spot_img
Homeຂ່າວເຫດການລັດຖະມົນຕີຕ່າງປະເທດ ສຳເລັດການເຂົ້າຮ່ວມສອງກອງປະຊຸມ ທີ່ມຽນມາ

ລັດຖະມົນຕີຕ່າງປະເທດ ສຳເລັດການເຂົ້າຮ່ວມສອງກອງປະຊຸມ ທີ່ມຽນມາ

Published on

thong

ຂປລ. ໃນຕອນ​ເຊົ້າວັນທີ 22 ມິຖຸນາ 2015 ທີ່ນະຄອນຫລວງເນປີດໍ, ສາທາລະນະລັດ ສະຫະພາບ ມຽນມາ, ທ່ານ ທອງລຸນ ສີສຸລິດ ຮອງນາຍົກ ລັດຖະມົນຕີ, ລັດຖະມົນຕີວ່າການ ກະຊວງການຕ່າງປະເທດ ແຫ່ງ ສປປ ລາວ ໄດ້ເຂົ້າຮ່ວມກອງປະຊຸມ ລັດຖະມົນຕີຕ່າງປະເທດ ຂອບການຮ່ວມມື ກໍາປູເຈຍ-ລາວ-ມຽນມາ-ຫວຽດນາມ ແລະ ກອງປະຊຸມ ລັດຖະມົນຕີຕ່າງປະເທດ ຍຸດທະສາດການຮ່ວມມື ດ້ານເສດຖະກິດ ແມ່ນໍ້າອີຣະວະດີ-ແມ່ນໍ້າເຈົ້າພະຍາ-ແມ່ນໍ້າຂອງ ພາຍໃຕ້ການເປັນປະທານຂອງ ທ່ານ ອູ ວັນນາ ມອງ ລໍວິນ ລັດຖະມົນຕີວ່າການ ກະຊວງການຕ່າງປະເທດ ແຫ່ງ ສສ ມຽນມາ, ມີບັນດາລັດຖະມົນຕີວ່າການ, ຊ່ວຍວ່າການກະຊວງ ການຕ່າງປະເທດ ແຫ່ງ ຣາຊະອານາຈັກ ກໍາປູເຈຍ, ຣາຊະອານາຈັກໄທ, ສສ ຫວຽດນາມ, ເລຂາທິການໃຫຍ່ອາຊຽນ ພ້ອມດ້ວຍຜູ້​ແທນກ່ຽວຂ້ອງ ​ເຂົ້າ​ຮ່ວມ.

ຈຸດປະສົງຂອງກອງປະຊຸມຄັ້ງນີ້ ແມ່ນເພື່ອກະກຽມ ທາງດ້ານເນື້ອໃນເອກະສານໃຫ້ແກ່ ກອງປະຊຸມສຸດຍອດ ຂອບການຮ່ວມມື ກໍາປູເຈຍ-ລາວ-ມຽນມາ-ຫວຽດນາມ ຄັ້ງທີ 7 ແລະ ກອງປະຊຸມສຸດຍອດ ຍຸດທະສາດການຮ່ວມມື ດ້ານເສດຖະກິດ ແມ່ນໍ້າອີຣະວະດີ-ແມ່ນໍ້າເຈົ້າພະຍາ-ແມ່ນໍ້າຂອງ (ແອັກແມັກ) ຄັ້ງທີ 6 ທີ່ຈັດຂຶ້ນໃນຕອນບ່າຍ ຂອງວັນດຽວ​ກັນ ແລະ ຕອນເຊົ້າຂອງວັນທີ 23 ມິຖຸນາ 2015. ​ເຊິ່ງສອງກອງປະຊຸມດັ່ງກ່າວ ໄດ້ທົບທວນຄືນ ຄວາມຄືບໜ້າຂອງການຈັດຕັ້ງ ປະຕິບັດບັນດາໂຄງການ ແລະ ແຜນງານຕ່າງໆ ໃນແຕ່ລະຂະແໜງການ ຮ່ວມມືບູລິມະສິດ ເປັນຕົ້ນ ການຄ້າ ແລະ ການລົງທຶນ, ການພັດທະນາພື້ນຖານໂຄງລ່າງ, ການເຊື່ອມຈອດ, ການທ່ອງທ່ຽວ, ແລະ ການສຶກສາ ແລະ ຂົງເຂດອື່ນໆ ພາຍໃຕ້ສອງຂອບ ການຮ່ວມມືດັ່ງກ່າວ ໃນໄລຍະຜ່ານມາ ແລະ ໄດ້ແລກປ່ຽນຄໍາຄິດຄໍາເຫັນຮ່ວມກັນ ເພື່ອຊອກຫາຊ່ອງທາງ ໃນການປະເຊີນໜ້າ ກັບສິ່ງທ້າທາຍ ໃນການຈັດຕັ້ງປະຕິບັດ ບັນດາໂຄງການ ໂດຍສະເພາະ ແມ່ນສະພາບທຶນຮອນ ເພື່ອມາຈັດຕັ້ງປະຕິບັດ ໂຄງການຕ່າງໆ ໃນສອງຂອບ ຮ່ວມມືດັ່ງກ່າວ.

ສໍາລັບທິດທາງ ຂອງການຮ່ວມມືໃນຕໍ່ໜ້າ, ບັນດາລັດຖະມົນຕີ ຂອງປະເທດສະມາຊິກ ຂອບຮ່ວມມື ກໍາປູເຈຍ-ລາວ-ມຽນມາ-ຫວຽດນາມ ແລະ ຂອບຮ່ວມມື ແອັກແມັກ ໄດ້ຮັບຮອງເອົາ ບົດຖະແຫລງການຮ່ວມ ຂອງກອງປະຊຸມສຸດຍອດ ຂອບການຮ່ວມມື ກໍາປູເຈຍ-ລາວ-ມຽນມາ-ຫວຽດນາມ ຄັ້ງທີ 7, ຖະແຫລງການ ເນປີດໍ ຂອງກອງປະຊຸມ ສຸດຍອດແອັກແມັກ ຄັ້ງທີ 6 ແລະ ແຜນປະຕິບັດງານ ແອັກແມັກ ສໍາລັບສົກປີ 2016-2018; ບັນດາເອກະສານດັ່ງກ່າວ ຈະໄດ້ວາງພື້ນຖານ ໃຫ້ແກ່ການຮ່ວມມື ໃນອະນາຄົດ ຂອງບັນດາປະເທດສະມາຊິກ ແນໃສ່ຫລຸດຜ່ອນຄວາມແຕກໂຕນ ຂອງການພັດທະນາ ທັງເປັນການປະກອບສ່ວນ ເຂົ້າໃນການສ້າງພື້ນຖານ ໃຫ້ແກ່ການສ້າງ ປະຊາຄົມ ເສດຖະກິດອາຊຽນ. ບັນດາເອກະສານດັ່ງກ່າວ ຈະຖືກສະເໜີຕໍ່ ໄປຍັງບັນດາຫົວໜ້າລັດຖະບານ ແລະ ປະມຸກລັດ ຂອງບັນດາປະເທດສະມາຊິກ ຂອບການຮ່ວມມື ເພື່ອຮັບຮອງເອົາໃນກອງປະຊຸມ ລະດັບສຸດຍອດ.

 

ແຫລ່ງຂ່າວ: ສຳນັກຂ່າວສານປະເທດລາວ

 

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...