Homeຂ່າວເຫດການກຽມພ້ອມຮອບດ້ານ ພິທີສະເຫຼີມສະຫຼອງ 40 ປີ ສປປ ລາວ ຢ່າງຍິ່ງໃຫຍ່

ກຽມພ້ອມຮອບດ້ານ ພິທີສະເຫຼີມສະຫຼອງ 40 ປີ ສປປ ລາວ ຢ່າງຍິ່ງໃຫຍ່

Published on

486ab135b996964581402cd8c2365266

ຄະນະ​ຈັດ​ຕັ້ງ​ພິທີ​ລະດັບ​ຊາດ ນຳພາ​ໂດຍ​ທ່ານ ສົມ​ສະຫວາດ ເລັ່ງ​ສະ​ຫວັດ ຮອງ​ນາຍົກ​ລັດ​ຖະມົນຕີ ທ່ານ​ພົນ​ຕີ ສຸ​ວອນ ເລືອງບຸນ​ມີ ລັດຖະມົນຕີ​ຊ່ວຍ​ວ່າການ ກະຊວງ​ປ້ອງ​ກັນ​ປະເທດ ທ່ານ ບົວ​ເງິນ ຊາ​ພູ​ວົງ ລັດຖະມົນຕີຊ່ວຍ​ວ່າການ​ກະຊວງຖະແຫຼງຂ່າວ ວັດທະນະທຳ-ທ່ອງ​ທ່ຽວ ໄດ້​ຈັດ​ພິທີ​ຊ້ອມ​ໃຫຍ່ ເພື່ອ​ກຽມຄວາມ​ພ້ອມ​ຮອບດ້ານ ໃນ​ການສະເຫຼີມສະຫຼອງ​ວັນ​ສະຖາປະນາ ສາທາລະນະ​ລັດ ປະຊາທິປະໄຕ ປະຊາຊົນ​ລາວ ຄົບຮອບ 40 ປີ.

ພິທີ​ຊ້ອມ​ໃຫຍ່ ເພື່ອ​ກະກຽມ​ໃຫ້​ແກ່​ພິທີ​ໂຮມ​ຊຸມນຸມ​ໃຫຍ່ ແລະ ຊົມ​ການ​ສວນສະໜາມ ສະເຫຼີມສະຫຼອງ​ວັນ​ສະຖາປະນາ ​ສປປ ລາວ ຄົບຮອບ 40 ປີ ໄດ້ຈັດ​ຂຶ້ນ​ໃນ​ວັນ​ທີ 28 ພະຈິກ 2015 ຜ່ານ​ມາ ເຂົ້າ​ຮ່ວມ​ຊົມການ​ຊ້ອມ​ໃຫຍ່​ຄັ້ງ​ນີ້​ມີ​ທ່ານ ບຸນຍັງ ວໍລະ​ຈິດ ຮອງ​ປະທານ​ປະເທດ ພ້ອມ​ບັນດາ​ການ​ນຳ​ພັກ-ລັດ ແລະ ພາກສ່ວນ​ກ່ຽວຂ້ອງ.

ການ​ຊ້ອມ​ໃຫຍ່​ຄັ້ງ​ນີ້​ ແມ່ນການສະແດງ​ໃຫ້​ຄື​ກັບ​ພິທີ​ຕົວ​ຈິງ ໂດຍ​ຄະນະ​ຈັດ​ຕັ້ງ​ລະດັບ​ຊາດ ໄດ້ນຳ​ເອົາ​ທຸກໆ​ຂັ້ນ​ຕອນ​ມາ​ຊ້ອມຄືນໃໝ່ ແລະ ໄດ້​ຮັບ​ຜົນ​ຕາມ​ຄາດໝາຍ​ດ້ວຍ​ຄວາມ​ງົດ​ງາມ ແລະ ຍິ່ງ​ໃຫຍ່ ເຊີນຊວນ​ພີ່ນ້ອງ​ຊາວ​ລາວ ຢູ່​ທັງ​ພາຍ​ໃນ ແລະ ຕ່າງປະເທດ ຈົ່ງ​ຕິດຕາມ​ຊົມ​ຖ່າຍ​ທອດ​ສົດຜ່ານ​ທາງ​ໂທລະພາບ ໂອກາດ​ວັນຊາດ​ທີ 2 ທັນວາ ຈະ​ມາ​ເຖິງ​ນີ້.

ແຫ່ລງຂ່າວ

ວຈໝ

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...