spot_img
Homeອຸບັດເຫດແລະປາກົດການຫຍໍ້ທໍ້ເກີດເຫດສະເທືອນຂວັນຄົນຮ້າຍຄາດຕະກຳພະອາຈານ ວັດໃຫຍ່ໄຊຍະພູມ ເສຍຊີວິດ

ເກີດເຫດສະເທືອນຂວັນຄົນຮ້າຍຄາດຕະກຳພະອາຈານ ວັດໃຫຍ່ໄຊຍະພູມ ເສຍຊີວິດ

Published on

​​​ເຫດການ​ດັ່ງກ່າວ​ເກີດ​ຂຶ້ນໃນ​ວັນ​ທີ 12 ພະຈິກ​ນີ້, ພາຍຫລັງ​ຈົວ​ນ້ອຍພາຍ​ໃນ​ວັດ​​ໄປ​ເອີ້ນ​ພະ​ອາຈານ​ດັ່ງກ່າວ​​ ຢູ່​ກຸ​ຕິ​ວັດ​ໃຫຍ່​ໄຊ​ຍະ​ພູມ ​ເມືອງ​ໄກສອນ​ພົມວິຫານ ​ແຂວງ​ສະຫວັນ​ນ​ະ​ເຂດ ອອກ​ມາ​ສັນ​ຈັງຫັນ ​ແຕ່​​ບໍ່​ມີ​ສຽງ​ຕອບ​ຮັບ,​ຈຶ່ງ​ໄດ້​​ເຂົ້າ​​ໄປ​​ເອີ້ນໃນ​ກຸ​ຕິ​ແລ້ວ​ພົບ​ເຫັນ​ພະ​ອາຈານນອນ​ງາຍ​ໜ້າ ​ເສຍ​ຊີວິດ​ຢູ່​​​ໃກ້​ກັບ​ຕຽງ​ນອນຂອງ​ເພີ່ນ, ​ຄາດ​ວ່າ​ເສຍ​ຊີວິດ​ມາ​ແລ້ວ​ຫລາຍ​ຊົ່ວ​ໂມງ.

ພາຍຫລັງ​ເຈົ້າ​ໜ້າ​ທີ່​ໜ່ວຍສືບສວນ-ສອບ​ສວນ ​​ແຂວງ​ສະຫວັນ​ນະ​ເຂດ ລົງ​ພື້ນ​ທີ່​​ເພື່ອເກັບກຳ​ຂໍ້​ມູນຫລັກ​ຖານບາງ​ສ່ວນມາສືບ​ສວນ-ສອບ​ສວນຈຶ່ງ​ຮູ້​ວ່າ: ພະ​ອາຈານມະຫາ​ບົວ​ເງິນ ອາຍຸ 58 ປີ ​ເກີ​ດທີ່​ບ້ານ​ເວີນ ​ເມືອງ​ໄຊ​ບົວ​ລີ ​ແຂວງ​ສະຫວັນ​ນະ​ເຂດ ສະພາບ​ສົບ​ແມ່ນ​ຖືກ​ທຸບ​ຕີ​ທີ່​ຫົວ​ດ້ວຍ​ຂອງ​ແຂງຢ່າງ​ຮຸນ​ແຮງ ມີ​ຮອຍ​ປອດ​ຄໍ ພົບ​ມີດ​ປາຍ​ແຫລມ​ສຽບຄາ​ຢູ​ຄໍ​ຫອຍ ​ແລະ ມີ​ຮອຍ​ຖືກ​ມີດບາດ​ມື​ຫລາຍ​ຈຸດ ຄາດ​ວ່າ​ມີ​ການ​ຕໍ່ສູ້​ກ່ອນ​ຈະ​ເສຍ​ຊີວິດ, ​ທົ່ວ​ຕົນ​​ໂຕມີ​ຮ່ອງຮອຍ​ຖືກ​ທຳຮ້າຍ 17 ຈຸດ.

​ເຈົ້າ​ໜ້າ​ທີ່ກົມ​ຕຳຫລວດສືບສວນ​-ສອບ​ສວນ ກະຊວງ​ປ້ອງ​ກັນ​ຄວາມ​ສະຫງົບ ​ໃຫ້​ຮູ້​ຕື່ມວ່າ: ​ຜູ້​ກໍ່​ເຫດ​​ອາດແມ່ນ​ຄົນ​​ໃກ້​ຕົວ​ຂອງຜູ້​ກ່ຽວ ​ແລະ ​ເຈົ້າ​ໜ້າ​ທີ່​ໄດ້​ມຸ້ງ​ປະ​ເດັນ​ໄປ​ທີ່​ການ​ຄາດ​ຕະກຳ​ເພື່ອ​ຊີງ​ຊັບ.

ຂ່າວຈາກ ໜັງສືພິມລາວພັດທະນາ

ລພນ

 

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...