spot_img
Homeຂ່າວພາຍ​ໃນນວ ກຽມ​ຈັດ 4 ກິດ­ຈະ­ກຳ​ໃຫຍ່ບຸນ­ປີ­ໃໝ່​ລາວ

ນວ ກຽມ​ຈັດ 4 ກິດ­ຈະ­ກຳ​ໃຫຍ່ບຸນ­ປີ­ໃໝ່​ລາວ

Published on

   ເພື່ອ​ເປັນ​ການ​ຮັກ­ສາ​ຮີດ­ຄອງ​ປະ­ເພ­ນີ​ອັນ​ດີ­ງາມ ແລະ​ວິ­ຖີ​ຊີ­ວິດ​ການ​ເປັນ​ຢູ່​ຂອງ​ປະ­ຊາ­ຊົນ​ລາວ ກໍ​ຄື​ຊາວ​ນະ­ຄອນ­ຫຼວງ​ວຽງ​ຈັນ (ນວ) ທີ່​ປະ­ຕິ­ບັດ​ກັນ​ມາ​ແຕ່​ບູ­ຮານ​ນະ​ການ​ໃຫ້​ຄົງ​ໄວ້​ໃນ​ບຸນ­ປີ­ໃໝ່​ລາວ​ປະ­ຈຳ​ປີ​ນີ້ ນວ ຈະ​ຈັດ 4 ກິດ­ຈະ­ກຳ​ໃຫຍ່​ໃຫ້​ມີ​ຄວາມ​ຄຶກ­ຄື້ນດຶງ​ດູດ​ນັກ​ທ່ອງ​ທ່ຽວ.

   ບ່າຍ​ວັນ​ທີ 11 ກຸມ­ພາ 2016 ນີ້ ທ່ານ ສາຍ­ທອງ ແກ້ວ​ດວງ​ດີ ຮອງ​ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ໄດ້​ຖະ­ແຫຼງ​ຂ່າວ​ຕໍ່​ສື່​ມວນ​ຊົນ​ວ່າ: ບຸນ­ປີ­ໃໝ່​ລາວ​ປະ­ຈຳ​ປີ 2016 ທີ່​ຈະ​ມາ​ຮອດ​ໃນ­ຕໍ່­ໜ້າ​ນີ້​ກໍ​ແມ່ນ​ງານ​ໜຶ່ງ​ທີ່​ມີ​ຄວາມ​ໝາຍ​ຄວາມ​ສຳ­ຄັນ​ຕໍ່​ກັບ​ຄົນ​ລາວ ຊຶ່ງ​ເປັນ​ງານ​ທີ່​ບົ່ງ​ບອກ​ເຖິງ​ການ​ຮັກ­ສາ​ຮີດ­ຄອງ​ປະ­ເພ­ນີ​ອັນ​ດີ­ງາມ ແລະ​ວິ­ຖີ​ຊີ­ວິດ​ການ​ເປັນ​ຢູ່​ຂອງ​ປະຊາ​ຊົນ​ລາວ ທີ່​ມີ​ມາ​ແຕ່​ດົນ​ນານທັງ​ເປັນການ​ສົ່ງ­ເສີມ​ການ­ທ່ອງ­ທ່ຽວ​ທາງ​ດ້ານວັດ­ທະ­ນະ­ທຳ​ຂອງ​ລາວ​ເຮົາ ເພື່ອ​ໃຫ້​ຊາວ ຕ່າງ​ຊາດ​ໄດ້​ຮັບ​ຮູ້​ນຳ, ສຳ­ລັບ​ການ​ຫ້າງ ຫາ​ກະ­ກຽມ​ຄວາມ​ພ້ອມ​ໃນ​ການ​ສະ­ເຫຼີມສະ­ຫຼອງ​ບຸນ­ປີ­ໃໝ່​ລາວທີ່​ຈະ​ໄດ້​ຈັດ​ຂຶ້ນໃນ​ລະ­ຫວ່າງ​ວັນ​ທີ 13-16 ເມ­ສາ​ນີ້ ແລະ ເພື່ອ​ເຮັດ​ໃຫ້­ການ​ສະ­ເຫຼີມ­ສະ­ຫຼອງ​ມີ​ຄວາມມ່ວນ­ຊື່ນປີ​ນີ້​ນະ­ຄອນ­ຫຼວງ​ຈະ​ໄດ້​ຈັດ 4 ກິດ­ຈະ­ກຳ​ໃຫຍ່​ຄື: ໜຶ່ງແມ່ນ​ງານ​ເດີນແບບ​ຜ້າ­ໄໝ​ລາວ​ທີ່​ຈະ​ຈັດ​ຂຶ້ນ​ເປັນ​ເວ­ລາ 4 ເດືອນ, ສອງການ​ປະ​ກວດ​ນາງ​ສາວງາມ​ຂອງ​ນະ­ຄອນ­ຫຼວງ​ວຽງ​ຈັນ ປະ­ຈຸບັນ​ໄດ້​ເລີ່ມ​ປະ­ກາດ​ຮັບ​ສະ­ໝັກ​ແລ້ວ, ສາມ ງານ​ປະ­ຕິ​ມະ​ກຳ​ຫາດ​ຊາຍ​ຢູ່​ຫາດດອນ​ຈັນ, ສີ່ ກິດ­ຈະ­ກຳ​ກີ­ລາ​ຫາດ​ຊາຍ ໂດຍ​ປີ​ນີ້​ຈະ​ສົມ­ທົບ​ກັບ​ກີ­ລາ​ບານ­ສົ່ງ​ອາຊີ ຈັດ​ຂຶ້ນ​ທີ່​ຫາດ​ຊາຍ​ດອນ​ຈັນ.

ນອກ­ຈາກ​ນັ້ນ ຍັງ​ຈະ​ມີ​ການ​ນຳ​ເອົາພະ​ພຸດ​ທະ​ຮູບ​ທີ່​ສັກ­ສິດຄູ່​ບ້ານ​ຄູ່​ເມືອງ ລົງ​ມາ​ໃຫ້​ປະ­ຊາ­ຊົນ​ຫົດ­ສົງ ແລະ​ຈະ​ມີ ການ​ແຂ່ງ­ຂັນ​ຕົບ​ພະ­ທາດ​ຊາຍ​ຂອງ​ແຕ່ລະ​ເມືອງ​ທີ່​ເປັນ​ກິດ­ຈະ­ກຳ​ໄດ້​ປະ­ຕິ­ບັດມາ​ຫຼາຍ​ຮ້ອຍ​ປີ​ແລ້ວ.

ດັ່ງ­ນັ້ນ ພໍ່​ແມ່​ປະ­ຊາ­ຊົນ​ພາຍ​ໃນ​ນະຄອນ​ຫຼວງ​ກໍ​ຄື​ບັນ­ດາ​ແຂວງ​ຕ່າງໆ​ທົ່ວປະ­ເທດ ແລະ​ຕ່າງ­ປະ­ເທດ, ບັນ­ດາ​ຫ້າງ ຮ້ານ, ໂຮງ­ແຮມ ແລະ​ບໍ­ລິ­ສັດ​ຕ່າງໆ​ຈົ່ງໃຫ້​ຊ່ວຍ​ເປັນ​ເຈົ້າ​ການ​ໃນ​ການ​ໂຄ­ສະ­ນາ ແລະ​ເປັນ​ເຈົ້າ­ພາບ​ໃນ​ການ​ຕ້ອນ­ຮັບ​ແຂກທີ່​ເຂົ້າ​ມາ​ທ່ອງ​ທ່ຽວ​ໃນ​ງານ​ດັ່ງ­ກ່າວ​ນີ້ ດ້ວຍທ່ານ​ຮອງ​ເຈົ້າ​ຄອງ​ກ່າວ.

ທີ່ມາ:logo

ບົດຄວາມຫຼ້າສຸດ

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...

ທ່ານຮູ້ຫຼືບໍ່? ສິນຄ້າສົ່ງອອກ ທີ່ໄດ້ຮັບການຍົກເວັ້ນ ອມພ (VAT) ມີຫຍັງແດ່?

ທ່ານຮູ້ຫຼືບໍ່? ສິນຄ້າສົ່ງອອກ ທີ່ໄດ້ຮັບການຍົກເວັ້ນ ອມພ (VAT) ມີຫຍັງແດ່? ອມພ ອາກອນມູນຄ່າເພີ່ມ ຫຼື VAT : ແມ່ນອາກອນມູນຄ່າເພີ່ມທີ່ເກັບຕາມມູນຄ່າສິນຄ້າ ຫຼື ການບໍລິການໃນປະເທດ ແລະ...