spot_img
Homeຂ່າວການພັດທະນາກອງ​ທຶນ​ຫລຸດຜ່ອນ​ຄວາມທຸກ​ຍາກ ຈະ​ໄດ້​ຮັບ​ລາງວັນອົງການພັດທະນາດີເດັ່ນ ຈາກ​ອາ​ຊຽນ​!

ກອງ​ທຶນ​ຫລຸດຜ່ອນ​ຄວາມທຸກ​ຍາກ ຈະ​ໄດ້​ຮັບ​ລາງວັນອົງການພັດທະນາດີເດັ່ນ ຈາກ​ອາ​ຊຽນ​!

Published on

1014328_537970119596805_171399287_n

​ໃນ​ຕອນ​ບ່າຍ​ຂອງ​ວັນ​ທີ 19 ມິຖຸນາ​ນີ້, ຢູ່​ສະມາຄົມ​ນັກ​ຂ່າວ​ແຫ່ງ ສປປ ລາວ ​ໄດ້​ຈັດ​ຖະ​ແຫລ​ງ​ກ່ຽວ​ກັບ ການ​ຮັບຮອງ​ອົງການ​ພັດທະນາ​ດີ​ເດັ່ນ ​ເພື່ອ​ເປັນ​ຕົວ​​ແທນ​ຮັບ​ລາງວັນ​ອາ​ຊຽນທີ່​ຈະ​ຈັດ​ຂຶ້ນ​​ເປັນ​ປີທີ 2 ຢູ່​ນະຄອນຫລວງ​ວຽງ​ຈັນ​ໃນ​ມໍ່ໆ​ນີ້, ​ເຊິ່ງມີ​ທ່ານ ຈິດ ທະວີ​ໃສ ຫົວໜ້າ​ຫ້ອງ​ແຜນການ ​ແລະ ພົວພັນ​ຕ່າງປະ​ເທດຄະນະ​ພັດທະນາ​ຊົນນະບົດ ​ເປັນ​ຜູ້​ຖະ​ແຫລ​ງ ​ແລະ ມີ​ບັນ​ດາ​ສື່​ມວນ​ຊົນ​ເຂົ້າ​ຮ່ວມ​ເປັນ​ຈຳນວນ​ຫລາຍ.

ທ່ານ ຈິດ ທະວີ​ໃສ ​ໄດ້​ຖະ​ແຫລ​ງວ່າ: ນັບ​ແຕ່​ປີ 2013 ​ເປັນ​ຕົ້ນ​ມາຂະ​ແໜງ​ການ​ພັດທະນາ​ຊົນນະ​ບົດ ​ແລະ ລຶບ ລ້າງ​ຄວາມທຸກ​ຍາກ​ອາ​ຊຽນ​ໄດ້​ຈັດ​ໃຫ້​ມີ​ການ​ມອບ-ຮັບ​ລາງວັນ​ອາ​ຊຽນ​ໃຫ້​ແກ່​ອົງການ, ສະມາຄົມ​ຂອງ​ບັນດາ​ປະ​ເທດ​ຕ່າງໆ​ໃນ​ອາ​ຊຽນ, ​ໂດຍ​ມີ​ຈຸດປະສົງ​ເພື່ອ​ຜັນ​ຂະຫຍາຍ​ກອບ​ການ​ພັດທະນາ​ຊົນນະບົດ ​ແລະ ລຶບລ້າງ​ຄວາມທຸກ​ຍາກ​ອາ​ຊຽນປີ 2011 ຫາ ປີ 2015 ທີ່​ສົ່ງ​ເສີມ​ການ​ປະກອບສ່ວນ​ຂອງ​ທຸກ​ພາກສ່ວນ​ໃນ​ສັງຄົມແນ​ໃສ່​ເຮັດ​ໃຫ້​ອາ​ຊຽນ​ເປັນ​ພາກ​ພື້ນທີ່​ປາສະຈາກ​ຄວາ​ມທຸກ​ຍາກ​ປະຊາຊົນ​ດຳລົງ​ຊີວິດດ້ວຍ​ຄວາມ​ຢູ່​ດີ​ກິນ​ດີ. ສໍາລັບ ສປປ ລາວ, ​ໃນ​ຖານະ​ເປັນ​ຈຸດ​ປະສານ​ງານ​ຂອງ​ອາ​ຊຽນທາງ​ດ້ານ​ການ​ພັດທະນາ​ຊົນນະບົດ ​ແລະ ລຶບລ້າງ​ຄວາ​ມທຸກ​ຍາກ, ຄະນະ​ພັດທະນາ​ຊົນນະບົດ ​ແລະ ລຶບລ້າງ​ຄວາ​ມທຸກ​ຍາກ​ຂັ້ນ​ສູນ​ກາງຫ້ອງ​ວ່າການ​ລັດຖະບານ ໄດ້​ປະຕິບັດ​ທິດ​ຊີ້​ນຳຄັ້ງ​ວັນ​ທີ 30 ມີນາ 2015 ຂອງ​ທ່ານ​ຮອງນາຍົກລັດຖະມົນຕີຜູ້ຊີ້​ນຳ​ວຽກ​ງານ​ປົກຄອງ, ​ໄດ້​ແຕ່ງ​ຕັ້ງ​ໃຫ້ມີ​ຄະນະ​ຮັບຜິດຊອບ​ການ​ຄັດ​ເລືອກ​ຂຶ້ນ, ​ເພື່ອ​ເຜີຍ​ແຜ່​ມາດຕະຖານ​ອາ​ຊຽນ​ໃຫ້​ບັນດາ​ອົງການ, ກອງ​ທຶນ, ມູນນິທິ, ສະມາ​ຄົມ, ໜ່ວຍ​ອົງການ​ຈັດ​ຕັ້ງ​ມະ​ຫາ​ຊົນ​ຢູ່​ທ້ອງ​ຖິ່ນໃຫ້ຊາບ ​ແລະ ສົ່ງ​ບົດ​ລາຍ​ງານ​ຜົນງານ​ໃນ​ການ​ປະກອບສ່ວນ​ເຂົ້າ​ໃນ​ວຽກ​ງານ​ພັດທະນາ​ຊົນນະບົດ ​ແລະ ລຶບລ້າງ​ຄວາ​ທຸກ​ຍາກເຂົ້າ​ມາ​ຮ່ວມ​ຄັດ​ເລືອກ, ​ເຊິ່ງ​ໄດ້​ດຳ​ເນີນ​ມາ​ຕັ້ງ​ແຕ່​ເດືອນ​ເມສາ-​ເດືອນ​ພຶດສະພາ ​ແລະ ມາ​ຮອດ​ປັດຈຸບັນຄະນະ​ຮັບຜິດຊອບ​ການ​ຄັດ​ເລືອກ​ດັ່ງກ່າວ ​ໄດ້​ຕົກລົງ​ເປັນ​ເອກະສັນ​ກັນ​ວ່າ: ​​ໃຫ້​ກອງ​ທຶນ​ຫລຸດຜ່ອນ​ຄວາ​ມທຸກ​ຍາກ​​ເປັນ​ຕົວ​​ແທນ​ຮັບ​ລາງວັນ​ອາ​ຊຽນ, ​ເຊິ່ງ​ເຫັນ​ວ່າ​ກອງ​ທຶນ​ດັ່ງ​ກ່າວ ມີ​ມາດຕະຖານ​ຄົບ​ຖ້ວນ, ມີ​ຜົນງານຕາມ​ຄວາມ​ຕ້ອງການ​ທຸກ​ປະການຄື: ​ໃນ​ໄລຍະ 2 ປີຜ່ານມາ, ກອງ​ທຶນ​ຫລຸດຜ່ອນ​ຄວາ​ທຸກ​ຍາກ ​ໄດ້​ມີ​ຜົນງານ​ໃນ​ການ​ສ້າງ​ພື້ນຖານ​ໂຄງ​ລ່າງ​ຊົນນະບົດ​ຂະໜາດ​ນ້ອຍ, ຊຶ່ງ​ລວມມີ: ຫົນທາງ, ສຸກສາລາ, ນ້ຳ​ສະອາດ, ​ໂຮງຮຽນ, ຊົນລະປະທານ, ສົ່ງ​​ເສີມ​ການ​ຜະລິດ​ເປັນ​ສິນຄ້າ ​ແລະ ​ໂພຊະນາ​ການ​ຢູ່ 1.900 ບ້ານ ​ແລະ 200 ກຸ່ມ​ບ້ານ, ຢູ່ 43 ​ເມືອງ ​ໃນ 10 ​ແຂວງ​ທົ່ວ​ປະ​ເທດ​ເຊິ່ງມີ​ຜູ້​ໄດ້ຮັບ​ຜົນ​ປະ​ໂຫຍ​ດ​ເກືອບ 5 ​ແສນ​ຄົນ.

ບົດຄວາມຫຼ້າສຸດ

ໄທຜ່ານແລ້ວ! ກົດໝາຍສົມລົດເທົ່າທຽມ ສາມາດຈົດທະບຽນສົມລົດໄດ້ໃນຕົ້ນປີ 2025

ອີງຕາມສຳນັກຂ່າວ BBC ລາຍງານໃນວັນທີ 25 ກັນຍາ 2024 ນີ້ວ່າ ເວັບໄຊ້ ຣາຊກິດຈານຸເບກສາ ປະກາດ ກົດໝາຍສົມລົດເທົ່າທຽມ ມີຜົນບັງຄັບໃຊ້ 120 ວັນຫຼັງປະກາດ...

ສະພາບອາກາດປະຈຳວັນທີ 25 ກັນຍາ 2024

ຮ່ອງຄວາມກົດດັນອາກາດຕໍ່າຍັງສືບຕໍ່ພັດຜ່ານຢູ່ພາກກາງຂອງປະເທດ ສົມທົບກັບລົມມໍລະສຸມຕາເວັນຕົກສ່ຽງໃຕ້ພັດປົກຄຸມ ເຊິ່ງຈະເຮັດໃຫ້ຝົນຕົກ ຟ້າຮ້ອງ ຟ້າເຫຼື້ອມ ໃນລະດັບຄ່ອຍຫາປານກາງຢູ່ເກືອບທົ່ວໄປໃນແຕ່ລະພາກ ແລະ ຈະຕົກໜັ້ກຢູ່ບາງທ້ອງຖິ່ນພາກກາງພ້ອມມີລົມພັດແຮງບາງໂອກາດ (ອ່ານເພິ່ມລຸ່ມນີ້)

ແຂວງຢຸນນານ ສປ ຈີນ ມອບເຄື່ອງຊ່ວຍເຫຼືອ ແກ່ແຂວງບໍ່ແກ້ວ ມູນຄ່າ 70 ລ້ານກີບ

ວັນທີ 24 ກັນຍາ 2024 ນີ້, ທ່ານ ຢວນຢາພິງ ຫົວໜ້າ ກອງບັນຊາການຕໍາຫຼວດນໍ້າ ແຂວງຢູນນານ ສປ ຈີນ ພ້ອມຄະນະ ໄດ້ນຳເອົາເຂົ້າສານ,...

ກຽມເປີດລົດເມໂດຍສານລະຫວ່າງປະເທດ ອຸດອນ-ໜອງຄາຍ-ວັງວຽງ

ບໍລິສັດຂົນສົ່ງ (ບກສ) ຂອງປະເທດໄທ ກຽມເປີດແລ່ນລົດເມ ເສັ້ນທາງ ອຸດອນ-ສະໜາມບິນອຸດອນ-ໜອງຄາຍ-ວັງວຽງ ເພື່ອອໍານວຍຄວາມສະດວກ ໃຫ້ບັນດານັກທ່ອງທ່ຽວ ແລະ ມີແຜນສຶກສາ ເສັ້ນທາງໃໝ່ ອີກ 5 ເສັ້ນທາງ...