ສຳນັກຂ່າວຕ່າງປະເທດ ລາຍງານໃນວັນທີ 5 ພຶດສະພານີ້ວ່າ ສະຫະລັດອາເມຣິກາ ແລະ ຣັດເຊຍ ໄດ້ຕົກລົງເຫັນດີຮ່ວມກັນ ຂະຫຍາຍຂອບເຂດການຄວບຄຸມຂອງ ຂໍ້ຕົກລົງຢຸດຄວາມເປັນສັດຕູ (cessation of hostilities) ຫລື ຂໍ້ຕົກລົງຢຸດຍິງຢູ່ຊີຣີ ໃຫ້ຄວບຄຸມໄປເຖິງເມືອງອະເລບໂປ ທີ່ກຳລັງເກີດການປະທະກັນຢ່າງຮຸນແຮງ ລະຫວ່າງກອງກຳລັງຝ່າຍຕໍ່ຕ້ານ ແລະ ກອງທັບລັດຖະບານຊີຣີ ເມື່ອບໍ່ດົນຜ່ານມານີ້ ຈົນເຮັດໃຫ້ມີຜູ້ເສຍຊີວິດແລ້ວຫລາຍສິບຄົນ.
ນອກຈາກນີ້ ສະຫະລັດອາເມຣິກາ ແລະ ຣັດເຊຍ ຈະດຳເນີນງານຮ່ວມກັນຢ່າງໃກ້ຊິດ ເພື່ອສ້າງຂອບການຮ່ວມມື ໃນການສັງເກດການ ແລະ ຊຸກຍູ້ໃຫ້ຂໍ້ຕົກລົງດັ່ງກ່າວ ໃຫ້ມີຜົນສັກສິດຢູ່ເມືອງອະເລບໂປ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!