spot_img
Homeຂ່າວພາຍ​ໃນແຊ້ມ ລາວພຣີເມຍລີກ ຈະໄດ້ສິດເຂົ້າຮ່ວມແຂ່ງຂັນລາຍການ TOYOTA MEKONG CLUB CHAMPIONSHIP 2015

ແຊ້ມ ລາວພຣີເມຍລີກ ຈະໄດ້ສິດເຂົ້າຮ່ວມແຂ່ງຂັນລາຍການ TOYOTA MEKONG CLUB CHAMPIONSHIP 2015

Published on

ສໍາລັບການແຂ່ງຂັນບານເຕະໃນລາຍການ TOYOTA MEKONG CLUB CHAMPIONSHIP 2015 ໃນຄັ້ງນີ້ແມ່ນຈັດຂຶ້ນເປັນປີທີ 2 ເຊິ່ງໃນປີຜ່ານມາແມ່ນຈັດຂຶ້ນຢູ່ທີ່ປະເທດຫວຽດນາມ ເຊິ່ງ ມີ 4 ສະໂມສອນ ຈາກ 4 ປະເທດໃນເຂດລຸ່ມແມ່ນໍ້າຂອງເຂົ້າຮ່ວມປະກອບມີ : ສະໂມສອນ ບີຄາເມັກບິງເຍືອງ ຈາກ ຫວຽດນາມ, ສະໂມສອນ ອາເຢຢາວະດີ ຢູໄນເຕັດ ຈາກມຽນມາ , ສະໂມສອນ ພະນົມເປັນ ຄຣາວ ຈາກກໍາປູເຈຍ , ສະໂມສອນ ຮ່ວາງແອັງອັດຕະປື ຈາກລາວ ເຊິ່ງໃນຄັ້ງທີ່ຜ່ານສະໂມສອນ ບີຄາເມັກບິງເຢືອງ ຈາກ ຫວຽດນາມ ໄດ້ແຊ້ມໄປຄອງ ດວ້ຍການເອົາຊະນະ ສະໂມສອນ ອາເຢຢາວະດີຢູໄນເຕັດ ຈາກ ມຽນມາ 4-1 . ໃນປີນີ້ມີເພີ່ມ 1 ສະໂມສອນຈາກໄທ ທີ່ເປັນແຊ້ມລາຍການໂຕໂຢຕ້າ ລີກຄຣັບ ແລະ 4 ສະໂມສອນທີ່ເປັນແຊ້ມລີກສູງສຸດຂອງ 4 ປະເທດເຊິ່ງປະກອບມີ : ແຊ້ມຈາກລາວພຣີເມຍລີກ, ແຊ້ມກຳປູເຈຍລີກ , ແຊ້ມລີກແຫ່ງຊາດມຽນມາ ແລະ ແຊ້ມວີລີກຫວຽດນາມ.
ການແຂ່ງຂັນແມ່ນຈະມີຂຶ້ນໃນລະຫວ່າງວັນທີ 1 ພະຈິກ ຫາ 20 ທັນວາ 2015 ເຊິ່ງໃນປີນີ້ທາງ ໂຕໂຢຕ້າໂມເຕີ ອາຊີ ປາຊີຟິກ ແມ່ນໄດ້ປັບປຸງຮູບແບບການແຂ່ງຂັນເຊິ່ງໄດ້ຈັດຂຶ້ນຢູ່ໃນທຸກປະເທດທີ່ ເຂົ້າຮ່ວມ.
ຮອບທຳອິດຈະມີຂຶ້ນໃນລະຫວ່າງວັນທີ 1 ພະຈິກ ຫາ 29 ພະຈິກ 2015 ເຊິ່ງປະກອບມີ ກໍາປູເຈຍ , ລາວ ແລະ ມຽນມາ , ວັນທີ 1 ພະຈິກ ລາວ ພົບ ກຳປູເຈຍ ແຂ່ງຂັນຢູ່ທີ່ສະຫນາມກິລາເຈົ້າອານຸວົງ ນະຄອນຫລວງວຽງຈັນ ປະເທດລາວ ໃນເວລາ 18:00 , ວັນທີ 22 ພະຈິກ ມຽນມາ ພົບ ລາວ ແຂ່ງຂັນຢູ່ທີ່ສະຫນາມກິລາ THUWANNA YOUTH TRAINING CENTER ນະຄອນຫລວງຢາງກຸງ ປະເທດມຽນມາ ແລະ ນັດສຸດທ້າຍ ວັນທີ 29 ພະຈິກ ກຳປູເຈຍ ພົບ ມຽນມາ ຢູ່ທີ່ສະຫນາມ ໂອແລມປິກແຫ່ງຊາດ ນະຄອນຫລວງພະນົມເປັນປະເທດ ກຳປູເຈຍ.
ສ່ວນຮອບຮອງຊະນະເລີດຈະແຂ່ງຂັນຢູ່ທີ່ປະເທດຫວຽດນາມ ເຊິ່ງທີມຈາກຫວຽດນາມແມ່ນຢືນຖ້າໃນຮອບນີ້ຖານະແຊ້ມເກ່ົາໃນປີທີ່ຜ່ານເຊິ່ງຈະພົບກັບທີມທີ່ມີຄະແນນດີທີ່ສຸດໃນຮອບທຳອິດແຂ່ງຂັນໃນວັນທີ 6 ທັນວາ ແຂ່ງຂັນຢູ່ທີ່ສະຫນາມ ຮ່າໂນຍ ຫັງເດ ນະຄອນຫລວງຮ່າໂນຍປະເທດຫວຽດນາມ ສ່ວນຮອບຊີງຊະນະເລີດຈະມີຂຶ້ນໃນວັນທີ 20 ທັນວາ 2015 ທີມຊະນະໃນຮອບຮອງຊະນະເລີດແມ່ນຈະພົບກັບທີມໄທ ເຊິ່ງແຂ່ງຂັນຢູ່ທີ່ສະຫນາມສຸກພັດຊະລາໄສ ນະຄອນຫລວງບາງກອກປະເທດໄທ.
ເງິນລາງວັນການແຂ່ງຂັນຄັ້ງນີ້ແມ່ນອັນດັບ 1 ໄດ້ຮັບເງິນ 75.000 ໂດລາສະຫະລັດ , ອັນດັບ 2 ໄດ້ຮັບເງິນ 50.000 ໂດລາສະຫະລັດ , ອັນດັບ 3 ໄດ້ຮັບເງິນ 10.000 ໂດລາສະຫະລັດ , ອັນດັບ 4 ໄດ້ຮັບເງິນ 10.000 ໂດລາສະຫະລັດ ແລະ ອັນດັບ 5 ໄດ້ຮັບເງິນ 5000 ໂດລາສະຫະລັດ . ນອກຈາກນັ້ນຍັງມີລາງວັນຜູ້ຫລິ້ນຊົງຄຸ່ນຄ່າໄດ້ຮັບເງິນ 3000 ໂດລາສະຫະລັດ .

11215136_1030221356998801_7635502338450246738_n

ຂ່າວແລະພາບຈາກ: ສຕລ

ບົດຄວາມຫຼ້າສຸດ

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...

ເສຍຊີວິດ 63 ຄົນ ເຫດການແຜ່ນດິນໄຫວຂະໜາດໃຫຍ່ທີ່ຟິລິບປິນ ທາງການເຕືອນອາດຈະເກີດສຶນາມິຕາມມາອີກ

ສຳນັກຂ່າວຕ່າງປະເທດລາຍງານໃນວັນທີ 30 ກັນຍາ 2025 ທີ່ຜ່ານມາ ເວລາປະມານ 22:00ໂມງ ເກີດເຫດການແຜ່ນດິນໄຫວຂະໜາດໃຫຍ່ 6.9 ລິກເຕີ ທີ່ເທິງເກາະເຊບູ ປະເທດຟິລິບປິນ ເຮັດໃຫ້ມີຜູ້ເສຍຊີວິດຫຼາຍກວ່າ 63...

ການຂົນສົ່ງສາທາລະນະຢູ່ນະຄອນຫຼວງວຽງຈັນ

ນະຄອນຫຼວງວຽງຈັນ ຖືວ່າເປັນນະຄອນຫຼວງແຫ່ງ ສປປ ລາວ ທີ່ມີລະບົບການຂົນສົ່ງສາທາລະນະທີ່ອ້ອມຮອບ ເນື່ອງຈາກມີລົດເມໄວ້ຄອຍໃຫ້ບໍລິການຢູ່ຫຼາຍເຂດ ຕັ້ງແຕ່ໃນຕົວເມືອງຈົນໄປຮອດນອກຕົວເມືອງ ເພື່ອຄວາມສະດວກສະບາຍໃນການໄປ-ມາ ຂອງປະຊາຊົນເວົ້າລວມ ເວົ້າສະເພາະກໍຄືຜູ້ທີ່ອາໄສໃນນະຄອນຫຼວງວຽງຈັນໃນແຕ່ລະມື້. ນອກຈາກນີ້, ໃນປີ 2026 ກໍຈະເປີດໃຫ້ບໍລິການສຳລັບລົດເມໂດຍສານດ່ວນພິເສດ...