Homeຂ່າວພາຍ​ໃນໂຮງໄຟຟ້າພະລັງງານຄວາມຮ້ອນຫົງສາ ຈະເດີນເຄື່ອງຜະລິດໄຟຟ້າ ຢ່າງເປັນທາງການ ມື້ອື່ນນີ້!

ໂຮງໄຟຟ້າພະລັງງານຄວາມຮ້ອນຫົງສາ ຈະເດີນເຄື່ອງຜະລິດໄຟຟ້າ ຢ່າງເປັນທາງການ ມື້ອື່ນນີ້!

Published on

hongsa-power

ຂປລ. ໂຄງການກໍ່ສ້າງ ໂຮງໄຟຟ້າພະລັງຄວາມຮ້ອນຈາກຖ່ານ ທີ່ເມືອງຫົງສາ ແຂວງໄຊຍະບູລີ ມາຮອດ ປັດຈຸບັນໄດ້ສຳເລັດແລ້ວເກືອບ 100% ແລະ ຈະມີພິທີເປີດນໍາໃຊ້ຢ່າງເປັນທາງການຂຶ້ນ ໃນວັນທີ 9 ທັນວາ 2015 ໂດຍຈະມີການນຳຂັ້ນສູງ ເຂົ້າຮ່ວມ. ສປປ ລາວ ຈະມີໂຮງໄຟຟ້າ ພະລັງຄວາມຮ້ອນ ໃຫຍ່ທີ່ສຸດໃນປະເທດ ອັນຈະສ້າງຄວາມເຂັ້ມແຂງ ທາງດ້ານເສດຖະກິດ ແລະ ຄວາມຈະເລີນຮຸ່ງເຮືອງ ທັງເພີ່ມຄວາມສາມາດສູງ ໃນການສະໜອງພະລັງງານໃຫ້ແກ່ສອງປະເທດ ລາວ-ໄທ.

ບໍລິສັດ ໄຟຟ້າຫົງສາ ພາວເວີ ຈຳກັດ ໄດ້ມີຄວາມຄືບໜ້າ ແລະ ມີຜົນສຳເລັດໃນການດຳເນີນໂຄງການນີ້ ເຊິ່ງເລີ່ມມາແຕ່ປີ 2010  ຮອດປີ 2015 ໄດ້ສຳເລັດການກໍ່ສ້າງເຕົາຜະລິດກະແສໄຟຟ້າ 2 ໜ່ວຍ ໂດຍໜ່ວຍທີ 1 ໄດ້ ເລີ່ມການຜະລິດໄຟຟ້າ ໃນເດືອນມິຖຸນາ ແລະ ໜ່ວຍທີ 2 ໄດ້ດຳເນີນການຜະລິດ ໃນຕົ້ນເດືອນພະຈິກ ທີ່ຜ່ານມາ ເຊິ່ງ ມີກຳລັງການຜະລິດໜ່ວຍລະ 626 ເມກາວັດ ແລະ ໄດ້ຈ່າຍເຂົ້າສູ່ລະບົບການໄຟຟ້າ ຝ່າຍຜະລິດ ແຫ່ງປະເທດໄທແລ້ວ, ສ່ວນໜ່ວຍທີ 3 ຈະໃຫ້ສຳເລັດໃນເດືອນມີນາ ປີ 2016 ເມືອເຖິງເວລານັ້ນ ໜ່ວຍຜະລິດໄຟຟ້າທັງສາມໜ່ວຍ ກໍຈະມີ ກຳລັງການຜະລິດລວມ 1.878 ເມກາວັດ. ໃນນັ້ນຈະຂາຍໃຫ້ໄທ 1.473 ເມກາວັດ ເປັນເວລາ 25 ປີ ຂອງໄລຍະສຳປະທານ ແລະ ໃຫ້ລັດ ວິສາຫະກິດໄຟຟ້າລາວ 100 ເມກາວັດ, ດ້ວຍມູນຄ່າ ການກໍ່ສ້າງທັງໝົດ 3,700 ກວ່າລ້ານໂດລາສະຫະລັດ ຫລື ເກືອບ 30.000 ຕື້ກີບ.

ໂຮງໄຟຟ້າແຫ່ງນີ້ໄດ້ຮັບການອອກແບບ ໃນການກໍ່ສ້າງທີ່ໄດ້ມາດຕະຖານສາກົນ, ເປັນໂຮງໄຟຟ້າພະລັງ ຄວາມຮ້ອນຜະລິດຈາກຖ່ານຫີນ ທີ່ສະອາດ ເປັນມິດກັບສິ່ງແວດລ້ອມ, ທັງມີການຕິດຕັ້ງອຸປະກອນດັກຈັບຄາບອນໄດອັອກໄຊຈາກ ຂະບວນການ ຜະລິດໄຟຟ້າທີ່ມີປະສິດທິພາບ. ບໍ່ຖ່ານຫີນ ທີ່ມີປະລິມານເກືອບ 600 ລ້ານໂຕນ ເພື່ອເປັນເຊື້ອເພີງເຂົ້າໃນການຜະລິດ ເຊິ່ງແຕ່ລະປີຈະໄດ້ນຳໃຊ້ປະມານ 14 ໂຕນກວ່າ. ສຳລັບການຍົກຍ້າຍ ປະຊາຊົນຜູ້ທີ່ໄດ້ ຮັບຜົນກະທົບຈາກໂຄງການ ກໍເປັນໄປຕາມສັນຍາ ແລະ ຄວາມມຸ່ງຫວັງຂອງລັດຖະບານລາວ ດ້ວຍການຈັດສັນທີ່ຢູ່ອາໄສ, ເນື້ອທີ່ການຜະລິດ ແລະ ອື່ນໆ ເຮັດໃຫ້ຊີວິດການເປັນຢູ່ຂອງເຂົາເຈົ້າດີຂຶ້ນກວ່າເກົ່າ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...