Homeອຸບັດເຫດແລະປາກົດການຫຍໍ້ທໍ້ສານແຂວງສະຫວັນນະເຂດ ລົງໂທດຊາວຕ່າງດ້າວຈໍາຄຸກຕະຫລອດຊີວິດ ຂໍ້ຫາຄາດຕະກຳ!

ສານແຂວງສະຫວັນນະເຂດ ລົງໂທດຊາວຕ່າງດ້າວຈໍາຄຸກຕະຫລອດຊີວິດ ຂໍ້ຫາຄາດຕະກຳ!

Published on

n

ແຫ​ລ່ງຂ່າວ​ຈາກ​ແຂວງ​ສະຫວັນ​ນະ​ເຂດລາຍ​ງານ​ວ່າ: ເມື່ອທ້າຍອາ ທິດຜ່ານມານີ້, ສານປະຊາຊົນແຂວງດັ່ງກ່າວ, ໄດ້ຕັດສິນລົງໂທດ ທ້າວ ຫງວຽນ ວັນຖິ່ນ ສັນຊາດ ຫວຽດນາມ ຈໍາຄຸກຕະຫລອດຊີວິດ ແລະ ທ້າວ ຄຳເພັດ ຈໍາຄຸກເປັນເວລາ 15 ປີ ພ້ອມປັບໃໝ 5 ລ້ານກີບ ໃນຂໍ້ຫາສົມຮູ້ຮ່ວມຄິດ ແລະ ຄາດຕະກໍາເພື່ອເອົາຊັບ, ຊຶ່ງຄະດີມີຢູ່ວ່າ: ໃນກາງເດືອນທັນວາ 2012 ​ເຈົ້າໜ້າທີ່ໄດ້ຮັບ ແຈ້ງຈາກ ພົນລະເມືອງດີວ່າ: ພົບລົດສີດຳປ້າຍທະບຽນຫວຽດນາມຈອດຢູ່ປ່າ ແລະ ມີກິ່ນ ເໝັນອອກມາຈາກລົດຄັນດັ່ງນັ້ນ, ຈຶ່ງໄດ້ລົງສັນລະສູດ ​ແລະ ພົບສົບຄົນເສຍຊີວິດໜຶ່ງຄົນຄືນາງ ວໍທິມີຫຽບສັນຊາດ ຫວຽດນາມ, ໂດຍຖືກຂອງແຂງທຸບບໍລິເວັນງ່ອນຄໍ ແລະ ຕົນຕົວຫລາຍຈຸດ, ນອກຈາກນີ້, ເຈົ້າໜ້າທີ່ຍັງກວດພົບເອກະ ສານໜີ້ສິນຕ່າງໆລະຫວ່າງຜູ້ກັບທ້າວຫງວຽນວັນ ຖິ່ນຢູ່ພາຍໃນລົດ, ຈຶ່ງໄດ້ເກັບໄວ້ເປັນຫລັກຖານສໍາຄັນໃນ ການສືບສວນ-ສອບສວນເຫດການຄາດຕະກໍາຄັ້ງນີ້ ແລະ ຕົກມາຮອດວັນ​ທີ 31 ທັນວາ 2012 ເຈົ້າໜ້າທີ່ຈຶ່ງ ໄດ້ຈັບທ້າວ ຫງວຽນວັນຖິ່ນ ແລະ ທ້າວຄຳເພັດຖືກເຈົ້າໜ້າທີ່ຈັບຕົວໄດ້ໃນວັນທີ 21 ເມສາ 2013 ມາດໍາເນີນຄະດີຕາມລະບຽບກົດ ໝາຍ.

ຜ່ານການສືບສວນ-ສອບສວນຂອງເຈົ້າໜ້າທີ່ພວກກ່ຽວຮັບສາລະພາບວ່າ: ໄດ້ຮ່ວມກັນວາງ ແຜນລັກເອົາເງິນ ຂອງນາງ ວໍທິມີຫຽບ ເພາະລາວມັກຖືເງິນຫລາຍເພື່ອມາຄ້າຂາຍ ແລະ ເອົາເງິນໄວ້ ໃນຖົງເງິນຢູ່ຫລັງເບາະລົດ, ໃນມື້ເກີດເຫດທ້າວ ຫງວຽນ ວັນຖິ່ນ ໄດ້ຕວົະຜູ້ຕາຍວ່າ ທ້າວ ຄຳເພັດ ໄດ້ເບິ່ງສະຖານທີ່ຊື້ຂາຍໄມ້ກ່ອນແລ້ວ, ທັງ​ສອງຈຶ່ງໄດ້ຂຶ້ນລົດນຳໄປ, ຈາກນັ້ນ ທ້າວ ຫງວຽນ ວັນຖິ່ນ ໄດ້ຂັບລົດພາເຂົ້າໄປທາງຫ້ວຍອາໄກໂດຍຕົວະວ່າເປັນທາງ ລັດເຂົ້າເມືອງວິລະບູລີ ພໍ​ຮອດບໍລິເວນ ທາງສາມແຍກ ຜູ້ຕາຍເຫັນທາງຍາກ ແລະ ມີຫ້ວຍຈຶ່ງຈອດລົດໃຫ້ ທ້າວ ຫງວຽນ ວັນຖິ່ນ ປ່ຽນມາ ນັ່ງເບາະຫລັງແລ້ວລ້ຽວລົດກັບຄືນ, ຂະນະນັ້ນ ທ້າວ ຫງວຽນ ວັນຖິ່ນ ກໍຄົ້ນຫາເງິນໃນຖົງຂອງຜູ້ຕາຍ, ແຕ່ຜູ້ຕາຍເຫັນເວົ້າວ່າ: ເຈົ້າຕົວະຂ້ອຍມາເບິ່ງໄມ້ເພື່ອຢາກລັກເງິນຂອງຂ້ອຍຈະລາຍງານເຈົ້າໜ້າທີ່ ແລະ ບອກເຖົ້າແກ່ໄມ້ ບໍ່ໃຫ້ຄ້າຂາຍນຳ, ຈາກນັ້ນ ທ້າວ ຫງວຽນ ວັນຖິ່ນ ຈຶ່ງເອົາກະແຈ​ແປງ​ລົດຂະໜາດໃຫຍ່ທຸບເຂົ້າບໍລິເວນງ່ອນໜຶ່ງ ບາດຈົນໝົດສະຕິແລ້ວດຶງຜູ້ຕາຍມາໄວ້ຢູ່ເບາະກາງ ​ແລະ ​ເມື່ອເຫັນຜູ້ຕາຍຍັງມີສະຕິຢູ່ກໍເອົາກະແຈທຸບຕື່ມອີກ ຫລາຍບາດຈົນເຮັດໃຫ້ເສຍຊີວິດ.

 

ຂອບໃຈຂ່າວຈາກ:

ລພນ

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...