spot_img
Homeຂ່າວພາຍ​ໃນຊາວສວນຢາງພາລາແຂວງບໍ່ແກ້ວ ຫັນໄປປູກພືດອື່ນທົດແທນ ຍ້ອນລາຄາຕົກຕ່ຳ!

ຊາວສວນຢາງພາລາແຂວງບໍ່ແກ້ວ ຫັນໄປປູກພືດອື່ນທົດແທນ ຍ້ອນລາຄາຕົກຕ່ຳ!

Published on

ຂປລ. ໃນຊຸມປີຜ່ານມາ ທາງພາກລັດ ໄດ້ມີການສົ່ງເສີມ ປະຊາຊົນລາວບັນດາເຜົ່າ ກໍ​ຄື ຜູ້​ປະກອບ​ການ ​ລວມທັງນັກ​ລົງທຶນ ພາຍ​ໃນ ​ແລະ ຕ່າງປະ​ເທດ ​ປູກ​ພືດ​ອຸດສາຫະກຳ​ ເພື່ອ​ເປັນ​ສິນ​ຄ້າ​ສົ່ງ​ອອກ ຢ່າງຫລວງ​ຫລາຍ​ ໃນ​ທົ່ວ​ປະ​ເທດ ​ໂດຍ​ສະ​ເພາະ ​ຢູ່​​ແຂວງພາກ​ເໜືອຂອງ​ລາວ ບໍ່ວ່າ​ຈະ​ເປັນການ​ປູກ​ ຕົ້ນຢາງພາລາ, ​ໄມ້​ເກດສະໜາ, ​ໄມ້​ສັກ ​ແລະ ອື່ນໆ ​​ເຊິ່ງມາ​ຮອດ​ປັດຈຸບັນ ​ເຫັນ​ວ່າ​ລາຄາ​ຢາງພາລາ​​ ຕົກ​ຕ່ຳລົງ​ໃນ​ແຕ່ລະ​ປີ ​ເຮັດ​ໃຫ້ປະຊາຊົນ​​​ ໃນ​ແຂວງ​ບໍ່​ແກ້ວ ພົບ​ຄວາມ​ຫຍຸ້ງຍາກ ​ແລະ ​ໄດ້​ຫັນ​ໄປ​ປູກ​ພືດ​ຊະນິດ​ອື່ນ​ທົດ​ແທນ ​ເພື່ອ​ແກ້​ໄຂ​ຊີວິດ​ການ​ເປັນ​ຢູ່, ພ້ອມ​ທັງ​ ຮຽກຮ້ອງ​ໃຫ້​ພາກ​ລັດ ​ເຂົ້າ​ໄປ​ຊ່ວຍ​ຫາ​ວິທີ​​ແກ້​ໄຂ​.

ທ່ານ ຄໍາແພງ ໃຈຍະສັກ ຮອງຫົວໜ້າຂະແໜງປ່າໄມ້ ແຂວງບໍ່​ແກ້ວ ​ໄດ້​ໃຫ້​ສຳພາດ​ ໃນ​ວັນ​ທີ 29 ມີນາ ນີ້ວ່າ: ໃນປີ 2001-2012 ທາງພະແນກກະສິກໍາປ່າໄມ້ ກໍຄື ຂະແໜງປ່າໄມ້ ໄດ້ລົງລະດົມຊຸກຍູ້ປະຊາຊົນ ເປີດກວ້າງໃຫ້ນັກລົງທຶນເຂົ້າມາລົງທຶນ, ໃຫ້ປະຊາຊົນປູກຕົ້ນຢາງພາລາ ແລະ ໄມ້ອຸດສາຫະກໍາ ເພື່ອໃຫ້ປະຊາຊົນຢຸດຕິການຖາງປ່າ ເຮັດໄຮ່ເລື
ອນລອຍ ຫັນມາປູກຕົ້ນຢາງພາລາ ເປັນອາຊີບຄົງທີ່ສ້າງລາຍຮັບເຂົ້າຄອບຄົວ ໃຫ້ຫລຸດພົ້ນອອກຈາກ ຄວາມທຸກຍາກ. ​ເຊິ່ງໄດ້ມີນັກທຸລະກິດ ທັງພາຍໃນ ແລະ ຕ່າງປະເທດ ເຂົ້າມາລົງທຶນ, ໃນນີ້ມີ ບໍລິສັດພາຍໃນ 2 ບໍລິສັດ ໃນເນື້ອທີ 2.069 ເຮັກຕາ, ບໍລິສັດຕ່າງປະເທດ 9 ບໍລິສັດ ໃນເນື້ອທີ 13.209 ເຮັກຕາ ຮູບແບບການລົງທຶນ ໃຫ້ປະຊາຊົນແມ່ນ 2+3 ແລະ ມີປະຊາຊົນປູກເອງອີກ 10.968 ເຮັກຕາ ລວມເນື້ອທີ່ທັງໝົດ 26.246 ເຮັກຕາ.

ຜົນໄດ້ຮັບ ຈາກການຂາຍຢາງພາລາ ຂອງປະຊາຊົນໃນເບື້ອງຕົ້ນ ລາຄາຢາງພາລາສູງເຖິງ 13.800 ກີບ/ກິໂລ. ຈາກ​ນັ້ນ ໄດ້ຫລຸດລົງເປັນ 9.200 ກີບ/ກິໂລ, ມາຮອດປັດຈຸບັນ ຍັງເຫລືອພຽງແຕ່ 4.000 ກີບ/ກິໂລ ເຮັດໃຫ້ປະຊາຊົນກໍ​ຄື ​ເຈົ້າ​ຂອງ​ສວນ​ຢາງ​ຈຳນວນໜຶ່ງ ຢຸດຕິ​ການ​ປາດ​ຢາງ​ຂາຍ, ຈຳນວນໜຶ່ງຕັດອອກ​ເພື່ອຫັນເອົາເນື້ອທີ່ດັ່ງກ່າວ ໄປປູກພືດອື່ນທົດແທນທີ່ມີລາຍຮັບດີກວ່າ ແລະ ມີຕະຫລາດຮອງຮັບ. ສໍາລັບເນື້ອທີ່ໆຫັນເອົາ ສວນຢາງພາລາ ໄປປູກພືດ ແນວອື່ນນັ້ນ ຍັງບໍ່ທັນມີຕົວເລກທີ່ຊັດເຈນເທື່ອ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...