spot_img
Homeຂ່າວພາຍ​ໃນແຂວງຄຳມ່ວນ ເກັບກ່ຽວເຂົ້ານາປີ ສຳເລັດແລ້ວກ່ວາ 40%!

ແຂວງຄຳມ່ວນ ເກັບກ່ຽວເຂົ້ານາປີ ສຳເລັດແລ້ວກ່ວາ 40%!

Published on

4-1

ຄະນະຮັບຜິດຊອບ ຂະແໜງປູກຝັງພະແນກກະສິ ກຳ ແລະ ປ່າໄມ້ແຂວງຄຳ ມ່ວນ ແຈ້ງໃຫ້ຮູ້ເມື່ອບໍ່ດົນມານີ້ວ່າ: ຕາມແຜນການຄາດຄະ ເນເນື້ອທີ່ຜະລິດເຂົ້ານາປີ ໃນທົ່ວແຂວງສູ້ຊົນໃຫ້ໄດ້ 82.220 ເຮັກຕາ, ຄາດຄະເນໝົດແນວ ປູກ 4.933 ໂຕນ, ຄາດຄະເນ ສະມັດຖະພາບສະເລ່ຍໃຫ້ໄດ້ 3,8 ໂຕນ/ເຮັກຕາ, ຄາດຄະເນ ຜົນຜະລິດ 312.200 ໂຕນ.

ຜ່ານໄລຍະການຈັດຕັ້ງປະຕິບັດ ເກີດມີສະພາບແຫ້ງແລ້ງ ເຮັດໃຫ້ກ້າຖືກເສຍຫາຍ 720 ໂຕນ, ໃນຈຳນວນ 6 ເມືອງຄື: ມະຫາໄຊ, ຫີນບູນ, ຍົມມະລາດ, ບົວລະພາ, ນາກາຍ ແລະ ເຊບັ້ງໄຟ. ການຜະລິດເຂົ້ານາ ປີ ສາມາດ ຈັດຕັ້ງປະຕິບັດໃນ ເນື້ອທີ່ 73.818 ເຮັກຕາ ເທົ່າ ກັບ 90% ຂອງເນື້ອທີ່ແຜນການ, ໃນນັ້ນມີເນື້ອທີ່ນາດຳ 68.465 ເຮັກຕາ, ນາຫວ່ານ 5.036 ເຮັກຕາ, ນາຝົນ 2 ເຮັກຕາ, ນາຢອດ 10,3 ເຮັກ ຕາ, ນາໄຮ່ໃຫຍ່ 305 ເຮັກ ຕາ, ເນື້ອທີ່ນາ ຫວ່ານຖືກເສຍ ຫາຍຍ້ອນໄພແຫ້ງແລ້ງ 26 ເຮັກຕາ. ມາຮອດກາງເດືອນ ກໍລະກົດປີ 2015 ໄດ້ເກີດມີ ຝົນຕົກໜັກຕິດຕໍ່ກັນຫຼາຍວັນ ເຮັດໃຫ້ນ້ຳໄຫຼເຂົ້າຖ້ວມເນື້ອ ທີ່ນາລວມແລ້ວໃນທົ່ວແຂວງມີ ເນື້ອທີ່ນ້ຳຖ້ວມທັງໝົດ 10.956 ເຮັກຕາ, ເສຍຫາຍ 4.213 ເຮັກຕາ, ເນື້ອທີ່ນາປີຍັງເຫຼືອ ຕົວຈິງ 69.579 ເຮັກຕາເທົ່າ ກັບ 85% ການເກັບກ່ຽວມ້ຽນ ມັດເຂົ້ານາປີໄດ້ເລີ່ມລົງມືແຕ່ ວັນທີ 14 ຕຸລາ 2015, ມາຮອດ ປະຈຸບັນສາມາດເກັບກ່ຽວໄດ້ 29.395 ເຮັກຕາ ເທົ່າກັບ 42%.

ສຳລັບແຜນການປູກພືດ ລະດູແລ້ງ ສົກປີ 2015-2016 ທົ່ວແຂວງໃຫ້ໄດ້ 10.943 ເຮັກ ຕາ, ຄາດຄະເນສະມັດຖະພາບ ຂອງຜົນຜະລິດສະເລ່ຍໃຫ້ໄດ້ 6,16 ໂຕນ/ເຮັກຕາ, ຄາດຄະ ເນຜົນຜະລິດ 67.412 ໂຕນ. ຜ່ານການ ຈັດຕັ້ງປະຕິບັດການ ປູກພືດລະດູແລ້ງໄດ້ເລີ່ມລົງ ມືມາແຕ່ຕົ້ນເດືອນຕຸລາ 2015 ມາຮອດປະຈຸບັນສາມາດປະ ຕິບັດໄດ້ໃນເນື້ອທີ່ 4.845 ເຮັກ ຕາ ເທົ່າກັບ 44%. ດ້ານການ ຜະລິດເຂົ້າໄຮ່ຕາມແຜນການ ຂອງແຂວງແມ່ນຢຸດຕິການ ເຮັດໄຮ່ແບບເລື່ອນລອຍຫັນມາ ເຮັດໄຮ່ຄົງທີ່ໃນທົ່ວແຂວງ ຊຶ່ງ ຢູ່ແຂວງຄຳມ່ວນແມ່ນມີພຽງ 2 ເມືອງທີ່ປູກເຂົ້າໄຮ່ຄື: ບົວລະ ພາ ແລະ ນາກາຍ. ຕາມແຜນ ປີ 2015 ຂອງເມືອງບົວລະພາ ແລະ ເມືອງນາກາຍເນື້ອທີ່ຜະ ລິດເຂົ້າໄຮ່ສູ້ຊົນໃຫ້ໄດ້ 250 ເຮັກຕາຄາດຄະເນສະມັດຖະ ພາບ 2 ໂຕນ/ເຮັກຕາ, ຄາດຄະເນຜົນຜະລິດ 500 ໂຕນ. ການຜະລິດເຂົ້າເນີນສູງໄດ້ ເລີ່ມລົງມືປູກແຕ່ວັນທີ 5 ພຶດ ສະພາ 2015, ມາຮອດປະຈຸ ບັນໄດ້ສຳເລັດແລ້ວ 100%, ການເກັບກ່ຽວມ້ຽນມັດເຂົ້າໄຮ່ ໄດ້ເລີ່ມລົງມືມາແຕ່ຕົ້ນເດືອນ ຕຸລາ 2015 ມາຮອດປະຈຸບັນ ສາມາດປະຕິບັດໄດ້ໃນເນື້ອທີ່ 190 ເຮັກຕາ ເທົ່າກັບ 75%.

 

ແຫລ່ງຂ່າວ:

ປຊຊ

ບົດຄວາມຫຼ້າສຸດ

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025 ໃນອາທິດຜ່ານມາ, ທະນາຄານແຫ່ງ ສປປ ລາວ (ທຫລ) ໄດ້ຈັດກອງປະຊຸມຄະນະກຳມະການນະໂຍບາຍເງິນຕາ ຄັ້ງທີ...