spot_img
Homeຂ່າວພາຍ​ໃນພະຍາດຊິກ້າ ຍັງບໍ່ພົບໃນລາວ! ດ້ານກະຊວງສາທາຯ ຖະແຫລງກຽມພ້ອມ ເພີ່ມຄວາມເຂັ້ມແຂງເຝົ້າລະວັງ!

ພະຍາດຊິກ້າ ຍັງບໍ່ພົບໃນລາວ! ດ້ານກະຊວງສາທາຯ ຖະແຫລງກຽມພ້ອມ ເພີ່ມຄວາມເຂັ້ມແຂງເຝົ້າລະວັງ!

Published on

ທ່ານ ​ສຈ.​ດຣ. ເອກ​ສະຫວ່າງ ວົງ​ວິຈິດ ລັດຖະມົນຕີ​ວ່າການກະຊວງ​ສາທາລະນະ​ສຸກ ແລະ ທ່ານນາງ ຈູດ​ລຽດ ຟລາຍ​ໂຊຄ໌ ຜູ້ຕາງໜ້າ​ອົງການ​ອະນາໄມ​ໂລກ ປະຈຳ​ລາວ ໄດ້​ຖະແຫຼງ​ຂ່າວ​ກ່ຽວກັບ​ພະຍາດ​ໄຂ້​ຍ້ອນ​ເຊື້ອ​ຈຸ​ລະໂລກ​ຊິ​ກ້າ ແລະ ການ​ກຽມພ້ອມຂອງ ​ສປປ ລາວ ຕໍ່​ກັບ​ພະຍາດດັ່ງກ່າວ​ຂຶ້ນ ໃນ​ວັນ​ທີ 4 ກຸມພາ 2016 ທີ່​ກະຊວງ​ສາທາລະນະ​ສຸກ ວ່າ: ​ສປປ ລາວ ມາ​ຮອດ​ປັດ​ຈຸບັນ​ນີ້ ຍັງ​ບໍ່​ພົບ​ການ​ລະບາດ​ຂອງພະຍາດ​ຊິ​ກ້າ ພະຍາດ​ຊິ​ກ້າ (ZIKa) ແມ່ນ​ຕິດເຊື້ອ​ໄດ້​ໂດຍການ​ກັດ​ຂອງ​ຍຸງ​ລາຍ​ທີ່​ຕິດເຊື້ອ ເຊິ່ງ​ກະຊວງ​ສາທາລະນະ​ສຸກ ​ຈະເພີ່ມ​ຄວາມ​ເຂັ້ມແຂງ​ໃນ​ການ​ເຝົ້າລະວັງ​ພະຍາດ​ຊິ​ກ້າ ປັດຈຸບັນ ໄດ້ມີ​ຄວາມ​ສາມາດ​ຢັ້ງຢືນ​ທາງ​ຫ້ອງວິເຄາະ​ໄດ້ (ສະ​ຖາ​ບັນ​​ປັສ​ເຕີລາວ) ດ້ານ​ການ​ປ້ອງ​ກັນ​ພະຍາດ​ຊິ​ກ້າ ​ໄດ້​ມີ​ການ​ກຽມ​ຄວາມພ້ອມ​ເພາະ​ການ​ແຜ່​ເຊື້ອ​ຂອງ​ພະຍາດ​ຊິ​ກ້າ ແມ່ນ​ຄ້າຍຄື​ກັບ​ພະຍາດ​ໄຂ້ຍຸງ​ລາຍ ດັ່ງນັ້ນ ກະຊວງສາທາລະນະ​ສຸກ​ ຮ່ວມ​ມື​ກັບ​ອຳນາດ​ການ​ປົກຄອງ​ທຸກ​ຂັ້ນ​ ໃຫ້​ຄວາມ​ສຳຄັນ​ໃນ​ຂະ​ບວນ​ການທຳລາຍ​ແຫຼ່ງ​ເພາະ​ພັນ​ຍຸງ​ລາຍ ໂດຍ​ການ​ມີ​ສ່ວນ​ຮ່ວມ​ຂອງ​ຊຸມຊົນ​ໃນ​ການ​ປະຕິບັດ​ຫຼັກການ 5ປ ໃຫ້​ກາຍ​ເປັນຄວາມ​ລຶ້ງ​ເຄີຍ ປະຈຳ​ວັນ ປັດ​ໄຈ​ຮ່ວມ​ທີ່​ພົວພັນເຖິງ​ພະຍາດ​ກັບ​ພະຍາດ​ດັ່ງກ່າວ ລວມ​ມີ​ອາການ​ສະໝອງ​ນ້ອຍ ແລະ ອາການ​ກ້າມຊີ້ນ​ອ່ອນແຫຼວ.

ອົງການ​ອະນາໄມ​ໂລກ ​ໄດ້​ຢືນຢັນ​ວ່າ​ຈະ​ໃຫ້ການ​ສະໜັບສະໜູນ ກະຊວງ​ສາທາລະນະ​ສຸກ​ ໃນ​ການເພີ່ມ​ຄວາມ​ເຂັ້ມແຂງ-ຄວາມ​ສາມາດ​ທາງ​ຫ້ອງ​ວິເຄາະ ໃນ​ການກວດ​ຫາ​ເຊື້ອ​ຈຸ​ລະ​ໂລກ​ຊິ​ກ້າ ແລະ ເພີ່ມ​ຄວາມ​ເຂັ້ມແຂງວຽກ​ງານ​ການ​ສື່ສານ ​ເພື່ອ​ຫຼຸດຜ່ອນ​ຄວາມ​ສ່ຽງ ພ້ອມ​ນັ້ນ ອົງການ​ອະນາໄມ​ໂລກ​ ໄດ້​ເນັ້ນ​ວ່າ ວຽກ​ງານ​ການ​ຄວບ​ຄຸມ​ຍຸງ​ລາຍ ທີ່​ເປັນ​ພາຫະ​ນຳ​ເຊື້ອ​ຄວນ​ກວມເອົາ​ການ​ຂ້າ​ໜອນ​ນ້ຳ ແລະ ທຸກຄົນ​ສາມາດ​ປ້ອງ​ກັນ​ຕົນ​ເອງ​ບໍ່​ໃຫ້ຍຸງ​ກັດ​ ໂດຍ​ການ​ນຳ​ໃຊ້​ຢາ​ທາ​ກັນຍຸງໃສ່​ເຄື່ອງນຸ່ງ​ສີ​ແຈ້ງ ເສື້ອແຂນ​ຍາວ ໂສ້ງ​ຂາ​ຍາວ ​ເພື່ອ​ປົກປິດ​ຮ່າງກາຍໃສ່​ຕາ​ໜ່າງ​ກັນ​ຍຸງ ແລະ ນອນ​ໃນ​ມຸ້ງ ໂດຍ​ສະເພາະໃນ​ເວລາ​ກາງເວັນ ທຸກ​ຄົນ​ຄວນອະນາໄມ​ເຮືອນ ແລະ ບໍລິເວນອ້ອມ​ເຮືອນ​ຢ່າງ​ໜ້ອຍ​ອາທິດ​ລະຄັ້ງ​ ໂດຍ​ການ​ຂວ້ຳ ຫຼື ປົກ​ປິດ​ພາຊະນະ​ໃສ່​ນ້ຳ​ເຊັ່ນ: ຄຸ​ນ້ຳ ໂຖ​ດອກໄມ້ ແລະ ຢາງ​ຕີນລົດ ເພື່ອ​ບໍ່​ໃຫ້ຍຸງສາມາດ​ແຜ່ພັນ​ໄດ້.

ປັດຈຸບັນ ຍັງ​ບໍ່​ທັນ​​ມີ​ຢາປິ່ນປົວ​ສະເພາະ ຫຼື ວັກ​ຊິນ​ປ້ອງກັນ​ພະຍາດ​ຊິ​ກ້າ ການ​ປ້ອງ​ກັນທີ່​ດີ​ທີ່​ສຸດ ກໍ່​ຄືການ​ປົກ​ປ້ອງ​ບໍ່​ໃຫ້ຍຸງ​ລາຍ​ກັດ ແລະ ຄົນ​ສ່ວນ​ຫຼາຍຕິດເຊື້ອ​ພະຍາດຊິ​ກ້າ ແມ່ນ​ບໍ່ມີ​ອາ​ການສະແດງ​ອອກ ຫຼື ຈະ​ມີພຽງ​ອາການ​ໄຂ້​ເບົາບາງ ມີ​ຜື່ນຕາມ​ຜິວໜັງ ແລະ ເຍື່ອ​ເມືອກ​ຕາອັກເສບ ​ອາການ​ເຫຼົ່າ​ນີ້​ຈະ​ຫາຍໄປ​ໃນ​ໄລຍະ 2-7 ວັນ ການ​ປິ່ນປົວ​ຄົນ​ເຈັບ​ເຫຼົ່າ​ນີ້​ແມ່ນ​ໃຊ້​ຢາແກ້​ປວດ ແລະ ແກ້​ໄຂ້ ດື່ມນ້ຳຫຼາຍໆ ແລະ ພັກຜ່ອນ​ໃຫ້​ພຽງພໍ ແລະ ຖ້າ​ຫາກ​ພົບ​ກໍລະນີ​ສົງໄສເປັນ​ພະຍາດ​ໄຂ້​ຍ້ອນ​ເຊື້ອ​ຈຸ​ລະໂລກ​ຊິ​ກ້າ ສາມາດ​ໂທ​ແຈ້ງ​ໄປສາຍ​ດ່ວນ 166 ແລະ ຫຼີກ​ລ້ຽງການ​ເດີນທາງ​ໄປ​ປະເທດ​ທີ່​ມີການ​ລະບາດ.

 

ແຫລ່ງຂ່າວ:

ວຈໝ

ບົດຄວາມຫຼ້າສຸດ

ສະມາຄົມສິລະປະ ແລະ ແລກປ່ຽນວັດທະນະທຳ ສ.ເກົາຫຼີ ມອບພາຫະນະ ແລະ ເຄື່ອງຮັບໃຊ້ ໃຫ້ກະຊວງ ປກສ ລາວ

ວັນທີ 20 ກັນຍາ 2024, ພົອ ວິໄລ ຫຼ້າຄຳຟອງ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນຄວາມສະຫງົບ ໄດ້ຕ້ອນຮັບຄະນະສະມາຄົມສິລະປະ ແລະ ແລກປ່ຽນວັດທະນະທຳ ສາທາລະນະລັດເກົາຫຼີ...

ຈະປ່ອຍນ້ຳ ເຂື່ອນໄຟຟ້ານ້ຳງື່ມ 2 ແຕ່ວັນທີ 21 ກັນຍາ 2024 ເປັນຕົ້ນໄປ

ອີງຕາມແຈ້ງການຂອງບໍລິສັດໄຟຟ້ານໍ້າງື່ມ 2 ຈຳກັດ ລົງເມື່ອວັນທີ 19 ກັນຍາ 2024 ກ່ຽວກັບແຈ້ງສະຖານະການຂອງປະລິມານນໍ້າໃນອ່າງເກັບນໍ້າງື່ມ 2 ຄາດຄະເນການເປີດປະຕູລະບາຍນໍ້າ. (ອ່ານລາຍລະອຽດລຸ່ມນີ້)

ພາຍຸ ບໍຣິສ ພັດຖະຫຼົ່ມອິຕາລີ ນ້ຳຖ້ວມຕິດ 2 ປີ ຫຼ້າສຸດເສຍຊີວິດ 23 ຄົນ

ສຳນັກຂ່າວຕ່າງປະເທດລາຍງານໃນວັນທີ 20 ກັນຍາ 2024 ນີ້ວ່າ: ພາຍຸບໍຣິສ ພັດຖະຫຼົ່ມພາກຕາເວັນອອກສ່ຽງເໜືອ ແລະ ພາກກາງຂອງປະເທດອິຕາລີ ໃນວັນທີ 19 ກັນຍາ 2024 ຜ່ານມາ,...

ເຕືອນ 9 ເມືອງ ສ່ຽງນໍ້າຖ້ວມຈາກການລະບາຍນໍ້າ ເຂື່ອນເຊລະນອງ 1 ແຂວງສະຫວັນນະເຂດ

ອີງຕາມແຈ້ງການຂອງຫ້ອງວ່າການແຂວງສະຫວັນນະເຂດ ລົງເມື່ອວັນທີ 19 ກັນຍາ 2024 ກ່ຽວກັບການປ່ອຍປະຕູລະບາຍນໍ້າເພື່ອບໍລິຫານຈັດການນໍ້າຂອງເຂື່ອນໄຟຟ້າເຊລະນອງ 1 (ອ່ານລາຍລະອຽດແຈ້ງການລຸ່ມນີ້)