spot_img
Homeຂ່າວຕ່າງປະເທດຜູ້ອົບພະຍົບແຫ່ກັນລີ້ໄພເຂົ້າສະໂລວັກກວ່າ 12,600 ລາຍ

ຜູ້ອົບພະຍົບແຫ່ກັນລີ້ໄພເຂົ້າສະໂລວັກກວ່າ 12,600 ລາຍ

Published on

558000012246501

ເອ​ເອັບ​​ພີ – ຕໍາ​ຫລວດ​ລະ​ບຸ​ໃນ​ມື້ວັນພະຫັດ​ 22 ຕຸລາ ວ່າ​ມີ​ຜູ້​ອົບພະ​ຍົບ​ຫລາຍກວ່າ 12,600 ລາຍ​ ມາ​ຮອກສະໂລ​ວັກ​ຕະຫລອດ​ໄລຍະ 24 ຊົ່ວ​ໂມງ​ທີ່​ຜ່ານມາ ຖື​ເປັນ​ຕົວ​ເລກ​ທີ່​ສູງ​ຫລາຍກວ່າ​ທີ່​ເຄີຍ​ມີ​ໃນ​ຮົງ​ກາ​ລີ​ຕອນ​ໄລຍະເດືອນ​ກັນຍາ

ຕຳຫ​ລວດ​ບອກວ່າ ເມື່ອ​ເວລາ 06.00 ນ ຂອງ​ວັນພະຫັດ ມີ​ຍອດ​ລວມ​ຜູ້​ອົບພະ​ຍົບ​ເຂົ້າ​ສູ່​ສະ​ໂລ​ວັກ​ລວມ​ທັງ​ໝົດ 34,131 ລາຍ ນັບ​ຕັ້ງ​ແຕ່​ມື້ວັນ​ເສົາ​ທີ່​ເລີ່ມ​ມີ​ການ​ຫລັ່ງ​ໄຫລ​ເຂົ້າ​ມາ ໂດຍ​ຍອດ​ລວມ​ຂອງ​ເມື່ອ​ມື້ວັນ​ພຸດ​ນັ້ນ​ຢູ່​ທີ່ 21,455 ລາຍ ມີ​ການ​ເພີ່ມ​ຂຶ້ນ​ໃນໄລຍະ 24 ຊົ່ວ​ໂມງ​ທີ່​ຜ່ານມາ 12,676 ລາຍ

ເມື່ອ​ວັນທີ່ 23 ກັນຍາ ຮົງ​ກາ​ລີ​ທີ່​ປິດ​ຊາຍແດນ​ຂອງ​ຕົນ ສາມາດ​ນັບ​ຈຳນວນ​ຜູ້​ອົບພະ​ຍົບ​ທີ່​ເດີນທາງ​ເຂົ້າ​ປະເທດ​ໄດ້​ເຖິງ 10,046 ລາຍ​ໃນ​ມື້​ດຽວ

ຍັງມີ​ອີກ​ປະມານ 10,000 ລາຍ​ທີ່​ຄາດ​ວ່າ​ຈະ​ເຂົ້າ​ມາ​ໃນ​ສະ​ໂລ​ວັກ​ໃນ​ມື້​ວັນພະຫັດ ເຮັດໃຫ້​ປະເທດ​ທີ່​ມີ​ປະຊາກອນ 2 ລ້ານ​ຄົນ​ແຫ່ງ​ນີ້ ກາຍ​ເປັນ​ສະຖານ​ທີ່​ໃໝ່​ ຫລ້າ​ສຸດ​ທີ່​ຈະ​ໄດ້​ເຫັນ​ຜູ້​ອົບພະ​ຍົບ​ແລະ​ລີ້ໄພ​ທີ່​ສິ້ນ​ຫວັງ ພາ​ກັນ​ເດີນທາງ​ໄປ​ໃຫ້​ເຖິງ​ເອີຮົບທາງ​ຕອນ​ເໜືອ​ກ່ອນ​ເຖິງ​ລະດູ​ໜາວ

ຕຳ​ຫລວດ​ລະ​ບຸ​ວ່າ ແຕ່ໄລຍະຕອນ​ເຊົ້າຂອງ​ມື້​ວັນພະຫັດ​ກໍ​ຄາດ​ວ່າ​ຈະ​ມີ​ຜູ້​ອົບພະ​ຍົບ​ຈາກ​ໂກຣອາຊີ​ເດີນທາງ​ເຂົ້າ​ສູ່​ສະ​ໂລ​ວັກປະ​ມານ 2,000-3,000 ຄົນ

ສະ​ໂລ​ວັກ​ຍັງ​ໄດ້​ວິ​ຈານໂກຣອາຊີ​ຢ່າງ​ໜັກ ສຳລັບ​ການ​ຕັດ​ສິນ​ໃຈ​ເປີດ​ພົມ​ແດນ​ເມື່ອ​ຄືນ​ມື້ວັນ​ຈັນ ປ່ອຍ​ໃຫ້​ຜູ້​ຄົນ​ຫລາຍ​ພັນ​ເດີນທາງ​ເຂົ້າ​ສູ່​ສະ​ໂລ​ວັກ

ສະ​ຫະ​ພາບ​ເອີຮົບໄດ້​ຮຽກຮ້ອງ​ເມື່ອ​ມື້ວັນ​ພຸດ ໃຫ້​ມີ​ການ​ຈັດ​ປະ​ຊຸມ​ຍ່ອຍ​ຜູ້​ນຳ​ຊາດ​ອີ​ຍູ ເພື່ອ​ຫາ​ລື​ເລື່ອງ​ເຫດການ​ຜູ້​ອົບ​ຍົບ

ເອີຮົບ​ກຳ​ລັງ​ດິ້ນ​ຮົນ​ຫາ​ທາງ​ຮັບ​ມື​ກັບ​ເຫດ​ຜູ້​ອົບ​ພະຍົບ​ເທື່ອ​ໃຫຍ່​ທີ່ສຸດ​ນັບ​ຕັ້ງ​ແຕ່​ປີ 1945 ໂດຍ​ໃນ​ປີ​ນີ້​ມີ​ຜູ້​ອົບພະ​ຍົບ​ແລະ​ລີ້ໄພ​ຫລາຍກວ່າ 600,000 ລາຍ ສ່ວນ​ໃຫຍ່​ໜີ​ການ​ສູ້ຮົບ​ໃນ​ຊີ​ຣີ ອິ​ຮັກ ແລະ ​ອັຟກາ​ນິ​ສະຖານ ໄດ້​ເດີນທາງ​ສ່ຽງ​ອັນຕະລາຍ​ໄປ​ສູ່​ເອີຮົບ

 

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...