spot_img
Homeຂ່າວພາຍ​ໃນລັດກຽມປັບຫຼຸດອາກອນຊົມໃຊ້ພາຫະນະ ຄາດມີຜົນບັງຄັບໃຊ້ທ້າຍປີນີ້

ລັດກຽມປັບຫຼຸດອາກອນຊົມໃຊ້ພາຫະນະ ຄາດມີຜົນບັງຄັບໃຊ້ທ້າຍປີນີ້

Published on

12244034_702697439831734_1468091788_n

ກົມ​ສ່ວຍ​ສາ​ອາກອນ ກະຊວງ​ການ​ເງິນ ໄດ້​ຫາລື​ກັບ​ບັນດາຫ້າງ​ຮ້ານ ແລະ ທຸລະ​ກິດ​ທີ່​ມີການ​ນຳ​ເຂົ້າ​ພາຫະນະ​ຕ່າງໆ (ປະເພດ​ລົດ​ທຸກ​ຊະນິດ) ເຖິງ​ການປັບ​ຫຼຸດ​ອາກອນ​ຊົມໃຊ້ (​ອກຊ) ຈາກ​ປົກກະຕິ​ຢູ່​ລະຫວ່າງ 25%-150% ມາ​ຢູ່​ທີ່ 3%-90% ແລະ ຈະ​ເຮັດ​ໃຫ້​ລາຄາ​ຂອງ​ລົດຫຼຸດ​ລົງ.

ກອງ​ປະຊຸມ​ຫາລື​ການຈັດຕັ້ງປະຕິບັດ​ອາກອນ​ຊົມໃຊ້​ຍານ​ພາຫະ​ນະ ແລະ ທາບ​ທາມ​ຄຳ​ເຫັນການ​ປັບປຸງ​ກົດໝາຍ​ວ່າ​ດ້ວຍສ່ວຍ​ສາ​ອາກອນ ໄດ້​ຈັດ​ຂຶ້ນ​ໃນທ້າຍ​ອາທິດ​ຜ່ານ​ມາ ທີ່​ໂຮງແຮມລ້ານ​ຊ້າງ ໂດຍ​ການ​ເປັນ​ປະທານຂອງ​ທ່ານ ບຸນ​ໂຈມ ອຸບົນ​ປະເສີດ ລັດຖະມົນຕີ​ຊ່ວຍ​ວ່າການ​ກະຊວງ​ການ​ເງິນ ພ້ອມ​ດ້ວຍ​ຫົວໜ້າ​ກົມ ຮອງ​ກົມ ຫົວໜ້າ​ຫ້ອງການ ຮອງຫ້ອງການ ຜູ້​ປະກອບ​ການ ເຂົ້າຮ່ວມ.

ທ່ານ ບຸນ​ໂຈມ ອຸບົນ​ປະເສີດ ກ່າວ​ວ່າ: ໄດ້​ມີ​ການ​ປັບປຸງ​ກົດໝາຍວ່າ​ດ້ວຍ​ສ່ວຍ​ສາ​ອາກອນ ບາງ​ມາດຕາ​ເພື່ອ​ໃຫ້​ສອດຄ່ອງກັບ​ປະເທດ​ສະມາຊິກ ພາຍຫຼັງການ​ເຂົ້າ​ເປັນ​ປະຊາ​ຄົມ​ເສດ​ຖະກິດ​ອາ​ຊຽນ (AEC) ທີ່​ບໍ່​ມີ​ພາສີ (ຍົກເວັ້ນ​ບາງ​ປະເພດ​ສິນຄ້າ) ແລະ ອົງການການ​ຄ້າ​ໂລກ (WTO) ສະເພາະ​ແມ່ນ​ອາກອນຊົມໃຊ້ ຫຼື ອາກອນ​ທາງ​ອ້ອມ​ຈະປັບ​ລົງ​ຈາກ​ເດີມ​ຫຼາຍ​ພໍ​ສົມຄວນ ເຊິ່ງ​ຈະ​ສົ່ງ​ຜົນ​ດີ​ໃຫ້​ຜູ້​ຊົມໃຊ້​ພາຍໃນ ໂດຍ​ສະເພາະ ຜູ້​ທີ່​ມີ​ລາຍ​ຮັບລະດັບ​ກາງ​ຫາ​ໜ້ອຍ ​ຈະ​ໄດ້​ມີ​ພາຫະ​ນະ​ຊົມໃຊ້​ຢ່າງ​ສະດວກ​ສະບາຍ.

ທັງ​ນີ້ ກົດໝາຍ​ສະບັບ​ປັບປຸງດັ່ງກ່າວ​ ຄາດ​ວ່າ​ຈະ​ປະກາດ​ໃຊ້ຢ່າງ​ເປັນ​ທາງ​ການ ໃນ​ທ້າຍ​ປີ 2015 ພ້ອມ​ກັບ​ການ​ລວມ​ໂຕຂອງ 10 ປະເທດ​ເຂົ້າ​ເປັນ​ສະ​ມາຊິກ AEC ເຊິ່ງ​ຈະ​ກາຍເປັນ​ບົດທ້າ​ທາຍ​ພໍ​ສົມຄວນ​ໃຫ້​ກັບ​ພາກລັດ ແລະ ຜູ້​ປະກອບ​ການ​ທີ່​ນຳເຂົ້າ​ປະເພດ​ພາຫະນະ ແຕ່​ຈະເປັນ​ພື້ນຖານ​ສຳຄັນ​ໃຫ້​ກັບ​ການສ້າງ​ລາຍ​ຮັບ​ຂອງ​ລັດຖະບານ ໃຫ້​ເຂົ້າ​ໃນ​ລະບົບ​ເຊັ່ນ​ດຽວ​ກັບປະເທດ​ເພື່ອນ​ບ້ານ​ທີ່​ມີ​ລາຍ​ຮັບ ​ອກຊ ລະດັບ 60%-70% ລົງມາ ຕົວ​ເລກ​ທີ່​ປັບ​ຫຼຸດ​ຂອງ ​ສປປ ລາວ ຍັງ​ຖື​ວ່າ​ຢູ່​ໃນ​ອັດຕາ​ຕົວເລກ​ທີ່​ສູງ​ພໍ​ສົມຄວນ ຫາກ​ທຽບກັບ​ບັນດາ​ປະເທດ​ເພື່ອນ​ບ້ານ.

ແຫລ່ງຂ່າວ

ວຈໝ

ບົດຄວາມຫຼ້າສຸດ

ປະກາດການແຕ່ງຕັ້ງ ຮອງເລຂາພັກ ແຂວງ-ຮອງເຈົ້າແຂວງ ສາລະວັນ

ໃນວັນທີ 18 ກັນຍາ 2024 ແຂວງສາລະວັນ ໄດ້ຈັດພິທີປະກາດ ແຕ່ງຕັ້ງຮອງເລຂາພັກແຂວງ, ຮອງເຈົ້າແຂວງໆສາລະວັນ, ທີ່ສະໂມສອນແຂວງ, ໃຫ້ກຽດເຂົ້າຮ່ວມເປັນປະທານຂອງ ສະຫາຍ ພົນເອກ ຈັນສະໝອນ ຈັນຍາລາດ...

ເປີດຢ່າງເປັນທາງການ ກອງປະຊຸມເຈົ້າຄອງນະຄອນຫຼວງອາຊຽນ ປີ 2024

ກອງປະຊຸມເຈົ້າຄອງນະຄອນຫຼວງອາຊຽນ (MGMAC) ແລະ ກອງປະຊຸມເວທີເຈົ້ານະຄອນອາຊຽນ (AMF) ປີ 2024  ເປີດຂຶ້ນຢ່າງເປັນທາງການໃນວັນທີ 18 ກັນຍານີ້ ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ ສປປ ລາວ,...

ພິຈາລະນາ ສະເໜີຂໍໃຫ້ອະໄພຍະໂທດ ແກ່ນັກໂທດ ປະຈໍາປີ 2024

ໃນຕອນເຊົ້າວັນທີ 18 ກັນຍາ 2024 ນີ້ ຢູ່ທີ່ຫ້ອງປະຊຸມຂອງອົງການໄອຍະການປະຊາຊົນສູງສຸດ ໄດ້ຈັດກອງປະຊຸມຄະນະກໍາມະການອະໄພຍະໂທດ ລະດັບຊາດ ເພື່ອຄົ້ນຄວ້າພິຈາລະນາການສະເໜີຂໍໃຫ້ອະໄພຍະໂທດ ແກ່ນັກໂທດປະຈໍາປີ 2024 ໂດຍການເປັນປະທານຂອງ ພົນເອກ ວິໄລ...

ແຈ້ງເຕືອນໄພສະບັບທີ 2 ພາຍຸຫນູນເຂດຮ້ອນ ໃນລະຫວ່າງວັນທີ 18 – 22 ກັນຍາ 2024

ພາຍຸດີເປຣຊັນ ກາລັງເຄື່ອນທີຢູ່ເຂດທະເລຈີນໃຕ້ ຕອນກາງ ດ້ວຍຄວາມໄວ 25 ກິໂລແມັດຕໍ່ ຊົ່ວໂມງ ຊຶ່ງໃນເວລາ 8 ໂມງ 25 ນາທີ ມີຈຸດສູນ ກາງ...