spot_img
Homeຂ່າວການພັດທະນາທ່ານ ບາຣັກ ໂອບາມາ ພົບປະ ນາຍົກລັດຖະມົນຕີ ສປປ ລາວ ທີ່ ກອງປະຊຸມສຸດຍອດອາຊຽນ

ທ່ານ ບາຣັກ ໂອບາມາ ພົບປະ ນາຍົກລັດຖະມົນຕີ ສປປ ລາວ ທີ່ ກອງປະຊຸມສຸດຍອດອາຊຽນ

Published on

12278659_452434218293697_3002387718667858425_n

ຂປລ. ທ່ານ ບາຣັກ ໂອບາມາ ປະທານາທິບໍດີ ສະຫະລັດ ອາເມຣິກາໄດ້ພົບປະກັບ ທ່ານ ທອງສິງ ທຳມະວົງ ນາຍົກລັດຖະມົນຕີ ສປປ ລາວ ຢູ່ນະຄອນຫລວງກົວລາລໍາເປີ ປະເທດມາເລເຊຍ ໃນວັນທີ 21 ເດືອນພະຈິກນີ້ເພື່ອປຶກສາຫາລື ແລະ ເພີ່ມທະວີການພົວພັນຮ່ວມມືໃນຕໍ່ໜ້າລະຫວ່າງສອງປະເທດ. ລະຫວ່າງການພົບສອງຝ່າຍນັ້ນ ທ່ານ ທອງສິງ ທໍາມະວົງໄດ້ເນັ້ນເຖິງ ການຂະຫຍາຍສາຍພົວພັນທັງສອງຝ່າຍຂອງສອງປະເທດທີ່ສະຫະລັດອາເມຣິກາໄດ້ປະກອບສ່ວນເຂົ້າໃນຂະແຫນງການຕ່າງໆເປັນຕົ້ນດ້ານສຸຂະພາບ ແລະ ວຽກງານການເກັບກູ້ລະເບີດທີ່ບໍ່ທັນແຕກໃນສປປ ລາວ.

ທ່ານ ນາຍົກ ສປປ ລາວກໍໄດ້ແຈ້ງສະພາບໂດຍລວມຕໍ່ ທ່ານ ປະທານາທິບໍດີຂອງ ສະຫະລັດຮັບຊາບວ່າ: ສປປ ລາວມີຄວາມພ້ອມຈະໄດ້ເປັນປະທານກອງປະຊຸມອາຊຽນໃນຕົ້ນປີໜ້າ 2016 ພ້ອມດຽວກັນນີ້ ທ່ານ ບາຣັກ ໂອບາມາໄດ້ກ່າວວ່າ: “ຂ້າພະເຈົ້າຫວັງຢ່າງຍິ່ງວ່າຈະເປັນປະທານາທິບໍດີຜູ້ທຳອິດຂອງສະຫະລັດອາເມຣິກາທີ່ມາຢ້ຽມຢາມ ສປປ ລາວ ໃນໄລຍະທີ່ປະເທດລາວເປັນເຈົ້າພາບກອງປະຊຸມສຸດຍອດອາຊຽນ,”; ທ່ານໄດ້ສະແດງຄວາມຊົມເຊີຍ ແລະ ຍິນດີຕໍ່ຄວາມພະຍາຍາມຂອງອາຊຽນໃນການເປີດປະຊາຄົມເສດຖະກິດອາຊຽນໃນທ້າຍປີນີ້ ແລະ ທ່ານໄດ້ເນັ້ນເຖິງການຂະຫຍາຍສາຍພົວພັນທາງດ້ານເສດຖະກິດຂອງສະຫະລັດອາເມຣິກາກັບບັນດາປະເທດໃນອາຊຽນວ່າ“ປະຈຸບັນນີ້, ອາຊຽນແມ່ນໜຶ່ງໃນຕະຫລາດທີ່ໃຫ່ຍທີ່ສຸດໃນການສົ່ງອອກຂອງສະຫະລັດອາເມຣິກາ ແລະ ນັກທຸລະກິດຈຳນວນຫລາຍຈາກສະຫະລັດອາເມຣິກາໄດ້ມາລົງທຶນໃນອາຊຽນຫລາຍກວ່າພາກພື້ນອື່ນ ເຊິ່ງໄດ້ປະກອບສ່ວນສໍາຄັນຢ່າງຕັ້ງໜ້າເຂົ້າໃນການພັດທະນາ ແລະ ຮັບປະກັນເຮັດໃຫ້ອາຊຽນມີຄວາມເຂັ້ມແຂງ ແລະ ໝັ້ນຄົງຍິ່ງຂຶ້ນ.

ແຫ່ລງຂ່າວ

ຂປລ

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...