ໃນໂອກາດເດີນທາງມາຢ້ຽມຢາມ ແລະ ເຂົ້າຮ່ວມ ງານສະເຫຼີມສະຫຼອງວັນສະຖາປະນາ ສປປ ລາວ ຄົບຮອບ 40 ປີ ໃນວັນທີ 2 ທັນວາ ນີ້, ສະຫາຍ ເລຮົງແອັງ ກຳມະການກົມການເມືອງ ຜູ້ປະຈຳການ ຄະນະເລຂາທິການ ສູນກາງພັກກອມມູນິດຫວຽດນາມ ໄດ້ເຂົ້າຢ້ຽມຢາມບັນດາສະຫາຍການນຳອາວຸໂສ ປະກອບມີ ສະຫາຍ ສີສະຫວາດ ແກ້ວບຸນພັນ ແລະ ສະຫາຍ ສະໝານ ວິຍະເກດ. ໃນໂອ ກາດຄັ້ງນີ້ ສະຫາຍ ເລຮົງແອັງ ຕາງໜ້າການນຳພັກ – ລັດ ກໍຄື ປະຊາຊົນຊາວຫວຽດນາມ ອ້າຍນ້ອງ ໄດ້ນຳເອົາ ຄວາມ ຢື້ຢາມຖາມຂ່າວ – ຄວາມສາ ມັກຄີຮັກແພງ ແລະ ກຳລັງໃຈ ມາສູ່ການນຳພັກ – ລັດ ກໍຄືປະຊາຊົນລາວບັນດາເຜົ່າ ໃນໂອກາດສະເຫຼີມສະຫຼອງວັນຊາດ ຂອງ ສປປ ລາວ, ອວຍພອນສາຍພົວພັນຄວາມສາມັກຄີແບບພິເສດ ແລະ ການຮ່ວມມື ຮອບດ້ານລະຫວ່າງສອງພັກ – ສອງລັດ ແລະ ປະຊາຊົນສອງຊາດ ລາວ – ຫວຽດນາມ ຈົ່ງ ໝັ້ນຄົງທະນົງແກ່ນຕະຫຼອດໄປ ສືບຕໍ່ນຳພາປະຊາຊົນ ເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃຫ້ມີຄວາມຈະເລີນສີວິ ໄລ.
ແຫລ່ງຂ່າວ:
