BLU ກໍໄດ້ເຂົ້າຮ່ວມງານ CES 2016 ປີນີ້ເຊັ່ນດຽວກັບບໍລິສັດອື່ນໆແລະຍັງໄດ້ເປີດໂຕ 2 ສະມາດໂຟນໃໝ່ ທີ່ທາງບໍລິສັດບອກວ່າເນັ້ນໄປທີ່ “ຄວາມສວຍງາມ ແລະ ຫຼູຫຼາເປັນຫຼັກ” .ນັັ້ນກໍຄື Vivo 5 ແລະ Vivo XL ເຊິ່ງທັງສອງລຸ້ນນີ້ສະເປັກໂດຍລວມແລ້ວແທບຈະຄ້າຍຄືກັນທັງໝົດເລີຍ ແຕ່ຕ່າງບ່ອນທີ່ Vivo XL ນັ້ນຖືກປັບຫຼຸດສະເປັກລົງໜ້ອຍໜຶ່ງ.
ສຳລັບສະເປັກຂອງ Vivo 5 ແລະ Vivo XL ມີດັ່ງນີ້:
– ທັງສອງລຸ້ນໃຊ້ຈໍ AMOLED ຂະໜາດ 5.5 ນິ້ວ ປົກປ້ອງດ້ວຍ Gorilla Glass 3
– ທັງສອງລຸ້ນໃຊ້ຊິບປະມວນຜົນ MediaTek MT6753 64-bit
– Vivo 5 ROM 32GB ກັບ RAM 3GB
– Vivo XL ROM 16GB ກັບ RAM 2GB
– ທັງສອງລຸ້ນກ້ອງຫຼັງຄວາມລະອຽດ 13 ລ້ານພິກເຊວ
– ທັງສອງລຸ້ນກ້ອງໜ້າຄວາມລະອຽດ 5 ລ້ານພິກເຊວ
– ທັງສອງລຸ້ນບັນຈຸແບັດເຕີຣີມາ 3,150 mAh
ສຳລັບຄວາມແຕກຕ່າງຂອງທັງສອງລຸ້ນນອກຈາກເລື່ອງຂອງສະເປັກແລ້ວກໍຄືເລື່ອງຂອງການອອກແບບແລະການນຳໃຊ້ວັດສະດຸ.
+Vivo 5 ນັ້ນຈະເປັນສະມາດໂຟນລຸ້ນທຳອິດຂອງ BLU ທີ່ເຮັດດ້ວຍໂລຫະໝົດໂຕເຄື່ອງ, ການອອກແບບເບິ່ງຫຼູຫຼາ ມີສະຕາຍ ຂອບໂຄ້ງມົນ ສວຍງາມມີລະດັບ, Vivo 5 ນັ້ນມີທັງໝົດ 2 ສີ ໃຫ້ເລືືອກຄື:
– ສີເງິນຂາວ (White Silver)
– ສີທອງຄຳ (Solid Gold).
+ສ່ວນໃນດ້ານຂອງ Vivo XL ການອອກແບບດ້ານຂອບອ້ອມຮອບໂຕເຄື່ອງຈະເປັນໂລຫະ, ແຕ່ດ້ານຫຼັງຂອງໂຕເຄື່ອງນັ້ນໃຊ້ວັດສະດຸອື່ນແທນ, ເປັນການອອກແບບທີ່ມີລວດລາຍທີ່ສວຍງາມອີກທັັງຍັງເງົາງາມອີກດ້ວຍ. ມີທັງໝົດ 4 ສີໃຫ້ເລືອກຄື:
– ສີທອງ (Liquid Gold)
– ສີເງິນ (Chrome Silver)
– ສີຟ້າ (Midnight Blue)
– ສີທອງບົວ (Rose Gold)
ໂທລະສັບທັງສອງລຸ້ນນີ້ຈະເລີ່ມຂາຍທີ່ອາເມຣິກາຜ່ານທາງເວັບໄຊ Amazon.com ແລະ Bestbuy.com
– ສຳລັບລາຄາຂອງ Vivo XL $149 (1.217.000 ກີບ)
– ສຳລັບລາຄາຂອງ Vivo 5 $199 (1.625.000 ກີບ)
ທີ່ມາ:phonearena