spot_img
Homeຂ່າວຕ່າງປະເທດໄທກວດສອບພົບ ລະເບີດແຕກຢູ່ກຸງເທບ ໜັກ 3 ກິໂລ! ຍອດຜູ້ເສຍຊີວິດເພີ່ມເປັນ 22 ຄົນ!

ໄທກວດສອບພົບ ລະເບີດແຕກຢູ່ກຸງເທບ ໜັກ 3 ກິໂລ! ຍອດຜູ້ເສຍຊີວິດເພີ່ມເປັນ 22 ຄົນ!

Published on

558000009653826

ສຳນັກຂ່າວຜູ້ຈັດການອອນລາຍນ໌ຂອງໄທ ລາຍງານໃນວັນທີ 18 ສິງຫານີ້ວ່າ ເຈົ້າໜ້າທີ່ໜ່ວຍທຳລາຍວັດຖຸລະເບີດ ໄດ້ເຂົ້າກວດສອບຈຸດເກີດເຫດລະເບີດຢູ່ 4 ແຍກຣາຊະປະສົງຢ່າງລະອຽດ ກວມພື້ນທີ່ໃນວົງລັດສະໝີ 200 – 300​ ແມັດ ເພື່ອປ້ອງກັນບໍ່ໃຫ້ມີການວາງລະເບີດຊ້ຳຊ້ອນໃນບໍລິເວນດັ່ງກ່າວ ໃນຂະນະທີ່ທົ່ວນະຄອນຫລວງບາງກອກ ປະເທດໄທ ເຈົ້າໜ້າທີ່ທະຫານ ແລະ ຕຳຫລວດ ໄດ້ວາງກຳລັງຮັກສາຄວາມສະຫງົບປອດໄພຢ່າງເຂັ້ມງວດກ່ວາເກົ່າ ພາຍຫລັງທີ່ເກີດເຫດລະເບີດຢູ່ 4 ແຍກຣາຊະປະສົງ ໃນເວລາ 18:55 ໂມງ ຂອງມື້ວານນີ້ (17 ສິງຫາ) ສົ່ງຜົນເຮັດໃຫ້ມີຍອດຜູ້ເສຍຊີວິດເຖິງປັດຈຸບັນ ລວມ 22 ຄົນ ແລະ ບາດເຈັບ 123 ຄົນ ຊຶ່ງໃນນັ້ນແມ່ນມີຄົນຈີນເສຍຊີວິດລວມຢູ່ນຳ 3 ຄົນ ແລະ ບາດເຈັບ 15 ຄົນ.

ພົນໂທ ປຣະວຸດ ຖາວອນສິຣິ ຜູ້ຊ່ວຍຜູ້ບັນຊາການຕຳຫລວດແຫ່ງຊາດໄທ ແລະ ທັງເປັນໂຄສົກປະຈຳສຳນັກງານຕຳຫລວດແຫ່ງຊາດ ໄດ້ເປີດເຜີຍວ່າ ລະເບີດທີ່ຄົນຮ້າຍໃຊ້ໃນການກໍ່ເຫດ ແມ່ນມີນ້ຳໜັກ 3 ກິໂລກຣາມ ແຕ່ກໍຕ້ອງໄດ້ລໍຖ້າຜົນການກວດສອບອີກເທື່ອໜຶ່ງກ່ອນວ່າ ລະເບີດດັ່ງກ່າວແມ່ນເປັນລະເບີດຊະນິດໃດ.

ທັງນີ້ ແມ່ນຍັງບໍ່ທັນມີພາກສ່ວນໃດອອກມາສະແດງຄວາມຮັບຜິດຊອບໃນການກໍ່ເຫດດັ່ງກ່າວ ແລະ ເຈົ້າໜ້າທີ່ໄທ ກໍຍັງບໍ່ທັນສາມາດສະຫລຸບໄດ້ວ່າ ເຫດລະເບີດໃຈກາງນະຄອນຫລວງບາງກອກຄັ້ງນີ້ ແມ່ນເກີດຈາກການກໍ່ການຮ້າຍ ຫລື ບໍ່.

ບົດຄວາມຫຼ້າສຸດ

ລາວເສຍຫາຍໜັກ! ຜົນກະທົບຈາກພາຍຸບົວລອຍ ພັດຖະລົ່ມລາວ ເຮັດໃຫ້ມີຜູ້ເສຍຊີວິດທັງໝົດ 4 ຄົນ.

ພາຍຸບົວລອຍ ສົ່ງຜົນກະທົບຕໍ່ 34 ເມືອງໃນທົ່ວປະເທດ ມີຜູ້ເສຍຊີວິດ 4 ຄົນ ຮອງນາຍົກຊີ້ນຳໃຫ້ເລັ່ງໃຫ້ການຊ່ວຍເຫຼືອຜູ້ໄດ້ຮັບຜົນກະທົບໂດຍດ່ວນ. ໃນຕອນເຊົ້າວັນທີ 6 ຕຸລາ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ຈັດກອງປະຊຸມ...

ແລກເມຍກັບງົວ 1 ໂຕ ເມື່ອໜຸ່ມອິນໂດເນເຊຍຖືກເມຍຄົບຊູ້ ຈຶ່ງສະເໜີການແລກປ່ຽນເພື່ອຈົບບັນຫາ

ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ຜ່ານການຕົກລົງຈາກທັງ 2...

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...