spot_img
Homeຂ່າວການພັດທະນາຫວຽດນາມ ຊ່ວຍເຫຼືອຈັກສູບນ້ຳ ໂຄງການຊົນລະປະທານດົງໂພສີ ແລະ ທ່າພະ-ໜອງພົງ

ຫວຽດນາມ ຊ່ວຍເຫຼືອຈັກສູບນ້ຳ ໂຄງການຊົນລະປະທານດົງໂພສີ ແລະ ທ່າພະ-ໜອງພົງ

Published on

ໂຄງການ​ຊົນລະປະທານ​ດົງໂພ​ສີ ແລະ ທ່າ​ພະ-ໜອງ​ພົງ ເປັນ​ໂຄງການ​ໜຶ່ງ​ທີ່​ໄດ້​ຮັບ​ທຶນຊ່ວຍເຫຼືອ​ລ້າ​ຈາກ​ລັດຖະບານຫວຽດນາມ ເຂົ້າ​ໃນ​ການ​ປັບປຸງຟື້ນ​ຟູ​ລະບົບ​ໂຄງ​ລ່າງ ​ດ້ານ​ຊົນ​ລະປະທານ​ທັງ​ສອງ​ສະຖານີ​ສູບ​ນ້ຳ ນັບ​ແຕ່​ປີ 2000 ເປັນຕົ້ນ​ມາ ເປັນເວລາ 10 ກວ່າ​ປີ ເຫັນ​ວ່າ​ສະພາບ​ການ​ນຳ​ໃຊ້​ຈັກສູບນ້ຳ ແມ່ນເກີດ​ຄວາມ​ເຊື່ອມ​ໂຊມ ແລະ ໝົດອາຍຸ​ການ​ນຳ​ໃຊ້ ສະນັ້ນ ຫວຽດນາມ ໂດຍ​ສະເພາະບໍລິສັດ​ຫຸ້ນສ່ວນ​ຜະລິດ​ຈັກສູບນ້ຳ​ຮ້າຍ​ເຢືອງ ຈຶ່ງ​ໄດ້​ສືບຕໍ່​ຊ່ວຍເຫຼືອ​ໂດຍ​ໄດ້​ນຳເອົາ​ຈັກສູບນ້ຳ ພ້ອມ​ດ້ວຍ​ອຸປະກອນ​ຕິດ​ຕັ້ງ​ຄົບ​ຊຸດ ຈຳນວນ 6 ຊຸດ ມູນ​ຄ່າ 1,2 ຕື້​ກີບ ເພື່ອ​ນຳມາ​ຕິດ​ຕັ້ງ​ຢູ່​ໂຄງການ​ຊົນ​ລະ​ປະທານ​ດົງ​ໂພ​ສີ ແລະ ທ່າ​ພະ-ໜອງ​ພົງ ສຳເລັດໃນ​ວັນ​ທີ 24 ມັງກອນ 2016 ສາມາດ​ຫົດ​ເນື້ອທີ່​ການ​ຜະລິດ​ໄດ້ 75 ເຮັກຕາ ຮັບໃຊ້​ຊາວ​ກະສິກອນ​ໃນ​ສອງ​ເມືອງຄື: ໄຊ​ເຊດ​ຖາ ແລະ ເມືອງ​ຫາດຊາຍ​ຟອງ ນະຄອນຫຼວງ​ວຽງ​ຈັນ.

ພິທີ​ມອບ-ຮັບ​ຈັກສູບນ້ຳ​ພາຍຫຼັງ​ຕິດ​ຕັ້ງ​ສຳເລັດ ລະຫວ່າງບໍ​ລິສັດ​ຫຸ້ນ​ສ່ວນ​ຜະລິດ​ຈັກສູບນ້ຳຮ້າຍ​ເຢືອງ (HPMC) ກັບພະແນກ​ກະສິກຳ ແລະ ປ່າໄມ້ ນະຄອນ​ຫຼວງ​ວຽງ​ຈັນ ໄດ້​ມີ​ຂຶ້ນ​ວັນ​ທີ 29 ມັງກອນ 2016 ທີ່​ໂຄງການດັ່ງກ່າວ ລະຫວ່າງ​ທ່ານ ຄຳ​ສິງ ຄູນ​ສະຫວັນ ຮອງ​ຫົວໜ້າ​ພະແນກ​ກະສິກຳ ແລະ ປ່າໄມ້ ນະຄອນ​ຫຼວງ​ວຽງ​ຈັນ ແລະ ທ່ານ ຕວ້ານ ຮອງ​ອຳນວຍ​ການ​ບໍ​ລິສັດ​ຫຸ້ນ​ສ່ວນ​ຜະລິດ​ຈັກສູບນ້ຳຮ້າຍ​ເຢືອງ ມີ​ທ່ານ ດວງ​ໄຊ ສິນນະ​ຈັກ ຮອງ​ຫົວໜ້າ​ກົມ​ຊົນ​ລະປະທານ ກະຊວງ​ກະສິກຳ ແລະ ປ່າໄມ້ ທ່ານ ຫງຽນ​ກິມ​ຕ້ວນ ຕາງໜ້າ​ສະຫະ​ກົມ​ຊົນ​ລະ​ປະທານ ກະຊວງ​ກະສິກຳ ແລະ ພັດທະ​ນາ​ຊົນນະບົດ ​ສສ ຫວຽດນາມ ພ້ອມ​ດ້ວຍ​ພາກສ່ວນ​ທີ່ກ່ຽວຂ້ອງ​ທັງ​ສອງ​ຝ່າຍ ​ເຂົ້າ​ຮ່ວມເປັນ​ສັກຂີ​ພິຍານ.

 

ແຫລ່ງຂ່າວ:

ວຈໝ

ບົດຄວາມຫຼ້າສຸດ

ກິນສົ້ມໝູດິບ ອັນຕະລາຍທີ່ສຸດສຳລັບຄົນຖືພາ ອາດຈະເຮັດໃຫ້ລູກໃນທ້ອງບໍ່ສົມບູນ

ຂອງມັກໃຜ? ດັ່ງທີ່ເຮົາຮູ້, ຊີ້ນໝູສົດບໍ່ສາມາດກິນດິບໄດ້ ແຕ່ກໍຍັງມີອາຫານບາງຊະນິດທີ່ນໍາຊີ້ນໝູສົດໄປແປຮູບເປັນອາຫານ ເຊັ່ນ: ສົ້ມໝູ ໂດຍຄົນບາງກຸ່ມ ກໍຍັງມີວິທີການກິນໂດຍບໍ່ໄດ້ຜ່ານການປຸງສຸກ. ສົ້ມໝູແມ່ນອາຫານທີ່ເຮັດຈາກຊີ້ນໝູສົດທີ່ຜ່ານການໝັກດ້ວຍເຂົ້າ, ກະທຽມ ແລະ ເກືອ ເຮັດໃຫ້ມີລົດຊາດສົ້ມ ເຮັດໃຫ້ເກີດຈາກສານເເລັກຕິກ...

ພ້ອມໃຫ້ບໍລິການ 40 ຈຸດທົ່ວປະເທດ! ສະຖານີສາກລົດໄຟຟ້າ BlueDot ຈາກບໍລິສັດ ລາວທານີ ທີ່ມາພ້ອມກັບມາດຕະຖານ ແລະ ຄວາມປອດໄພຂັ້ນສູງ

ສະຖານີສາກລົດໄຟຟ້າ BlueDot ຈາກບໍລິສັດລາວທານີ ທີ່ມາພ້ອມກັບມາດຕະຖານ ແລະ ມີຈຸດສາກລົດຫຼາຍກວ່າ 40 ຈຸດທົ່ວປະເທດ. ໃນຍຸກປັດຈຸບັນ, ການເດີນທາງດ້ວຍລົດຍົນໄຟຟ້າກໍາລັງໄດ້ຮັບຄວາມນິຍົມຫຼາຍຂຶ້ນເລື້ອຍໆ ໃນ ສປປ ລາວ ດັ່ງນັ້ນ, “ສະຖານີສາກລົດໄຟຟ້າ”...

ລາວ-ກູບາ ສືບຕໍ່ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ

ລາວ-ກູບາ ພົບປະສອງຝ່າຍຢ່າງເປັນທາງການ ເພື່ອຕີລາຄາ, ຖອດຖອນບົດຮຽນ, ປຶກສາຫາລືດ້ານຍຸດທະສາດ ແລະ ກໍານົດທິດທາງການຮ່ວມມື ໃຫ້ກ້າວເຂົ້າສູ່ລວງເລິກ ເພື່ອຜົນປະໂຫຍດລວມຂອງປະຊາຊົນສອງຊາດ. ໂດຍຕອບສະໜອງຕາມຄໍາເຊີນຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນ ປະຕິວັດລາວ,...

ເຮືອໂດຍສານຫຼົ້ມ ທີ່ປະເທດໄນຈີເຣຍ ເສຍຊີວິດ 60 ຄົນ ເຊິ່ງມີການບັນຈຸຜູ້ໂດຍສານຫຼາຍກວ່າ 100 ຄົນ

ເສຍຊີວິດ 60 ຄົນ ເຫດການເຮືອໂດນສານຫຼົ້ມທີ່ປະເທດໄນຈີເຣຍ ຜູ້ເສຍຊີວິດສ່ວນຫຼາຍແມ່ນຜູ້ຍິງ ແລະ ເດັກນ້ອຍ. ໃນວັນທີ 02 ກັນຍາ 2025 ທີ່ຜ່ານມາ, ເກີດເຫດເຮືອໂດຍສານຫຼົ້ມ ປະເທດໄນຈີເຣຍ, ເນື່ອງຈາກເຮືອໄດ້ຕໍາກັບຕໍໄມ້ທີ່ຢູ່ໃນນ້ໍ້າ...