spot_img
Homeຂ່າວພາຍ​ໃນລາວໃຊ້ສາມລໍ້ໄຟຟ້າ ແຊງໜ້າເພື່ອນບ້ານ

ລາວໃຊ້ສາມລໍ້ໄຟຟ້າ ແຊງໜ້າເພື່ອນບ້ານ

Published on

ຫຼວງພະບາງ ເມືອງມໍລະດົກໂລກ ເລີ່ມ​ໃຫ້​ບໍລິການລົດ​ສາມ​ລໍ້​ພະລັງ​ງານ​ໄຟ​ຟ້າ​ຮັບສົ່ງ​ຜູ້​ໂດຍ​ສານ ໃນຕົວເມືອງ​ແລ້ວ

415

ມື້​ນີ້ (15 ກັນຍາ 2015) ຢູ່ຫຼວງພະບາງ ໄດ້​ເລີ່ມ​ໃຫ້​ບໍລິການ​ລົດ​ສາມ​ລໍ້​ພະລັງ​ງານ​ໄຟ​ຟ້າ ​ຮັບສົ່ງ​ຜູ້​ໂດຍ​ສານ​ໃນຕົວເມືອງ​ແລ້ວ ລວມ​ເຖິງ​ເປີດ​ສະຖານີສາກໄຟ​ໃນ​ຕົວ ໂດຍ​ໂຄງ​ການ​ລົດ​ສາມລໍ້ໄຟ​ຟ້າ ເປັນ​ຄວາມ​ຮ່ວມ​ມື​ ລະຫວ່າງກະຊວງໂຍທາທິການແລະຂົນສົ່ງ​ລາວ ແລະ ​ຫນ່ວຍ​ງານ​ຄວາມ​ຮ່ວມ​ມື​ນານາ​ຊາດ ​ແຫ່ງ​ປະເທດຍີ່​ປຸ່ນ (JICA) ຊຶ່ງ​ເປັນ​ສ່ວນຫນຶ່ງ​ຂອງ​ການ​ທົດລອງ​ລະບົບ ​ຂົນ​ສົ່ງ​ມວນ​ຊົນ​ທີ່​ມີ​ມົນລະ​ພິດ​ຕ່ຳ.

ທັງ​ນີ້ ສາມລໍ້ໄຟ​ຟ້າ​ຈະໃຫ້​ບໍລິການ​ຕາມ​ເສັ້ນ​ທາງ​ ທ່ອງ​ທ່ຽວ​ມໍລະດົກ​ໂລກ ເຊື່ອມ​ຕໍ່​ມາ​ຈາ​ກສະ​ຖາ​ນີ​ລົດ​ເມ​ໄຟ​ຟ້າ (E-Bus Terminal) ທີ່​ມີ​ເສັ້ນ​ທາງ​ທັງ​ໝົດ 3 ສາຍ (ແບ່ງ​ອອກ​ເປັນ​ລົດ​ສາມລໍ້ໄຟ​ຟ້າ 1 ສາຍ ແລະ​ລົດ​ເມ​ອີກ 2 ສາຍ) ຊຶ່ງ​ໄລ​ຍະ​ທຳອິດຈະ​ເປັນ​ການ​ເກັບ​ຂໍ້​ມູນ​ ຜົນ​ການ​ດຳ​ເນີນ​ງານ ລາຍ​ໄດ້ ແລະ​ຄ່າ​ໃຊ້​ຈ່າຍ ລວມ​ເຖິງ​ເບິ່ງ​ຜົນ​ກະທົບ​ທາງ​ເສດຖະກິດ​ໃນ​ເຊີງ​ ການ​ທ່ອງ​ທ່ຽວ​ດ້ວຍ.

ໂດຍ​ໃນ​ໄລ​ຍະ​ທຳອິດ​ມີ​ລົດ​ສາມລໍ້​ໄຟ​ຟ້າ​ ໃຫ້​ບໍລິການ ຈຳນວນ 14 ຄັນ ຕິດ​ຕັ້ງ​ແບດ​ເຕີ​ຣີ່ແບບ​ລິ​ທຽມ​ໄອ​ອອນ ສາມາດ​ຖອດ​ອອກ​ໄດ້ ມີ​ແບດ​ເຕີ​ຣີ່​ທັງ​ໝົດ 30 ອັນ ຄອຍຖ້າ​ປ່ຽນ​ໃຫ້​ບໍລິການ ຂະນະ​ທີ່​ສະຖານິ​ສາກ​ໄຟ​ຂະໜາດ​ໃຫຍ່​ ກຳລັງກໍ່ສ້າງຢູ່ ເພື່ອ​ຮອງ​ຮັບ​ປະລິມານ​ລົດ​ທີ່​ອາດ​ເພີ່ມ​ຂຶ້ນ​ ໃນ​ອະນາຄົດ​ອີກ​ດ້ວຍ.

421
ເສັ້ນສະແດງການແລ່ນລົດສາມລໍ້ໄຟຟ້າ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...