spot_img
Homeຂ່າວການພັດທະນາອພບ ກຽມປັບປຸງ ຂອດເກັບມ້ຽນຂີ້ເຫຍື້ອໃນຕົວເມືອງ ໃຫ້ມີປະສິດທິພາບສູງຂຶ້ນກວ່າເກົ່າ

ອພບ ກຽມປັບປຸງ ຂອດເກັບມ້ຽນຂີ້ເຫຍື້ອໃນຕົວເມືອງ ໃຫ້ມີປະສິດທິພາບສູງຂຶ້ນກວ່າເກົ່າ

Published on

ຮອງປະທານອົງການບໍລິຫານ ແລະ ພັດທະນາຕົວເມືອງ ນະຄອນຫຼວງວຽງຈັນ (ອພບ) ໄດ້ໃຫ້ສຳພາດຕໍ່ນັກພວກເຮົາ ເມື່ອມໍ່ໆມານີ້ວ່າ: ປັດຈຸບັນອົງການຂອງຕົນ ມີແຜນຈະປັບປຸງຂອດການເກັບ ມ້ຽນຂີ້ເຫຍື້ອໃນຕົວເມືອງ ໃຫ້ມີປະສິທິຜົນສູງຂຶ້ນ ແລະ ຖືກຕ້ອງຕາມກຳນົດນັດໝາຍ, ຍ້ອນວ່າຜ່ານມາ ນີ້ ການເກັບມ້ຽນຂີ້ເຫຍື້ອຢູ່ບາງຈຸດຍັງຊັກຊ້າ ບໍ່ຖືກຕ້ອງຕາມເວລານັດໝາຍ, ຍ້ອນລຳພັງພຽງ ອພບ ໜ່ວຍງານດຽວ, ດັ່ງນັ້ນ ມັນຈຳເປັນຕ້ອງມອບໃຫ້ບໍລິສັດເອກະຊົນ ເຂົ້າມາມີສ່ວນຮ່ວມໃນການເກັບ ມ້ຽນຂີ້ເຫຍື້ອເຖິງ 8 ບໍລິສັດ, ແຕ່ກໍຍັງບໍ່ສາມາດເກັບມ້ຽນໄດ້ທັນເວລາ, ຍ້ອນຄວາມພ້ອມດ້ານບຸກຄະລາກອນ ແລະ ພາຫະນະຮັບໃຊ້ທີ່ມີບໍ່ພຽງພໍ, ບວກກັບເປັນວຽກທີ່ເປິະເປື້ອນ ແລະ ເມື່ອບໍ່ດົນມານີ້ລັດຖະບານລາວກໍຄື  ອພບ ຫາກໍໄດ້ຮັບການຊ່ວຍເຫຼືອລົດເກັບມ້ຽນຂີ້ເຫຍື້ອ ຈາກລັດຖະບານຍີ່ປຸ່ນຈຳນວນໜຶ່ງ, ຊຶ່ງຈະເປັນເງື່ອນໄຂໃຫ້ ວຽກງານເກັບມ້ຽນຂີ້ເຫຍື້ອຂອງ  ອພບ ມີປະສິດທິພາບສູງຂື້ນ ແລະ ປັດຈຸບັນ ອພບ ເອງ ກໍມີແຜນທີ່ຈະ ປັບປຸງຂອດການເກັບມ້ຽນຂີ້ເຫຍື້ອ ດ້ວຍການເພີ່ມຄ່າຕອບແທນ ກໍຄືຈຳນວນບຸກຄະລະກອນ ແລະ  ພາຫະ ນະ ເພີ່ມບໍລິສັດເອກະຊົນ ໃຫ້ເຂົ້າມາມີສ່ວນຮ່ວມໃນວຽກງານນີ້ຫຼາຍຂຶ້ນ, ພ້ອມຈະໄດ້ແບ່ງເຂດຮັບຜິດຊອບ ໃນການເກັບມ້ຽນຂີ້ເຫຍື້ອ ຂອງແຕ່ລະໜ່ວຍງານຮັບຜິດຊອບໃຫ້ສອດຄ່ອງ ຊຶ່ງໃນເມື່ອກ່ອນ ລົດເກັບຂີ້ເຫຍື້ອຄັນໜຶ່ງ ຕ້ອງເກັບຂີ້ເຫຍື້ອເຖິງ 3 – 4 ບ້ານ ຫຼື ຫຼາຍກວ່ານັ້ນ, ບວກກັບບາງຄັ້ງລົດ ເກັບມ້ຽນຂີ້ເຫຍື້ອເປ່ເພ, ແຕ່ບໍ່ມີລົດສຳຮອງ ຈຶ່ງເຮັດໃຫ້ການເກັບມ້ຽນຂີ້ເຫຍື້ອຊັກຊ້າ ບໍ່ຖືກຕາມເວລານັດໝາຍ, ດັ່ງນັ້ນ ຈຶ່ງເຊື່ອວ່າ ເມື່ອໃດການປັບປຸງຂອດບໍລິການດັ່ງກ່າວສຳເລັດ ເຊື່ອວ່າຈະເຮັດໃຫ້ການ ເກັບມ້ຽນຂີ້ເຫຍື້ອ ໃນຕົວເມືອງນະຄອນຫຼວງວຽງຈັນ ມີປະສິດທິພາບດີຂຶ້ນ.

ຮອງປະທານ ອພບ ໃຫ້ຮູ້ອີກວ່າ: ປັດຈຸບັນມື້ໜຶ່ງ ໜ່ວຍງານກ່ຽວຂ້ອງຂອງຕົນ ສາມາດເກັບມ້ຽນຂີ້ເຫຍື້ອ ໃນຕົວເມືອງໄປບໍ່ຂີ້ເຫຍື້ອຫຼັກ 32 ໄດ້ພຽງ 60% ຂອງຂີ້ເຫຍື້ອທີ່ມີການຜະລິດອອກມາ, ຊຶ່ງໂດຍສະເລ່ຍແລ້ວ ພົນລະເມືອງໃນແຕ່ລະມື້ ຜູ້ໜຶ່ງຈະຜະລິດຂີ້ເຫຍື້ອອອກ 0,6 ກິໂລກຼາມ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...