ສຳນັກຂ່າວຕ່າງປະເທດ ລາຍງານໃນວັນທີ 29 ມີນາຜ່ານມານີ້ວ່າ ທ່ານ ວະລາດີເມຍ ປູຕິນ ປະທານາທິບໍດີຣັດ​ເຊຍ ​ແລະ ຄູ່​ຕຳ​ແໜ່​ງອີຣ່ານ ທ່ານ ຮັດຊານ ຣູຮານີ ໄດ້ມີ​ການ​ໂອ້​ລົມ​ທາງ​ໂທລະສັບ​ ເມື່ອວັນທີ 28 ມີນາ 2016 ເພື່ອ​ປຶກສາ​ຫາລື​ກ່ຽວ​ກັບ​ສະພາບ​ການ​ຢູ່ຊີຣີ ພາຍຫລັງທີ່ກອງທັບຊີຣີ ສາມາດປົດປ່ອຍເມືອງພັນໄມຣາ ຄືນຈາກ​ກຳມື​ຂອງກຸ່ມ​ລັດ​ອິດສະ​ລາມ ຫລື ໄອເອັສ ໂດຍຝ່າຍອີຣ່ານ ​ໄດ້​ເນັ້ນ​ໜັກ​ເຖິງ​ຄວາມ​ຈຳ​ເປັນ ​ຕ້ອງ​ປະຕິບັດ​ຄຳ​ສັ່ງ​ຢຸດ​ຍິງຢູ່ຊີຣີ ​ແລະ ຊຸກຍູ້​ວິວັດທະນາ​ການ​ເຈລະຈາ​ໃນ​ປັດຈຸ​ບັນໃຫ້ເປັນຈິງ ຊຶ່ງຖື​​ເຫດການດັ່ງກ່າວນີ້ ​ມີ​ຄວາມ​ໝາຍ​ເປັນ​ຂໍກຸນ​ແຈ ແລະ ​ແມ່ນ​ໄຊຊະນະ​ສຳຄັນ ​ໃນ​ບັ້ນ​ຮົບ​ຕ້ານ​ການ​ກໍ່​ການ​ຮ້າຍ​ຢູ່ຊີຣີ.