Homeຂ່າວທ້ອງຖິ່ນເຈົ້າແຂວງສະຫວັນນະເຂດ ລົງຊຸກຍູ້ໂຄງການກໍ່ສ້າງຂົວ-ທາງ ເຂດເມືອງຈຳພອນ

ເຈົ້າແຂວງສະຫວັນນະເຂດ ລົງຊຸກຍູ້ໂຄງການກໍ່ສ້າງຂົວ-ທາງ ເຂດເມືອງຈຳພອນ

Published on

ໃນວັນທີ 17 ກຸມພານີ້ ທ່ານ ດຣ ສຸພັນ ແກ້ວມີໄຊ ເຈົ້າແຂວງສະຫວັນນະເຂດ, ພ້ອມຫົວໜ້າພະແນກ ຍທຂ, ເຈົ້າເມືອງຈຳພອນ ແລະ ຂະແໜງການກ່ຽວຂ້ອງຂອງແຂວງຈຳນວນໜຶ່ງ, ໄດ້ລົງຊຸກຍູ້ ແລະ ກວດກາ ຄວາມຄືບໜ້າຂອງໂຄງການກໍ່ສ້າງທາງປູຢາງສອງຊັ້ນ ພ້ອມດ້ວຍການກໍ່ສ້າງຂົວເບຕົງເສີມເຫລັກ ແຕ່ແຍກທາງເລກ 9 ຫາບ້ານສະພັງແກ້ວ-ບໍ່ຫີນກາວ-ບ້ານດົງເມືອງ-ສະຄຶນ-ຂາມເຖົ້າ ແລະ ຈອດກັບທາງເຂົ້າ ແກ້ງກອກ ບ້ານນາຄູ ເມືອງຈຳພອນ, ໂດຍແມ່ນ ບໍລິສັດ ຄູນໄຊ ພັດທະນາກໍ່ສ້າງ ເປັນຜູ້ຮັບເຫມົາກໍ່ສ້າງ, ພາຍຫລັງໄດ້ລົງມືມາແຕ່ຕົ້ນປີ 2013 ແລະ ມາຮອດປັດຈຸບັນ ສຳລັບການກໍ່ສ້າງທາງ ກໍ່ຄືຂົວ ແມ່ນສຳເລັດ ໄປແລ້ວຫລາຍກວ່າ 40% ໃນມູນຄ່າການກໍ່ສ້າງທັງໝົດຫລາຍກວ່າ 200 ຕື້ກີບ.

ຜູ້ຈັດການໂຄງການ ບໍລິສັດຄູນໄຊພັດທະນາກໍ່ສ້າງ ຈຳກັດ ໃຫ້ສຳພາດວ່າ: ໂຄງການກໍ່ສ້າງທາງຢູຢາງ ພ້ອມດ້ວຍຂົວອັດແຮງສອງແຫ່ງດັ່ງກ່າວ ແມ່ນໂຄງການບູລິມະສິດຂອງແຂວງກໍຄືເມືອງຈຳພອນ ເພາະເປັນເສັ້ນທາງຍຸດທະສາດຂອງການທ່ອງທ່ຽວ ເຊັ່ນວ່າ: ແຫລ່ງທ່ອງທ່ຽວທາງທຳມະຊາດບ້ານດົງເມືອງ, ຫໍໄຕ ບ້ານໜອງລຳຈັນ, ອ່າງເບນ້ຳຝາຍສຸຍ ແລະ ເບິ່ງວິຖີດຳລົງຊີວິດຂອງຊາວບ້ານເຂດນັ້ນ. ຖ້າເມື່ອໃດການກໍ່ສ້າງເສັ້ນທາງດັ່ງກ່າວສຳເລັດ ກໍຈະເປັນສ່ວນສຳຄັນ ເຮັດໃຫ້ການດຳລົງຊີວິດຂອງປະຊາຊົນດີຂຶ້ນ, ຊຶ່ງຄາດວ່າການກໍ່ສ້າງ ຈະໃຫ້ສຳເລັດໃນທ້າຍປີ 2016 ນີ້.

ໃນໂອກາດດັ່ງກ່າວ ທ່ານ ດຣ ສຸພັນ ແກ້ວມີໄຊ ໄດ້ແນະນຳໃຫ້ຜູ້ກໍ່ສ້າງ ຕ້ອງຮັບປະກັນຄຸນນະພາບ ຕາມມາດຖານເຕັກນິກ ແລະ ໃຫ້ສຳເລັດຕາມແຜນການທີ່ວາງອອກ. ໃນເບື້ອງປະຊາຊົນຜູ້ມີເນື້ອທີ່ການຜະລິດ ໄດ້ຮັບຜົນກະທົບຈາກໂຄງການດັ່ງກ່າວ ໃຫ້ອຳນວຍຄວາມສະດວກ ແກ່ບໍລິສັດໄດ້ດຳເນີນການກໍ່ສ້າງ ຢ່າງເປັນປົກກະຕິ, ເຮັດແນວໃດໃຫ້ການສັນຈອນໄປມາ ບົນເສັ້ນທາງດັ່ງກ່າວໄດ້ສະດວກສະບາຍ ແລະ ຮັບປະກັນການພັດທະນາ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...