spot_img
Homeວັນນະກຳມອບລາງວັນ ວັນນະກໍາແມ່ນ້ຳຂອງໃຫ້ນັກປະພັນ 6 ປະເທດ

ມອບລາງວັນ ວັນນະກໍາແມ່ນ້ຳຂອງໃຫ້ນັກປະພັນ 6 ປະເທດ

Published on

DSC_7767 bouangeun 3DSC_7767 bouangeun 1

ຂປລ. ​ໃນ​ວັນ​ທີ 9 ທັນວາ 2015 ຢູ່​ທີ່​ຫໍ​ວັດທະນະ​ທໍາ​ແຫ່ງ​ຊາດ ສະມາຄົມ​ນັກ​ປະພັນ​ລາວ ​ໄດ້​ເປັນ​ເຈົ້າພາບ​ຈັດ​ພິທີ​ມອບລາງວັນ​ ວັນນະ​ກໍາ​ແມ່​ນ້ຳຂອງ​ໃຫ້​ບັນດາ​ນັກ​ປະພັນ​ຈາກ 6 ປະ​ເທດ​ແມ່​ນ້ຳຂອງ​ ປະກອບ​ດ້ວຍ ສປປ ລາວ, ສສ ຫວຽດນາມ, ຣາຊະ​ອານາຈັກ​ກໍາປູ​ເຈຍ, ມຽນມາ,  ຣາຊະ​ອານາຈັກ​ໄທ ​ແລະ ສປ ຈີນ ທີ່​ມີ​ຜົນງານ​ດ້ານ​ການ​ປະພັນ​ວັນນະ​ກໍາ​ທີ່​ດີ​ເດັ່ນ. ​ໃຫ້​ກຽດ​ມອບ​ລາງວັນ​ດັ່ງກ່າວ, ​ໂດຍທ່ານ ບົວ​ເງິນ ຊາ​ພູ​ວົງ​ ລັດຖະມົນຕີ​ຊ່ວຍ​ວ່າການກະ ຊວງ​ຖະ​ແຫລ​ງຂ່າວ, ​ວັດທະນະ​ທໍາ ​ແລະ ທ່ອງ​ທ່ຽວ, ມີ​ບັນດາ​ປະທານ ​ແລະ ຮອງ​ປະທານ, ​ຈາກ​ສະມາ​ຄົນ​ນັກ​ປະ​ພັນ​ 6 ປະ​ເທດ​ ​ແລະ ນັກ​ປະພັນ​ລາວເຂົ້າ​ຮ່ວມ.

ທ່ານນາງ ຜິວ​ລາ​ວັນ  ຫລວງ​ວັນນາ ຮັກສາ​ການ​ປະທານ​ສະມາຄົມ​ນັກ​ປະພັນ​ລາວ ​ໄດ້​ກ່າວ​ວ່າ: ການ​ມອບ​ລາງວັນ​ໃນ​ຄັ້ງ​ນີ້ ​ແມ່ນ​ປະຕິບັດ​ຕາມ​ລະບຽບ​ ​ແລະ ຂໍ້​ຕົກລົງ​ຮ່ວມ​ກັນ​ຂອງ​ສະພາ​ລາງວັນ ວັນນະ​ກໍາ​ແມ່​ນ້ຳຂອງ​ ທີ່​ສະມາຄົມ​ນັກ​ປະພັນ 6 ປະ​ເທດ​ໃນ​ພາກ​ພື້ນ​ ໄດ້​ຮັບຮອງ​ເອົາ​ໃນ​ເດືອນ​ຕຸລາ ​ປີ 2014 ທີ່​ຮ່າ​ໂນ້ຍ ສສ ຫວຽດນາມ ​ແລະ ກໍາປູ​ເຈຍ ​ໃນ​ເດືອນມິຖຸນາ 2014 ​ໃຫ້​ສະມາຄົມ​ນັກ​ປະພັນ​ລາວ ​ເປັນ​ເຈົ້າພາບ​ຈັດ​ກອງ​ປະຊຸມ ​ແລະ ມອບ​ລາງວັນ​ໃຫ້​ນັກ​ປະພັນ​ບັນດາ​ປະ​ເທດ​ພາກ​ພື້ນ​ແມ່​ນ້ຳຂອງ ​ຕາມ​ຜຽນ​ຮອບ​ວຽນ​ໃນ​ສາມ​ປະ​ເທດ​ອິນດູຈີນ ​ທີ່​ເປັນ​ສະມາຊິກ​ທໍາ​ອິດ​ຂອງ​ສະພາ​ລາງວັນ​ ວັນນະ​ກໍາ​ແມ່​ນ້ຳ​ຂອງ​ທີ່​ສ້າງ​ຕັ້ງ​ຂຶ້ນ​ ແຕ່​ປີ 2006 ທີ່​ນະຄອນ​ໂຮ່ຈິ​ມິງ ສສ ຫວຽດນາມ, ​ໂດຍ​ແມ່ນ ສາມ​ສະມາຄົມ​ນັກ​ປະພັນ​ຫວຽ​ດນາມ, ກໍາປູ​ເຈຍ ​ແລະ ລາວ ລິ​ເລີ່​ມສ້າງ​ຕັ້ງ​ຂຶ້ນ ​ແລະ ຕໍ່​ມາ​ມີ​ສະມາຄົມ​ນັກ​ປະພັນ​ໄທ, ຈີນ ​ແລະ ມຽນມາ​ ເຂົ້າ​ຮ່ວມ ​ເຮັດ​ໃຫ້​ສະພາ​ລາງວັນ​ດັ່ງກ່າວ ​ມາ​ເຖິງ​ປັດຈຸບັນ​ມີ 6 ປະ​ເທດ​ເຂົ້າ​ຮ່ວມ.

ລາງວັນ​ ວັນນະ​ກໍາ​ແມ່​ນ້ຳຂອງ ​ແນ​ໃສ່​ຊຸກຍູ້​ສົ່ງ​ເສີມ​ການ​ພົວພັນ​ມິດຕະພາບ ​ແລະ ການ​ຮ່ວມ​ມື ລະຫວ່າງ ສະມາຄົມ​ນັກ​ປະພັນ 6 ປະ​ເທດ​ແມ່​ນ້ຳຂອງ​ເຂົ້າ​ສູ່​ລວງ​ເລິກ ​ແລະ ກ້ວາງ​ຂວາງ​ກວ່າ​ເກົ່າ​ ໃນ​ການ​ອອກ​ແຮງ​ງານ​ປະ ດິດ​ສ້າງ ​ເພື່ອ​ໃຫ້​ໄດ້​ມາ​​ເຊິ່ງ​ບົດ​ປະພັນ​ທີ່​ມີ​ຄຸນຄ່າ​ ທາງ​ດ້ານ​ສັງຄົມ​ນັບ​ມື້​ມີ​ຈໍານວນ​ເພີ່ມ​ຂຶ້ນ ​ແລະ ກໍ​ຍັງ​ເປັນ​ໂອກາດ​ອັນ​ດີ​ ທີ່​ບັນດາ​ນັກ​ປະພັນ​ທັງ 6 ປະ​ເທດ ​ຈະ​ໄດ້​ແລກປ່ຽນ​ກ່ຽວ​ກັບ​ການ​ຂຽນ ​ກ່ຽວ​ກັບປະ​ເທດ​ຂອງ​ກັນ ​ແລະ ກັນ, ​ແລກປ່ຽນ​ຂໍ້​ມູນ​ຂ່າວສານ​ດ້ານ​ວິຊາ​ການ​ເປັນ​ວຽກ​ງານ​ສໍາຄັນ /.

ແຫ່ລງຂ່າວ

ຂປລ

ບົດຄວາມຫຼ້າສຸດ

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...

ທ່ານຮູ້ຫຼືບໍ່? ສິນຄ້າສົ່ງອອກ ທີ່ໄດ້ຮັບການຍົກເວັ້ນ ອມພ (VAT) ມີຫຍັງແດ່?

ທ່ານຮູ້ຫຼືບໍ່? ສິນຄ້າສົ່ງອອກ ທີ່ໄດ້ຮັບການຍົກເວັ້ນ ອມພ (VAT) ມີຫຍັງແດ່? ອມພ ອາກອນມູນຄ່າເພີ່ມ ຫຼື VAT : ແມ່ນອາກອນມູນຄ່າເພີ່ມທີ່ເກັບຕາມມູນຄ່າສິນຄ້າ ຫຼື ການບໍລິການໃນປະເທດ ແລະ...

ຂ່າວດີ! ສົກຮຽນ 2025-2026 ມຊ ຈະຮັບນັກສຶກສາໃໝ່ 5.670 ຄົນ

ສົກຮຽນ 2025-2026 ມະຫາວິທະຍາໄລແຫ່ງຊາດ(ມຊ) ມີແຜນຮັບນັກສຶກສາໃໝ່ ໃນທຸກໆຫລັກສູດປະລິນຍາຕີ ຈໍານວນ 5.670 ຄົນ. ໃນສົກສຶກສາ 2025-2026 ມະຫາວິທະຍາໄລແຫ່ງຊາດ(ມຊ) ມີແຜນຮັບນັກສຶກສາໃໝ່ ໃນທຸກໆຫລັກສູດປະລິນຍາຕີ ຈໍານວນ 5.670...