spot_img
Homeຂ່າວການສຶກສາການສອບເສັງນັກຮຽນເກັ່ງລະດັບຊາດ ຊັ້ນປະຖົມປີທີ 5 ມີຕົວແທນຈາກທົ່ວປະເທດ ເຂົ້າຮ່ວມ 54 ຄົນ!

ການສອບເສັງນັກຮຽນເກັ່ງລະດັບຊາດ ຊັ້ນປະຖົມປີທີ 5 ມີຕົວແທນຈາກທົ່ວປະເທດ ເຂົ້າຮ່ວມ 54 ຄົນ!

Published on

ເພື່ອ​ສ້າງ​ໂອກາດ​ໃຫ້​ນັກຮຽນສະແດງ​ອອກ​ທາງ​ດ້ານ​ພອນ​ສະຫວັນ ດ້ານ​ຄວາມ​ຮູ້ ຄວາມ​ສາມາດ ຫົວຄິດ​ປະດິດ​ສ້າງ ສົ່ງເສີມການ​ຮຽນ-ການ​ສອນໃນ​ໂຮງຮຽນ​ໃຫ້​ມີ​ບັນຍາກາດ ​ສ້າງ​ໂອກາດ​ເຂົ້າ​ຮ່ວມ​ການ​ແຂ່ງຂັນ​ຫຍັບເຂົ້າ​ໃກ້​ລະດັບ​ພາກ​ພື້ນ ແລະ ສາກົນ ເປັນ​ການ​ທົບ​ທວນ ກວດສອບ​ການ​ສິດສອນ​ຮ່ຳຮຽນ​ຂອງນັກຮຽນ ຄູ-ອາຈານ ແລະ ເປີດໂອກາດ​ໃຫ້​ນັກ​ສອບ​ທີ່​ໄດ້​ອັນ​ດັບທີ 1 ຫາ 3 ໄດ້​ຮັບ​ການ​ສະໜັບ​ສະໜູນໃນ​ລະດັບ​ສູງ​ຕໍ່​ໄປ.

ການ​ສອບເສັງ​ນັກຮຽນ​ເກັ່ງລະດັບ​ຊາດ ຊັ້ນ​ປະຖົມ​ສຶກ​ສາ (ປ5) ຈັດ​ຂຶ້ນ​ໃນ​ລະຫວ່າງ​ວັນ​ທີ 26-29 ເມສາ 2015 ທີ່​ສະ​ຖາບັນ​ຄົ້ນຄວ້າ​ວິທະຍາສາດ​ການສຶກ​ສາ ກະຊວງ​ສຶກ​ສາ​ທິ​ການ ແລະ ກີລາ ເປັນ​ປະທານ ທ່ານ ທອງ​ຜີວ ບຸດ​ສະ​ດີ ຜູ້​ຊ່ວຍ​ລັດ​ຖະມົນຕີ​ກະຊວງ​ສຶກ​ສາ​ທິ​ການ ແລະ ກີລາ ທ່ານ​ຫົວໜ້າ​ກົມ ຫ້ອງການ ພະແນກການ ພະນັກງານ​ຄູ-ອາຈານ ແລະ ພໍ່​ແມ່​ຜູ້​ປົກຄອງ​ນັກຮຽນ ​ເຂົ້າ​ຮ່ວມ​ເປັນ​ກຳລັງ​ໃຈ.

ສຳລັບ​ວິຊາ​ສອບເສັງມີ 3 ວິຊາຄື: ວິຊາ​ພາສາ​ລາວ ຄະນິດ​ສາດ ແລະ ວິຊາ​ໂລກ​ອ້ອມຕົວ ສະເພາະ​ໃນ​ສົກຮຽນ 2015-2016 ແມ່ນ​ຈັດ​ຂຶ້ນ​ເປັນ​ຄັ້ງ​ທີ 7 ມີ​ຕົວ​ແທນ​ນັກຮຽນ​ເກ່ງ​ຂອງ 17 ແຂວງ 1 ນະຄອນຫຼວງ​ວຽງ​ຈັນ ເຂົ້າ​ຮ່ວມ​ການ​ສອບເສັງ​ວິຊາ​ລະ 1 ຄົນ ມີ​ຜູ້​ເຂົ້າ​ຮ່ວມ​ການ​ສອບເສັງ​ທັງ​ໝົດ 54 ຄົນ ຍິງ 35 ຄົນ ເທົ່າ​ກັບ 65% ຈາກ​ໂຮງຮຽນພາກ​ລັດ 38 ຄົນ ເທົ່າ​ກັບ 70% ພ້ອມ​ກັນ​ເປັນ​ກຳລັງ​ໃຈໃຫ້​ກັບຕົວ​ແທນ​ນັກຮຽນ​ເກ່ງ ທີ່​ເຂົ້າຮ່ວມ​ສອບເສັງ​ນັກຮຽນ​ເກ່ງ​ຄັ້ງ​ນີ້ ແມ່ນ​ນັກຮຽນ​ໂຮງຮຽນ​ໃດ ຈາກແຂວງ​ໃດ ຈະ​ສາມາດ​ຮັກສາ​ມູນເຊື້ອ ແລະ ສ້າງ​ສະຖິຕິ​ໃໝ່​ໃຫ້​ກັບແຂວງ​ຂອງ​ຕົນ.

 

ແຫລ່ງຂ່າວ:

ວຈໝ

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!

ບົດຄວາມຫຼ້າສຸດ

ຮອງລັດຖະມົນຕີ ກະຊວງສາທາລະນະສຸກ ສປປ ລາວ ຮ່ວມກອງປະຊຸມລະດັບສູງສະຫະປະຊາຊາດ

ດຣ. ໄພວັນ ແກ້ວປະເສີດ ຮອງລັດຖະມົນຕີ ກະຊວງ ສາທາລະນະສຸກ ໄດ້ເຂົ້້າຮ່ວມກອງປະຊຸມລະດັບສູງສະຫະ ປະຊາຊາດ ຈັດຂຶ້ນຢູ່ນະຄອນນີວຢອກ, ສະຫາລັດອາເມລິກາ, ກອງປະຊຸມດັ່ງກ່າວ ມີການນໍາຂັ້ນສູງຈາກບັນດາປະເທດສະ ມາຊິກສະຫະປະຊາຊາດ ພ້ອມທັງອົງການຈັດຕັ້ງສາກົນເຂົ້າຮ່ວມ,...

ແຈ້ງເຕືອນສະພາບລະດັບນໍ້າສາຂາ ປະຈໍາວັນທີ 26 ກັນຍາ 2024. ເວລາ 12 ໂມງ 00

ບໍລິເວນຄວາມກົດດັນສູງຂອງອາກາດເຢັນ ໄດ້ປົກຄຸມຢູ່ທົ່ວທຸກພາກຂອງປະເທດລາວ, ສົມທົບກັບລົມຕາເວັນອອກສ່ຽງໃຕ້ພັດປົກຄຸມ. ຊຶ່ງຈະເຮັດໃຫ້ ຍັງຈະມີຝົນຕົກຟ້າຮ້ອງ ຟ້າເຫຼື້ອມໃນລະດັບຄ່ອຍຢູ່ໃນແຕ່ລະພາກ ແລະ ຈະໃນລະດັບປານກາງຢູ່ບາງທ້ອງຖິ່ນພ້ອມມີລົມ ພັດແຮງເປັນບາງໂອກາດ. ພ້ອມດຽວກັນນີ້, ໃນເວລາ 7:00 ໂມງ ສະພາບລະດັບນໍ້າສາຂາ ເຊັ່ນ:...

ກັກຕົວແກ້ງໄວລຸ້ນ ດັດແປງສະພາບເຕັກນິກລົດຈັກ ມາສຶກສາອົບຮົມ

ວັນທີ 19 ກັນຍາ 2024, ກອງບັນຊາການ ປກສ ເມືອວຽງພູຄາ ແຂວງຫຼວງນໍ້າທາ ໄດ້ອອກກວດກາເຄື່ອນໄຫວຕາມເທດບານ ເມືອງວຽງພູຄາ ພົບເຫັນຜູ້ລະເມີດການສັນຈອນ ໂດຍການດັດແປງສະພາບເຕັກນິກລົດຈັກ ຈຳນວນ 11...

ມອບ-ຮັບເຂົ້າສານຈ້າວ 100 ກວ່າໂຕນ ໃຫ້ແກ່ຜູ້ປະສົບໄພນໍ້າຖ້ວມ ແຂວງຫຼວງນໍ້າທາ

ໃນຕອນເຊົ້າວັນທີ 26 ກັນຍາ 2024, ອົງການກາແດງແຫ່ງຊາດລາວ,ອົງການອາຫານໂລກ, ກະຊວງແຮງງານ ແລະ ສະຫວັດດີການສັງຄົມ, ຄະນະນຳແຂວງຫຼວງນໍ້າທາ ແລະ ອົງການກາແດງແຂວງ ໄດ້ລົງແຈກຢາຍເຂົ້າສານຈ້າວໃຫ້ປະຊາຊົນທີ່ປະສົບໄພນໍ້າຖ້ວມ ໂດຍການເຂົ້າຮ່ວມຂອງທ່ານ ຄຳລາວັນ...