ແບລັດເຕີລ໌-ພລາຕິນີ້ ຖືກຊີ້ມີມູນຄວາມຜິດວ່າມີສ່ວນກ່ຽວຂ້ອງກັບການໂອນເງີນຈຳນວນຈຳນວນ 2 ລ້ານໂດລາ ເຂົ້າບັນຊີຂອງ ພລາຕິນີ້ ຢ່າງບໍ່ໂປ່ງໃສເມື່ອປີ 2011 ແລະເຖິງວ່າທັງສອງຄົນຈະໃຫ້ການປະຕິເສດທຸກຂໍ້ກ່າວຫາ ແຕ່ໂທດແບນຈະມີຜົນໃນທັນທີ

ສຳລັບ ແບລັດເຕີລ໌ ໄວ 79 ປີ ເຂົ້າມາດຳລົງຕຳແໜ່ງປະທານຟີຟ່າ ຕັ້ງແຕ່ເມື່ອປີ 1998 ແລະໄດ້ປະກາດໄວ້ຕັ້ງແຕ່ກ່ອນໜ້ານີ້ແລ້ວວ່າຈະລົງຈາກຕຳແໜ່ງກ່ອນທີ່ຈະມີການເລືອກຕັ້ງປະທານຄົນໃໝ່ໃນເດືອນກຸມພາ 2016

ຂະນະທີ່ ພລາຕິນີ້ ໄວ 60 ປີ ຮັບຕຳແໜ່ງປະທານຢູຟ່າ ຕັ້ງແຕ່ປີ 2007 ແລະໄດ້ຮັບຄຳຍ້ອຍໍຊົມເຊີຍໃນວົງກວ້າງ ຈົນຖືກຍົກໃຫ້ເປັນເຕັງ 1 ທີ່ຈະກ້າວສູ່ຕຳແໜ່ງປະທານຟີຟ່າ ເປັນຜູ້ນຳຂອງອົງກອນບານເຕະໂລກຄົນຕໍ່ໄປ

ທັງ ແບລັດເຕີລ໌ ແລະ ພລາຕິນີ້ ຍັງຖືກລົງໂທດປັບເງີນຕື່ມອີກ ໂດຍ ແບລັດເຕີລ໌ ຖືກປັບເປັນເງີນ 40,000 ໂດລາ ແລະ ພລາຕິນີ້ ໂດນປັບ 80,000 ໂດລາ