ການນອນກົນເປັນເລື່ອງຂອງທຳມະຊາດຢ່າງໜຶ່ງແຕ່ດ້ວຍຄວາມກ້າວໜ້າທາງການແພດເຮັດໃຫ້ຮັບຮູ້ວ່າການ “ນອນກົນ” ມີອັນຕະລາຍຕໍ່ສຸຂະພາບຂອງຕົນເອງ ແລະ ຄົນໃກ້ຊິດຢ່າງຫລາຍ ຈະຮູ້ໄດ້ຢ່າງໃດວ່າເປັນຄົນ “ນອນກົນ”ເລື່ອງນີ້ງ່າຍຫລາຍໆ ນັ້ນຄື ຖາມຄົນໃກ້ຊິດ (ບໍ່ວ່າຈະເປັນ ຜົວ ເມຍ ຫລື ລູກຫລານກໍໄດ້) ຖ້າບໍ່ເຊື່ອກໍຄວນໃຫ້ຄົນໃກ້ຊິດບັນທຶກສຽງຂະນະຫລັບໄວ້ເປີດຟັງໃນເວລາຕື່ນນອນວ່າສຽງ “ນອນກົນ”ຂອງຕົນລົບກວນຄົນອື່ນຫລາຍໃດ ວ່າເຮົານອນກົນ ແລະ ລົບກວນຄົນໃກ້ຊິດຫລາຍນ້ອຍຂະໜາດໃດ ແລະ ເຮັດຢ່າງໃດເຖິງຈະບໍ່ນອນກົນອີກຕໍ່ໄປ?..
ນອນກົນຄືຫຍັງ??
ນອນກົນ ຄື ຄວາມຜິດປົກກະຕິຂອງການນອນ ມີ 7 ຊະນິດ ດັ່ງນີ້
- ຊະນິດບໍ່ອັນຕະລາຍບໍ່ເຮັດໃຫ້ເກີດຜົນເສຍຕໍ່ສຸຂະພາບພຽງແຕ່ກໍ່ຄວາມລຳຄານໃຫ້ຄົນໃກ້ຊິດເທົ່ານັ້ນ
- ຊະນິດອັນຕະລາຍນັ້ນຄື ຢຸດຫາຍໃຈຂະນະຫລັບອັນເນື່ອງມາຈາກມີການອຸດຕັນຂອງທາງເດີນຫາຍໃຈຂະນະຫລັບພາວະອຸດຕັນທາງເດີນຫາຍໃຈສ່ວນເທິງ ແລະ ລະບົບປະສາດສ່ວນກາງຜິດປົກກະຕິ ຈະສັງເກດອາການຕົນເອງໄດ້ຢ່າງໃດ??
ບາງເທື່ອຄົົນທີ່ນອນກົນ ບໍ່ຮູ້ວ່າມີພາວະຢຸດຫາຍໃຈຂະນະຫລັບຮ່ວມດ້ວຍ ຫລື ບໍ່ ອາດໃຫ້ຄົນນອນຂ້າງໆ ສັງເກດ ຫລື ພິຈາລະນາວ່າມີອາການເຫລົ່ານີ້ ຫລື ບໍ່ - 1. ນອນກົນສຽງດັ່ງ
- 2. ຮູ້ສຶກນອນບໍ່ເຕັມຕື່ນ ອ່ອນເພຍຫລັງຕື່ນນອນ ທັງທີ່ມີເວລານອນພຽງພໍ
- 3. ຕື່ນນອນຕອນເຊົ້າມີອາການປວດຫົວຮ່ວມດ້ວຍ
- 4. ຫາວນອນເລື້ອຍໆ ຫລື ຫລັບງ່າຍໃນກາງເວັນ ຂະນະເຮັດວຽກ ຫລື ຮຽນໜັງສື ຈົນເຖິງຂັ້ນມີອັນຕະລາຍເຊັ່ນອຸປະຕິເຫດກ່ຽວກັບລົດ (ຫລັບໃນ) ຫລື ອຸປະຕິເຫດກ່ຽວກັບເຄື່ອງຈັກຕ່າງໆ
- 5. ຄວາມຄິດການອ່ານ ຄວາມສາມາດໃນການຈົດຈຳຫລຸດລົງ
- 6. ຫງຸດຫງິດງ່າຍ ອາລົມເສຍເລື້ອຍກວ່າປົກກະຕິ
- 7. ໃນເດັກອາດເຮັດໃຫ້ມີການປ່ຽນແປງ ຮ່າງກາຍບໍ່ແຂງແຮງ ຍ່ຽວໃສ່ບ່ອນນອນ
ໃຜແດ່ທີ່ນອນກົນ??
ເພດຊາຍ ນອນກົນປະມານຮ້ອຍລະ 25
ເພດຍິງ ນອນກົນປະມານຮ້ອຍລະ 15
ໃນກຸ່ມອາຍຸຫລາຍກວ່າ 40 ປີ ເພດຊາຍນອນກົນຮ້ອຍລະ 50 ໃນຂະນະທີ່ເພດຍິງນອນກົນຮ້ອຍລະ 40
ໃນກຸ່ມຄົນທົ່ວໄປທີ່ນອນກົນ ພົບວ່າຮ້ອຍລະ 1 ຢຸດຫາຍໃຈຂະນະຫລັບ
ສຳລັບໃນກຸ່ມຜູ້ຊາຍສູງອາຍຸ ແລະ ອ້ວນ ພົບຢຸດຫາຍໃຈຂະນະຫລັບຮ້ອຍລະ 10
ປັດໄຈທີ່ເຮັດໃຫ້ຄົນເຮົານອນກົນ
- 1. ອາຍຸໃນຄົົນທີ່ມີອາຍຸຫລາຍ ເນື້ອເຍື່ອຕ່າງໆ ຂາດຄວາມຕຶງຕົວ ກ້າມເນື້ອຢ່ອນຍານ ລວມທັງຊ່ອງທາງເດີນຫາຍໃຈບໍລິເວນຄໍແຄບລົງ ລິ້ນໄກ່ ແລະ ລິ້ນຕົກໄປບັງທາງເດີນຫາຍໃຈໄດ້ງ່າຍ
- 2. ເພດເພດຊາຍມີການນອນກົນ ແລະ ພາວການຢຸດຫາຍໃຈຂະນະຫລັບຈາກການອຸດຕັນທາງເດີນຫາຍໃຈສ່ວນເທິງຫລາຍກວ່າເພດຍິງ ເຊື່ອວ່າຮໍໂມນຂອງເພດຍິງມີສ່ວນເຮັດໃຫ້ກ້າມເນື້ອທີ່ເຮັດຫນ້າທີ່ຂະຫຍາຍຊ່ອງທາງເດີນຫາຍໃຈ ມີຄວາມຕຶງຕົວທີ່ດີກວ່າ
- 3. ລັກສະນະໂຄງສ້າງຂອງກະດູກໃບໜ້າຄົົນທີ່ມີຄາງສັ້ນຫລາຍ ກະດູກໃບໜ້າແບນ ຈະມີຜົນເຮັດໃຫ້ຊ່ອງທາງເດີນຫາຍໃຈສ່ວນເທິງແຄບກວ່າປົກກະຕິ
- 4. ຄວາມອ້ວນຜູ້ທີ່ມີນ້ຳໜັກຫລາຍຈະມີການສະສົມຂອງໄຂມັນຫລາຍບໍລິເວນລຳຄໍແລະຜົ້ງເອິກ ເຮັດໃຫ້ຊ່ອງທາງເດີນຫາຍໃຈແຄບລົງ ການເຄື່ອນໄຫວຂອງໜ້າເອິກຮ້າຍກວ່າເກົ່າ
- 5. ການດື່ມເຫລົ້າຢາຄາຍຄຽດ ແລະ ຢານອນຫລັບເຮັດໃຫ້ກ້າມເນື້ອມີອາການອ່ອນແຮງ ລວມເຖິງກ້າມເນື້ອໃນລຳຄໍ ເກີດການອຸດຕັນທາງເດີນຫາຍໃຈໄດ້ງ່າຍ ນອກຈາກນີ້ເຫລົ້າ ແລະ ຢາຍິ່ງມີຜົນກົດການເຮັດວຽກງານຂອງສະໝອງໃຫ້ຊ້າກວ່າປົກກະຕິ
- 6. ການສູບຢາເຮັດໃຫ້ລະບົບທາງເດີນຫາຍໃຈມີປະສິດທິພາບຮ້າຍກວ່າເກົ່າ
- ກຳມະພັນ
ແນວທາງປ້ອງກັນ ແລະ ປິ່ນປົວອາການນອນກົນເບື້ອງຕົ້ນດ້ວຍຕົນເອງ
1. ການຄວບຄຸມນ້ຳໜັກ ຫລຸດນ້ຳໜັກລົງເຮັດໃຫ້ນອນກົນນ້ອຍລົງ
- ຫລີກລ້ຽງການດື່ມເຫລົ້າ
- ປ່ຽນທ່ານອນການທີ່ເຮົານອນຫງາຍຈະມີອາການກົນຂະນະຫລັບ
ໄດ້ເລື້ອຍກວ່ານອນຕະແຄງ ຫລື ນອນຄວ່ຳ