Homeຂ່າວຕ່າງປະເທດທະນາຄານໂລກປັບຫຼຸດຄາດການຈີດີພີອິນໂດລົງເຫຼືອພຽງ 5,1%

ທະນາຄານໂລກປັບຫຼຸດຄາດການຈີດີພີອິນໂດລົງເຫຼືອພຽງ 5,1%

Published on

ທະນາຄານ​ໂລກປັບ​ຫຼຸດ​ຄາດ​ການ​ເຕີບ​ໂຕ​ເສດຖະກິດ​ອິນ​ໂດ​ເນ​ເຊຍ​ປະຈຳ​ປີ​ນີ້​ລົງ ​ໂດຍ​ລະບຸ​ວ່າ ການ​ທີ່​ລັດຖະບານ​ຈັດ​ເກັບ​ລາຍ​ໄດ້​ບໍ່​ໄດ້​ຕາມ​ເປົ້າ​ຈະ​ຈຳກັດ​ການ​ໃຊ້​ຈ່າຍ​ພາກ​ລັດ.

ທະນາຄານ​ໂລກ​ທົບ​ທວນ​ຄາດ​ການ​ເສດຖະກິດ​ອິນ​ໂດ​ເນ​ເຊຍ​ປະຈຳ​ໄຕ​ມາດ ​ໂດຍ​ຫຼຸດ​ຄາດ​ຄະ​ເນ​ການ​ຂະຫຍາຍຕົວ​ຂອງ​ເສດຖະກິດ​ໃນ​ປີ​ນີ້​ລົງ​ເຫຼືອ 5,1% ຈາກ 5,3% ທີ່​ເຄີຍ​ປະ​ເມີນ​ເອົາ​ໄວ້​ໃນ​ເດືອນ​ທັນວາ ​ຊຶ່ງ​ໃຫ້​ເຫດຜົນ​ວ່າ ​ເງື່ອນ​ໄຂ​ລະດັບ​ໂລກ​ອ່ອນ​ແອ​ລົງ​ກວ່າ​ທີ່​ຄາດ​​ໄວ້ ອີກ​ທັງ​ລັດຖະບານ​ອິນ​ໂດ​ເນ​ເຊຍ​ຍັງ​ໃຊ້​ຈ່າຍ​ໄດ້​ຢ່າງ​ຈຳກັດ ຊຶ່ງ​ໝາຍ​ຄວາມ​ວ່າ​ເສດຖະກິດ​ຂອງ​ປະ​ເທດ​ຈະ​ຕ້ອງ​ເພິ່ງ​ພາ​ການ​ໃຊ້​ຈ່າຍ​ຂອງ​ພາກ​ເອກະ​ຊົນ​ຫຼາຍ​ຂຶ້ນ, ທະນາຄານ​ໂລກ​ລະບຸ​ວ່າ ມີ​ຄວາມ​ເປັນ​ໄປ​ໄດ້​ທີ່​ອິນ​ໂດ​ເນ​ເຊຍ​ຈະ​ເກັບ​ລາຍ​ໄດ້​ໃນ​ປີ​ນີ້​ບໍ່​ໄດ້​ຕາມ​ເປົ້າ​ໝາຍ​ 275 ພັນ​ຕື້ຣູ​ເປຍ ​ໂດຍ​ລາຍ​ໄດ້​ໃນ​ປີ​ນີ້​ໜ້າຈະ​ຢູ່​ທີ່ 1.547 ພັນ​ຕື້ຣູ​ເປຍ ສູງ​ກວ່າ​ປີ​ທີ່​ຜ່ານ​ມາ​ປະມານ 3% ບໍ່​ລວມ​ແຜນ​ຫຼຸດຜ່ອນໂທດ​ທາງ​ດ້ານ​ພາສີ​ທີ່​ລັດຖະບານ​ປະກາດ​ໃຊ້​ກ່ອນ​ໜ້າ​ນີ້.

ຂະນະ​ທີ່​ລັດຖະບານ​ຕັ້ງ​ເປົ້າ​ລາຍ​ໄດ້​ໄວ້​ຢູ່​ທີ່ 1.822 ພັນ​ຕື້ຣູ​ເປຍ ບີບ​ໃຫ້​ຝ່າຍ​ບໍລິຫານ​ຕ້ອງ​ຫຼຸດ​ລາຍ​ຈ່າຍ​ພາກ​ລັດ ຫຼັງ​ອອກ​ກົດໝາຍ​ຄວບ​ຄຸມ​ການ​ຂາດ​ດຸນ​ງົບປະມານ​ໃຫ້​ຢູ່​ທີ່ 3% ຂອງ​ຕົວ​ເລກ​ຈີ​ດີ​ພີ ​ໃນ​ເວລາ​ໄລ່​ເລ່ຍກັນ​ນັ້ນ​ກອງ​ທຶນ​ການ​ເງິນລະຫວ່າງປະເທດ ຫຼື ໄອເອັມເອຟ ໄດ້​ອອກ​ລາຍ​ງານ​ທົບ​ທວນ​ນະ​ໂຍບາຍ​ຂອງ​ອິນ​ໂດ​ເນ​ເຊຍ​ປະຈຳ​ປີ 2016 ຊຶ່ງ​ກົງກັນຂ້າມ​ກັບ​ການ​ຄາດ​ຄະ​ເນ​ຂອງ​ທະນາຄານ​ໂລກ ​ໂດຍ​ໄອ​ເອັມ​ເອຟລະບຸ​ວ່າ ​ເສດຖະກິດ​ອິນ​ໂດ​ເນ​ເຊຍ​ໃນ​ປີ​ນີ້​ຈະ​ຂະຫຍາຍຕົວ​ຢູ່​ທີ່ 4,9% ​​ເພີ່ມ​ຈາກ 4,7%​ໃນ​ປີ 2015.

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...