spot_img
Homeວັນນະກຳເບິ່ງໃນສິ່ງທີ່ຂ້ອຍມີ ຢ່າເບິ່ງໃນສິ່ງທີ່ຂ້ອຍຂາດ

ເບິ່ງໃນສິ່ງທີ່ຂ້ອຍມີ ຢ່າເບິ່ງໃນສິ່ງທີ່ຂ້ອຍຂາດ

Published on

ສາວຊາວຈີນໄຕ້ຫວັນຜູ້ໜຶ່ງ ເປັນໂລກສະໝອງພິການຕັ້ງແຕ່ກຳເນີດ (cerebralpalsy) ບໍ່ສາມາດເຄື່ອນໄຫວໄດ້ຕາມປົກກະຕິ ແລະ ເວົ້າບໍ່ໄດ້ ແຕ່ດ້ວຍຄວາມມຸ່ງໝັ້ນ ແລະ ສັດທາ ລາວສາມາດຮຽນຈົບປະລິນຍາເອກ ຈາກສະຫະລັດອາເມລິກາ ແລ້ວສະແດງທັດສະນະຄະຕິຂອງລາວ ຕາມທີ່ຕ່າງໆ ເພື່ອໃຫ້ກຳລັງໃຈ ແລະ ຊ່ວຍເຫຼືອຜູ້ອື່ນ.

ມີເທື່ອໜຶ່ງ ລາວໄດ້ຮັບເຊີນໄປບັນຍາຍດ້ວຍການຂຽນ (ລາວເວົ້າບໍ່ໄດ້ຕ້ອງໃຊ້ວິທີຂຽນ) ຫຼັງຈາກບັນຍາຍແລ້ວໆ ມີນັກຮຽນຜູ້ໜຶ່ງຕັ້ງຄຳຖາມວ່າ:

“ທ່ານຢູ່ໃນສະພາບນີ້ຕັ້ງແຕ່ເກີດເປັນຄົນ ທ່ານເຄີຍຮູ້ສຶກນ້ອຍໃຈບໍ? ແລ້ວທ່ານເບິ່ງໂຕເອງແນວໃດ?”
ຄຳຖາມອັນລະອຽດອ່ອນນີ້ ສ້າງຄວາມຕົກຕະລຶງແກ່ຜູ້ເຂົ້າຮ່ວມ ຟັງບັນຍາຍທີ່ສຸດ ທຸກຄົນຫ່ວງວ່າ ຄຳຖາມນີ້ ຈະກະທົບຄວາມຮູ້ສຶກຂອງລາວ ປະກົດວ່າ ລາວຫັນໜ້າໄປຍັງແຜ່ນເຈ້ຍແລ້ວ ຂຽນໂຕໜັງສືວ່າ :

“ຂ້ອຍເບິ່ງໂຕເອງແນວໃດ?” ລາວປິ່ນໜ້າຍິ້ມໃຫ້ຜູ້ເຂົ້າຮ່ວມປະຊຸມ ແລ້ວຂຽນຂໍ້ຄວາມຕໍ່

1. ຂ້ອຍເປັນຄົນນິໄສໜ້າຮັກ
2. ຂ້ອຍມີຂາທີ່ງາມດີ
3. ພໍ່ແມ່ຮັກຂ້ອຍ
4. ພະເຈົ້າໄດ້ມອບຄວາມຮັກແກ່ຂ້ອຍ
5. ຂ້ອຍແຕ້ມຮູບໄດ້ ຂ້ອຍແຕ່ງໜັງສືໄດ້
6. ຂ້ອຍມີແມວທີ່ໜ້າຮັກ
ແລະ……
ຂະນະນັ້ນ ໃນຫ້ອງປະຊຸມມິດງຽບ ບໍ່ມີສຽງເວົ້າຈາໃດໆ ເຂົາຫັນກັບມາເບິ່ງທຸກຄົນແລ້ວ ຂຽນຄຳສະຫຼຸບເທິງແຜ່ນເຈ້ຍວ່າ:

“ຂ້ອຍເບິ່ງແຕ່ສິ່ງທີ່ຂ້ອຍມີ ບໍ່ໄດ້ເບິ່ງສິ່ງທີ່ຂ້ອຍຂາດເຂີນ”

ຫຼັງຈາກນັ້ນ ສຽງຕົບມືດັງສະນັ່ນໃນຫ້ອງບັນຍາຍ ພ້ອມທັງນ້ຳຕາທີ່ສະເທືອນໃຈ ຈາກຫຼາຍໆຄົນ ມື້ນັ້ນ ທັດສະນະຄະຕິ ໃນທາງສຸຂະນິຍົມ ແລະ ບົດພິສູດຂອງລາວ ໄດ້ເພິ່ມກຳລັງໃຈແກ່ຜູ້ຄົນ ຢ່າງຫຼວງຫຼາຍ ຜູ້ທີ່ເປັນໂລກສະໝອງພິການນີ້ຄື ນາງ ຫວງເໝີ່ຍຫຼຽນ (Huang Meilian) ສີລະປະສາດດຸດສະດີບັນດິດຈາກ UCLA ຜູ້ເຄີຍຈັດນິທັດສະການຮູບແຕ້ມສ່ວນຕົວ ຫຼາຍໆຄັ້ງໃນໄຕ້ຫວັນ.

“ຂ້ອຍເບິ່ງແຕ່ສິ່ງທີ່ຂ້ອຍມີ ບໍ່ເບິ່ງສິ່ງທີ່ຂ້ອຍຂາດເຂີນ ” ຄວາມສຸກບໍ່ໄດ້ຢູ່ທີ່ທ່ານຄອບຄອງ ສິ່ງໃດຫຼາຍປານໃດ ແຕ່ຢູ່ທີ່ທ່ານມີທັດສະນະຄະຕິຈັ່ງໃດ ໃນການເບິ່ງສິ່ງຕ່າງໆ ຈະຫັນມາເບິ່ງສິ່ງທີ່ດີໃນໂຕເອງ ລືມໃນສິ່ງທີ່ປ່ຽນແປງບໍ່ໄດ້ ລືມອະດີດທີ່ຜ່ານໄປ ເບິ່ງໄປທາງໜ້າ ແລ້ວເຮັດມື້ນີ້ໃຫ້ດີທີ່ສຸດ.

ທີ່ມາ: ວາລະສານ ມະຫາຊົນ

ບົດຄວາມຫຼ້າສຸດ

ບໍລິສັດ ເບຍລາວ ໄດ້ຮັບການຮັບຮອງດ້ານຄຸນນະພາບໃນລະດັບສາກົນ ຈັດຂຶ້ນຢູ່ນະຄອນບຣູດເຊວ, ປະເທດເບວຢຽ

ບໍລິສັດ ເບຍລາວ ໄດ້ຮັບການຮັບຮອງດ້ານຄຸນນະພາບໃນລະດັບສາກົນອີກຄັ້ງ ເມື່ອສອງຜະລິດຕະພັນຂອງບໍລິສັດຄື: ເບຍລາວ ແລະ ເບຍລາວກຣີນ ຄວ້າລາງວັນຫຼຽນຄຳດ້ານຄຸນນະພາບໃນງານ Monde Selection ຄັ້ງທີ 64 ເຊິ່ງເປັນງານມອບລາງວັນດ້ານຄຸນນະພາບລະດັບໂລກ ທີ່ໄດ້ຈັດຂຶ້ນຢູ່ນະຄອນບຣູດເຊວ,...

ພາກເໜືອ-ກາງ ກຽມຮັບມືກັບຝົນຕົກໃນໄລຍະວັນທີ 12 ຫາ 17 ເມສາ 2025

ຝົນຕົກ ຟ້າຮ້ອງ ຟ້າເຫຼື້ອມ, ຫມາກເຫັບຕົກ ແລະ ລົມພັດແຮງ ໃນໄລະຍະວັນທີ 12 ຫາ 17 ເມສາ 2025 ຄວາມກົດດັນສູງອາກາດເຢັນທີ່ປະເທດຈີນຈະແຜ່ລົງມາປົກຄຸມຢູ່ເຂດພາກເຫນືອ ແລະ ພາກກາງ...

ໃນປີ 2024 ແຂວງໄຊສົມບູນ ກວດພົບພະນັກງານ ສໍ້ລາດບັງຫຼວງ 3 ຄົນ ມູນຄ່າເສຍຫາຍເກືອບ 20 ລ້ານກີບ

ແຂວງໄຊສົມບູນ ກວດພົບພະນັກງານ ສໍ້ລາດບັງຫຼວງ 3 ຄົນ ມູນຄ່າເສຍຫາຍເກືອບ 20 ລ້ານກີບ ໃນປີ 2024 ຄະນະກວດກາພັກ,ອົງການກວດກາລັດ ແຂວງໄຊສົມບູນ ຈັດກອງປະຊຸມ ສະຫຼຸບຕີລາຄາວຽກງານກວດກາທົ່ວແຂວງໄຊສົມບູນ ປະຈຳປີ...

ກອງທັບປະຊາຊົນລາວ ສິ້ນສຸດພາລະກິດ ຊ່ວຍເຫຼືອຜູ້ປະສົບໄພແຜ່ນດິນໄຫວຢູ່ ສສ ມຽນມາ

ກອງທັບປະຊາຊົນລາວ ສໍາເລັດການຊ່ວຍເຫຼືອຜູ້ປະສົບໄພແຜ່ນດິນໄຫວຢູ່ ສສ ມຽນມາ ໃນວັນທີ 8 ເມສາ ຜ່ານມາ ຄະນະປະຕິບັດງານຊ່ວຍເຫຼືອຜູ້ປະສົບແຜ່ນດິນໄຫວຂອງກອງທັບປະຊາຊົນລາວ ນຳໂດຍສະຫາຍ ພັນເອກ ປາດຖະໜາ ບຸດຕິຈັກ ຮອງຫົວໜ້າຫ້ອງການກົມໃຫຍ່ເສນາທິການກອງທັບ, ຄະນະກຳມະການຄຸ້ມຄອງໄພພິບັດກະຊວງປ້ອງກັນປະເທດ,...