spot_img
Homeປ່ອງຢ້ຽມດວງດາວNASA ກຽມທົດສອບ ການສ້າງທີ່ຢູ່ອາໄສນອກໂລກດ້ວຍ 3D Printing

NASA ກຽມທົດສອບ ການສ້າງທີ່ຢູ່ອາໄສນອກໂລກດ້ວຍ 3D Printing

Published on

ຫລັງ​ຈາກທີ່ມີ​ແນວ​ຄິດ​ມາ​ໄລຍະໜື່ງ ຫລ້າ​ສຸດ​ທາງ NASA  ກໍ​ໄດ້​ປະ​ກາດ​ເຖິງ​ແຜນ​ການສ້າງ​ແຫລ່ງ​ທີ່​ພັກ​ອາໄສ ດ້ວຍ​ເຄື່ອງ​ພິມ​ສາມ​ມິ​ຕິ ຫລື 3D Printing ຢ່າງ​ເປັນ​ຈິງ​ເປັນ​ຈັງ​ແລ້ວ

building_a_wall_200

Move to the Mars  ນັກ​ວິທະຍາ​ສາດ ແລະ ວິ​ສະວະກ​ອນ ທີ່​ສູນ​ການ​ບິ​ນອາວະ​ກາດ​ມາລ໌​ແຊນ (NASA’s Marshall Space Flight Center) ໄດ້​ກຽມ​ການ​ທົດສອບ ການສ້າງ​ທີ່​ຢູ່​ອາໄສ​ເທິງ​ດາວ​ເຄາະ​ໃນ​ອາວະ​ກາດ​ດ້ວຍ 3D Printing ຫລັງ​ຈາກທີ່ເບິ່ງເຫັນ​ວ່າ ຖ້າຫາກ​ຈະໃຫ້​ນັກ​ບິ​ນອາວ​ະກາດ ຕ້ອງ​ຂົນ​ວັດສະດຸ ໄປ​ສ້າງ​ແຫລ່ງ​ພັກ​ອາໄສ​ໄປ​ນອກ​ໂລກ ຄືຊິ​ເປັນ​ເລື່ອງ​ທີ່​ລຳ​ບາກ​ ​ຄ່າ​ຂົນ​ສົ່ງ ຄ່າ​ວັດສະ​ດຸ ຫລື​ຂະ​ບວນ​ການສ້າງ ທີ່​ອາດຈະ​ມີ​ຄວາມ​ຍາກ​ລຳ​ບາກ​ກວ່າ​ທີ່​ຄິດ ດັ່ງ​ນັ້ນ ເພື່ອ​ຫລຸດ​ພາລະ ຈຶ່ງ​ໄດ້​ເລີ່ມ​ແຜນ​ການສ້າງ​ທີ່​ພັກ​ອາໄສ​ດ້ວຍ​ເທກ​ໂນ​ໂລ​ຍີ​ເຄື່ອງ​ພິມ​ສາມ​ມິ​ຕິ ຢ່າງ​ຈິງ​ຈັງ​ແລ້ວ

ສຳລັບ​ລາຍ​ລະອຽດ​ການ​ທົດສອບ NASA ເຜີຍ​ວ່າ ຮອບ​ທຳອິດ ຈະ​ໃຊ້​ວັດສະ​ດຸ​ຈຳ​ພວກ ຢາງ, ເຫລັກ, ໄທ​ທາ​ນຽມ, ອະ​ລູ​ມິ​ນຽມ, ນິກ​ເກ ແລະ​ ວັດສະ​ດຸ​ອື່ນໆ​ທີ່​ໃຊ້​ໃນ​ການສ້າງ​ຍາ​ນອາວ​ະກາດ ຈາກ​ນັ້ນ​ກໍ​ຈະ​ເລີ່ມ​ສຶກ​ສາ​ວິທີ​ການ​ລີ​ໄຊ​ເຄີ້ນຄື​ການ​ເອົາ​ພື້ນ​ຜິວ​ຂອງ​ດາວ​ເຄາະ​ດວງ​ນັ້ນໆ ມາ​ເປັນ​ວັດ​ດຸ​ຫລັກ ເພື່ອ​ໃຫ້​ກົມ​ກືນ​ກັບ​ສະພາບ​ແວດ​ລ້ອມ ແລະ​ເພື່ອ​ເພີ່ມ​ຄວາມ​ທົນ​ທານ​ຕໍ່​ບັນ​ຍາ​ກາດ​ຂອງ​ທີ່​ນັ້ນອີກດ້ວຍ ທັງ​ນີ້​ຂະ​ບວນ​ການສ້າງ​ທັງ​ໝົດ ອາດຈະ​ໃຊ້​ຫຸ່ນ​ຍົນ​ທີ່​ຄວບ​ຄຸມ​ຈາກ​ໄລ​ຍະ​ໄກ ຈົນ​ເມື່ອ​ແລ້ວ​ສຳເລັດ ທັນ​ທີ​ທີ່​ນັກ​ບິ​ນອາວ​ະກາດ​ເດິນທາງ​ໄປ​ເຖິງ ກໍ​ຈະ​ມີ​ທີ່​ພັກ​ໃຫ້​ພ້ອມ​ກັນ​ເລີຍ

ກ່ອນ​ໜ້າ​ນີ້ NASA ກໍ​ເຄີຍ​ຈັດ​ປະ​ກວດ​ການສ້າງ​ແບບ​ຈຳ​ລອງ​ທີ່​ພັກ​ອາໄສ​ເທິງ​ດາວ​ອັງ​ຄານ​ດ້ວຍ 3D Printing ມາແດ່​ແລ້ວ ກໍ​ມີ​ຜົນ​ງານ​ທີ່​ໜ້າ​ສົນ​ໃຈ​ຈາກ​ຜູ້​ເຂົ້າ​ຮ່ວມ​ປະ​ກວດຢ່າງຫລາຍ ບໍ່​ແນ່​ວ່າ ຕໍ່ໄປ​ໃນ​ໂຄງ​ການ “ສົ່ງ​ມະນຸດ​ໄປ​ດາວ​ອັງ​ຄານ” ທີ່​ຈະ​ເລີ່ມ​ພາຍ​ໃນ​ປີ 2035 ຄືຊິໄດ້​ໃຊ້​ວິທີ​ນີ້​ດ້ວຍເຊັ່ນກັນ

ບົດຄວາມຫຼ້າສຸດ

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...

ຄາດວ່າຈະສຳເລັດໃນຕົ້ນປີ 2026 ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄືບໜ້າແລ້ວ 89.57%

ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄາດຕົ້ນປີ 2026 ຈະສໍາເລັດ ແລະ ເປີດນໍາໃຊ້ຢ່າງເປັນທາງການ. ໂຄງການ ກໍ່ສ້າງໂຮງງານບໍາບັດນໍ້າເປື້ອນນະຄອນຫຼວງວຽງຈັນ ເປັນໂຄງການໜຶ່ງທີ່ຈະຊ່ວຍໃນການປຸງປັບລະບົບສິ່ງແວດລ້ອມ,ໂດຍສະເພາະແມ່ນ ບັນຫາສິ່ງແວດລ້ອມນໍ້າ,...