spot_img
Homeຂ່າວຕ່າງປະເທດມາເລເຊຍ ກຽມລົງນາມຂໍ້ຕົກລົງທີພີພີ

ມາເລເຊຍ ກຽມລົງນາມຂໍ້ຕົກລົງທີພີພີ

Published on

6480010759bff4900a37293f558453d0_L

ສຳນັກ​ຂ່າວ​ແຊນ​ແນ​ລນິວສອາຊີ​ລາຍ​ງານ​ວ່າ ທ່ານ ມຸສຕາປາ ​ໂມ​ຮາ​ເໝັດ ລັດຖະມົນຕີ​ວ່າການ​ກະຊວງ​ການ​ຄ້າ ​ແລະອຸດສາຫະກຳ​ມາ​ເລ​ເຊຍ​ເປີດ​ເຜີຍ​ໃນ​ທ້າຍ​ອາທິດ​ທີ່​ຜ່ານ​ມາ​ວ່າ

ມາ​ເລ​ເຊຍ​ກຽມ​ລົງ​ນາມ​ຂໍ້​ຕົກລົງ​ຮຸ້ນ​ສ່ວນ​ຍຸດ​ທະ​ສາດ​ເສດຖະກິດ​ອາຊີ-​ປາຊິ​ຟິກ(ທີ​ພີ​ພີ)​ໃນ​ເດືອນ​ກຸມພາ​ນີ້ ຖ້າ​ຫາກ​ລັດຖະສະພາ​ຜ່ານ​ກົດໝາຍ​ເລື່ອງ​ດັ່ງ​ກ່າວພາຍ​ໃນ​ທ້າຍ​ເດືອນ​ນີ້.

ຕາມ​ກຳນົດ ສະມາຊິກລັດຖະສະພາ​ມາ​ເລ​ເຊຍ​ກຽມ​ປຶກສາ​ຫາລື ​ແລະ ລົງ​ຄະ​ແນນ​ສຽງ​ຕົກລົງ​ກົດໝາຍ​ສະໜັບສະໜູນ​ຂໍ້​ຕົກລົງ​ທີ​ພີ​ພີ​ໃນ​ວັນ​ທີ 26 ມັງກອນ​ທີ່​ຈະ​ມາ​ເຖິງ​ນີ້ ກ່ອນ​ສະມາຊິກ​ສະພາ​ຈະ​ຮັບຮອງ​ໃນ​ອີກ 2 ມື້​ຕໍ່​ມາ. ທັງ​ນີ້ ທີ​ພີ​ພີ ​ເປັນ​ຂໍ້​ຕົກລົງ​ທາງ​ການ​ຄ້າມີ 12 ປະ​ເທດ​ເຂົ້າ​ຮ່ວມ ຊຶ່ງລວມທີ​ອາ​ເມ​ລິ​ກາ, ກາ​ນາ​ດາ, ອົດ​ສະຕຣາລີ, ຍີ່ປຸ່ນ ​ແລະ ມາ​ເລ​ເຊຍ ​ໃນ​ຄວາມ​ຫວັງ​ຕ້ອງການ​ຫຼຸດ​ອຸປະສັກ​ທາ​ງການ​ຄ້າ ​ແລະສະໜັບສະໜູນ​ການ​ລົງທຶນ​ພາຍ​ໃນ​ພາກ​ພື້ນ​ປາຊິ​ຟິກ ຊຶ່ງ​ຄິດ​ເປັນ​ມູນ​ຄ່າ 40% ຂອງ​ໂລກ. ກ່ອນ​ໜ້າ​ນີ້ ຊາວ​ມາ​ເລ​ເຊຍ​ຫຼາຍ​ຄົນ ລວມທັງ​ໜ່ວຍ​ງານ​ພັດທະນາ​ເອກະ​ຊົນ ​ແລະ ກຸ່ມ​ສິດທິ​ມະນຸດ ​ໄດ້​ອອກ​ມາ​ປະ​ທ້ວງ​ຂໍ້​ຕົກ​ລົງ​ຄັ້ງ​ນີ້ ​ເພາະ​ເຊື່ອ​ວ່າ ຈະ​ເຮັດ​ໃຫ້​ລາຄາ​ຢາ​ແພງ​ຂຶ້ນ.

ຢ່າງ​ໃດ​ກໍ​ຕາມ ທ່ານ ມຸສຕາປາ ຢືນຢັນ​ວ່າ ການ​ລົງ​ນາ​ມ​ໃນ​ຂໍ້​ຕົກລົງ​ທີ​ພີ​ພີ ຈະ​ເຮັດ​ໃຫ້​ມາ​ເລ​ເຊຍ​ໄດ້​ຜົນ​ປະ​ໂຫຍ​ດຫຼາຍ​ກວ່າ​ຜົນ​ເສຍ, ທັງ​ນີ້ ຕາມ​ຂໍ້​ຕົກລົງ​ທີ​ພີ​ພີ​ຈະ​ມີ​ຜົນ​ບັງຄັບ​ໃຊ້​​ເມື່ອ​ໄດ້​ຮັບ​ການ​ລົງ​ສັດຕະຍາບັນ​ຢ່າງ​ໜ້ອຍ​ຈາກ 6 ປະ​ເທດ ​ແຕ່ 6 ປະ​ເທດ​ນີ້ຈະ​ຕ້ອງ​ມີ​ຕົວ​ເລກ​ຈີ​ດີ​ພີ​ຢ່າງ​ໜ້ອຍ 60%ຂອງສະມາຊິກ 12 ປະ​ເທດ ໝາຍ​ຄວາມ​ວ່າ ຍີ່ປຸ່ນ​ຫຼື​ອາ​ເມ​ລິ​ກາ​ຈະ​ຕ້ອງ​ເປັນ​ປະ​ເທດ​ໃດ​ປະ​ເທດ​ໜຶ່ງ​ຈະ​ຕ້ອງ​ລົງ​ນາມ​ໃນ​ຄັ້ງ​ນີ້.

ແຫ່ລງຂ່າວ

ເສດຖະກິດ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...