spot_img
Homeຂ່າວພາຍ​ໃນອາ​ຊຽນ​ ຮັບ­ຮອງ​ເອົາ​ຫຼາຍ​ບັນ­ຫາ​ສຳ­ຄັນ​ດ້ານ​ການ​ເງິນ-ທະ­ນາ­ຄານ

ອາ​ຊຽນ​ ຮັບ­ຮອງ​ເອົາ​ຫຼາຍ​ບັນ­ຫາ​ສຳ­ຄັນ​ດ້ານ​ການ​ເງິນ-ທະ­ນາ­ຄານ

Published on

ກອງ​ປະ­ຊຸມ​ລັດ­ຖະ­ມົນ­ຕີ​ການ​ເງິນ​ອາ​ຊຽນ ແລະ​ກອງປະ­ຊຸມ​ຜູ້​ວ່າ­ການ​ທະ­ນາ­ຄານ​ກາງ​ອາ​ຊຽນ ໄດ້​ຮ່ວມ​ກັນ​ຮັບ­ຮອງເອົາ​ຫຼາຍ​ບັນ­ຫາ​ສຳ­ຄັນ​ໃນ​ຂະ­ແໜງ​ຂອງ​ຕົນພາຍ­ຫຼັງ​ທີ່​ໄດ້​ປຶກ ສາ​ຫາ­ລື​ກັນ​ໃນ​ບັນ­ດາ​ກອງ​ປະ­ຊຸມ​ປິ່ນ​ອ້ອມ​ມາ​ແຕ່​ວັນ​ທີ 1-4 ເມ­ສາ​ຜ່ານ​ມາ.

   ວັນ​ທີ 4 ເມ­ສາ 2016 ທີ່​ຫໍ​ປະ­ຊຸມ​ແຫ່ງ​ຊາດ​ກອງ​ປະ­ຊຸມ​ລັດຖະ​ມົນ­ຕີ​ການ​ເງິນ​ອາ​ຊຽນ​ຄັ້ງ​ທີ 20 ແລະ​ກອງ​ປະ­ຊຸມ​ຜູ້​ວ່າ­ການທະ­ນາ­ຄານ​ກາງ​ອາ​ຊຽນ​ຄັ້ງ​ທີ 12 ໄດ້​ເປີດ​ຂຶ້ນ​ຢ່າງ​ເປັນ​ທາງການ ໂດຍ​ການ​ເປັນ​ປະ­ທານ​ຂອງ ທ່ານ ດຣ. ລຽນ ທິ​ແກ້ວ ລັດ­ຖະ­ມົນ­ຕີ​ວ່າ­ການ​ກະ­ຊວງການ​ເງິນ ສປປ ລາວ, ທ່ານ ດຣ. ສົມ​ພາວ ໄຟ​ສິດ ຜູ້​ວ່າ­ການ​ທະ­ນາ­ຄານ​ແຫ່ງ ສປປ ລາວ, ມີ​ລັດ­ຖະ­ມົນ­ຕີ, ຮອງ​ຜູ້​ວ່າ­ການ​ທະ­ນາ­ຄານ ແລະ​ຜູ້​ແທນ​ກອງ​ປະຊຸມ​ຈາກ​ບັນ­ດາ​ປະ­ເທດ​ສະ­ມາ­ຊິກ​ອາ​ຊຽນ​ເຂົ້າ​ຮ່ວມ.

ກອງ​ປະ­ຊຸມ​ດັ່ງ­ກ່າວ​ໄດ້​ປຶກ­ສາ​ຫາ­ລືຫຼາຍ​ບັນ­ຫາ​ສຳ­ຄັນທີ່​ຕິດ​ພັນ​ກັບ​ການ­ຈັດ­ຕັ້ງ​ປະ­ຕິ­ບັດ​ວິ­ໄສ​ທັດ​ການ​ສ້າງ​ປະ­ຊາຄົມ​ເສດ­ຖະ­ກິດ​ອາ​ຊຽນ ໂດຍ​ສະ­ເພາະ​ກອບ​ການ​ຮ່ວມ​ມື​ວຽກ  ງານ​ການ​ເງິນ-ເງິນ­ຕາ​ຂອງ​ອາ​ຊຽນ​ທີ່​ກວມ​ເອົາ​ວຽກ​ງານການ​ເປີດ​ເສລີ​ທາງ​ດ້ານ​ການ​ເງິນ, ການ​ເປີດ​ເສລີ​ບັນ­ຊີ​ທຶນ, ພັດ­ທະ­ນາ​ຕະ­ຫຼາດ​ທຶນ, ລະ­ບົບ​ການ​ຊຳ­ລະ​ສະ​ສາງ​ອາ​ຊຽນ, ການ​ເຂົ້າ​ເຖິງ​ການ​ບໍ­ລິ­ການ​ທາງ​ດ້ານ​ການ​ເງິນ ແລະ​ກອບ ການ​ເຊື່ອມ​ໂຍງ​ທາງ​ດ້ານ​ທະ­ນາ­ຄານ.

ພ້ອມ​ດຽວ​ກັນ​ນີ້​ກອງ​ປະ­ຊຸມ​ດັ່ງ­ກ່າວຍັງ​ໄດ້​ຮັບ­ຮອງ​ເອົາກອບ​ການ​ຮ່ວມ​ມື​ອາ​ຊຽນ​ເປັນ­ຕົ້ນ​ທາງ​ດ້ານ​ຫຼັກ­ການ​ກ່ຽວກັບ​ເນື້ອ​ໃນ​ຂອງ​ສັນ­ຍາ​ຂໍ້​ຜູກ​ພັນ​ທີ 7 ຂອງ​ວຽກ​ງານ​ເປີດເສລີ​ການ​ບໍ­ລິ­ການ​ທາງ​ດ້ານ​ການ​ເງິນເພື່ອ​ໃຫ້​ມີ​ການ​ລົງ ນາມ​ໃນ​ໄລ­ຍະ​ທີ່ ສປປ ລາວ ເປັນ​ປະ­ທານ​ໂດຍ​ລັດ­ຖະ­ມົນ­ຕີ ການ​ເງິນ​ອາ​ຊຽນ​ຄາດ​ວ່າ​ຈະ​ມີ​ການ​ລົງ​ນາມ​ໃນ​ກອງ​ປະ­ຊຸມ​ອາ​ຊຽນ​ບວກ 3 ທີ່​ເມືອງ​ແຟຣງ​ເຟີດປະ­ເທດ​ເຢຍ​ລະ​ມັນ​ໃນຕົ້ນ​ເດືອນ​ພຶດ­ສະ­ພາ 2016, ຮັບ­ຮອງ​ເອົາ​ເນື້ອ​ໃນ​ແຜນປະ­ຕິ­ບັດ​ງານ​ດ້ານ​ຍຸດ​ທະ​ສາດ ( Strategic Action Plan ຫຼື SAP ) ການເຊື່ອມ​ໂຍງ 10 ປີ (2016-2025) ຂອງ​ໜ່ວຍ​ງານ​ຕ່າງໆ, ການ​ຮັບ­ຮອງ​ເອົາ​ແຜນ​ດັ່ງ­ກ່າວແມ່ນ​ມີ​ຄວາມ​ໝາຍ​ຄວາມ​ສຳ­ຄັນ​ເພາະ​ເປັນ​ເອ­ກະ­ສານ​ພື້ນຖານ​ໃນ​ການ​ກຳ­ນົດ​ແຜນ​ວຽກ​ຂອງ​ບັນ­ດາ​ໜ່ວຍ​ງານ​ທີ່​ຈະ ຂັບ​ເຄື່ອນ​ວຽກ​ງານ​ການ​ເຊື່ອມ​ໂຍງ​ທາງ​ດ້ານ​ການ​ເງິນ-ເງິນ­ຕາ​ຂອງ​ອາ​ຊຽນ.

ນອກ​ນີ້​ຍັງ​ໄດ້​ຮັບ­ຮອງ​ເອົາ­ໜ້າ​ວຽກ (TOR)ການ​ສ້າງ­ຕັ້ງ​ໜ່ວຍ​ງານ​ໃໝ່ເພື່ອ​ຄົ້ນ­ຄວ້າ​ວຽກ​ງານ​ການ​ເຊື່ອມ​ໂຍງ​ຂະ­ແໜງ​ທະ­ນາ­ຄານ​ອາ​ຊຽນ​ເຊັ່ນ: WC-ABIF (ຈາກ​ເມື່ອ​ກ່ອນ​ເປັນ TF-ABIF), ໜ່ວຍ​ງານ​ວຽກ​ປະ­ກັນ​ໄພ (AIFo) ຊຶ່ງເປັນ​ການ​ລວມ​ເອົາ​ໜ່ວຍ​ງານ FSL ແລະ ໜ່ວຍ​ງານ​ວຽກ​ງານ​ປະ­ກັນ​ໄພ AIRM ແລະ​ໜ່ວຍ​ງານ​ສົ່ງ­ເສີມ​ການ​ເຂົ້າ​ເຖິງ ແຫຼ່ງ​ທຶນ (WC-FINC) ສຳ­ລັບ TOR ຂອງ​ໜ່ວຍ​ງານ​ວຽກ​ງານ​ປະ­ກັນ​ໄພ ພ້ອມ​ທັງ​ຮັບ­ຮອງ​ເອົາ​ບັນ­ດາ​ປະ­ທານ ຮ່ວມ​ຂອງ​ທຸກ​ຄະ­ນະ​ກຳ­ມະ­ການ​ພາຍ ໃຕ້​ກອບ​ການ​ເຊື່ອມ​ໂຍງ​ຂະ­ແໜງ­ການ ເງິນ-ທະ­ນາ­ຄານ (RIA-FIN) ເພື່ອ​ປະຕິ​ບັດ​ໜ້າ­ທີ່​ນັບ​ແຕ່ ເດືອນ​ມິ­ຖຸ­ນາ 2016 ເປັນ­ຕົ້ນ​ໄປ.

ກອງ​ປະ­ຊຸມ​ລັດ­ຖະ­ມົນ­ຕີ​ການ​ເງິນ​ອາຊຽນ​ຄັ້ງ​ທີ 20 ແລະ​ກອງ​ປະ­ຊຸມ​ຜູ້​ວ່າການ​ທະ­ນາ­ຄານ​ກາງ​ອາ​ຊຽນ​ຄັ້ງ​ທີ 12 ຍັງ​ໄດ້​ຮັບ­ຮອງ​ເອົາ​ບຸກ​ຄະ­ລາ​ກອນ​ຂັ້ນ​ບໍ­ລິ­ຫານ​ຂອງ​ຫ້ອງ­ການ AMRO ໂດຍ​ສະ ເພາະ​ຂັ້ນ​ຫົວ­ໜ້າ ແລະ CE ຄົນ ໃໝ່, ຮັບ­ຮອງ​ເອົາ​ແຜນ​ງົບ­ປະ­ມານ​ປະ­ຈຳ​ປີ ແລະ​ແຜນ­ການ­ເຄື່ອນ­ໄຫວ​ວຽກ​ງານພາຍ​ໃນ​ຂອງ​ຫ້ອງ­ການ AMRO, ຍຸດ​ທະສາດ​ໄລ­ຍະ​ກາງ​ທາງ​ດ້ານ​ນະ­ໂຍ­ບາຍ, ມາດ­ຖານ​ຕົວ​ຊີ້​ວັດ​ໃນ​ການ​ປະ​ເມີນ​ສະ ພາບ​ເສດ­ຖະ­ກິດ​ຂອງ​ປະ­ເທດ​ສະ­ມາ­ຊິກ (ERPD Matrix) ໂດຍ​ສະ­ເພາະ​ການ ນຳ​ໃຊ້​ໃນ​ການ​ປະ​ເມີນ​ການ​ຂໍ​ກູ້​ຢືມ​ຈາກ ກອບ CMIM, ຮັບ­ຮອງ​ເອົາ 9 ຕົວ​ຊີ້​ວັດ ເພື່ອ​ເປັນ​ເງື່ອນ­ໄຂ​ໃນ​ການ ເພີ່ມ​ອັດ­ຕາສ່ວນ​ກູ້​ຢືມ​ທີ່​ບໍ່​ຕິດ​ພັນ​ກັບ​ອົງ​ການ­ຈັດ­ຕັ້ງ​ສາ­ກົນ ແລະ​ການ​ກຳ­ນົດ​ພື້ນ­ຖານ​ໃນ​ການປັບ­ປຸງ​ສັນ­ຍາ​ແມ່ ( CMIM fundamental Issues ).

ທີ່ມາ: logo

ບົດຄວາມຫຼ້າສຸດ

TECNO CAMON 40 Pro ຈະເປີດໂຕໃນລາວໃນວັນທີ 21 ເດືອນ 04 ນຳເທຣນ ໃໝ່ແຫ່ງການຖ່າຍຮູບດ້ວຍໂທລະສັບ

TECNO CAMON 40 Pro ຈະເປີດໂຕໃນລາວໃນວັນທີ 21 ເດືອນ 04 ນຳເທຣນ ໃໝ່ແຫ່ງການຖ່າຍຮູບດ້ວຍໂທລະສັບ TECNO CAMON 40 Pro ສະມາດໂຟນ...

ລວມພາບບັນຍາກາດສຸດຮ້ອນແຮງຈາກ Mistine ມາຝາກ

ພາບບັນຍາກາດສຸດມ່ວນຈາກ Mistine ໃນເທດສະການປີໃໝ່ລາວ 2025. Mistine ແບຣນເຄື່ອງສຳອາງດຽວທີ່ມາແຈກຄວາມມ່ວນ ຄວາມມັນໃຫ້ທຸກຄົນໃນເທດສະການປີໃໝ່ລາວ 2025 ເພາະໃນບູດມີແຈກຄີມກັນແດດ ແລະ ລິບສະຕິກຟຣີ!! ພ້ອມກັບຈຸດເຕີມນ້ຳ ແລະ DJ ເປີດເພງໃຫ້ໄດ້ເຕັ້ນຈົນລືມຮ້ອນບອກເລີຍວ່າເຖິງຈະບໍ່ມີເຄື່ອງດື່ມ...

ລັດຖະບານ ໂດນັລ ທຣຳ ປະທານາທິບໍດີແຫ່ງສະຫະລັດ ພິຈາລະນາປິດສະຖານທູດ-ສະຖານກົງສຸນຕ່າງປະເທດ ເກຶອບ 30 ແຫ່ງ.

ລັດຖະບານ ໂດນັລ ທຣຳ ປະທານາທິບໍດີແຫ່ງສະຫະລັດ ພິຈາລະນາປິດສະຖານທູດ-ສະຖານກົງສຸນຕ່າງປະເທດ ເກຶອບ 30 ແຫ່ງ. ສຳນັກຂ່າວຕ່າງປະເທດລາຍງານໃນວັນທີ 16 ເມສາ 2025 ນີ້ວ່າ: ລັດທະບານຂອງປະທານາທິບໍດີ ໂດນັລ...

“ປະຫວັດຄວາມເປັນມາຂອງບຸນປີໃໝ່ລາວ” (ປະຫວັດນາງສັງຂານເທບພະທິດາທັງ 07)

"ປະຫວັດຄວາມເປັນມາຂອງບຸນປີໃໝ່ລາວ"(ປະຫວັດນາງສັງຂານເທບພະທິດາທັງ 07) ຄວາມເປັນມາຂອງນາງສັງຂານ (ບຸນປີໃໝ່ລາວ) ໃນອະດີດຕະການດົນນານມາແລ້ວ... ໃນສະໄໝນັ້ນມີເຈົ້າຜູ້ຄອງເມືອງສະຫວັນອົງໜື່ງຊື່ "ພະຍາກະບິນລະພຣົມ" ເປັນຄົນມີພູມປັນຍາສະຫຼາດອາດຫານເກັ່ງກ້າສາມາດບໍ່ມີຜູ້ໃດມາທຽມໄດ້ເປັນເທບແຫ່ງສວງສະຫວັນວິມານຊັ້ນຟ້າ (ຊັ້ນພຣົມ), ຢູ່ມາມື້ໜຶ່ງບັນດາເສນາອາມາດໄດ້ຮູ້ຂ່າວວ່າມີຊາຍໜຸ່ມຄົນໜື່ງໃນໂລກມະນຸດສະຫຼາດຫຼັກແຫຼມເປັນນັກປຣາດບັນດິດຈື່ງເຊີນເຂົ້າມາໃນເມືອງສະຫວັນເພື່ອທ້າສະໝອງລອງປັນຍາດ້ວຍເຫດເລົ່າກັນມາມີດັ່ງນີ້: "ພະຍາກະບິນລະພຣົມ" ຈຶ່ງໄດ້ທ້າສະໝອງລອງປັນຍາ ກັບທ່ານນັກປຣາດຜູ້ຮຽນຈົບໄຕຼເພດ (ຄວາມຮູ້ຂັ້ນສູງສາມຢ່າງ ໄດ້ແກ່...