ລັບ​ລູກ​ຄ້າ​ທີ່​ມີ​ກ່ອງ​ຢູ່​ແລ້ວ ​ແຕ່​ຕ້ອງ​ໄປລົງທະບຽນ​​ໃໝ່ຈ່າຍ​ຄ່າ​ທຳນຽມ 2 ​ແສນ​ກີບ ​ເຊິ່ງຖ້າ​ບໍ່​ມີ​ກ່ອງ​ສັນຍາ​ນດັ່ງກ່າວ​ກໍ​ຈະ​ບໍ່​ສາ ມາດ​ເບິ່ງ​ການ​ແຂ່ງຂັນ​​ເຕະບານ​ນັ້ນ​ໄດ້. ປັດຈຸບັນ ມີ​ບໍລິສັດ​ໂຄ​ຄາ​ໂຄ​ລາ ​ແລະ ບໍລິສັດ​ໂຄ​ລາວ ​ໄດ້​ໃຫ້ການ​ອຸປະ​ຖຳ ​ເພື່ອ​ສາມາດ​ໂຄສະນາ​ສິນຄ້າ​ຂອງ​ຕົນ​ຜ່ານ​ລາຍການ​ຖ່າຍ​ທອດ​ສົດ​ຂອງ​ການ​ແຂ່ງຂັນ​ເຕະບານ​ໂລກ​ໄດ້​ໂດຍ​ຜ່ານ TV ລາວ.

ທີ່ມາ http://laophatthananews.blogspot.com/2014/05/blog-post_6871.html

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...