ໄລຍະນີ້ຝົນຟ້າເລີ່ມປັ່ນປ່ວນແລະມີຝົນຕົກລົງມາແດ່ແລ້ວເປັນໄລຍະກ່ອນທີ່ຈະເຂົ້າສູ່ລະດູຝົນແບບເຕັມຕົວ ເຮົາມາກຽມຕົວຮັບມືພ້ອມວິທີເອົາຕົວລອດຈາກລົມພາຍຸຝົນກັນກ່ອນດີກວ່າ
ວິທີຕຽມຕົວກ່ອນເກີດລົມພະຍຸຝົນ
1. ວາງແຜນລ່ວງໜ້າໃຫ້ຮອບຄອບ ໂດຍຕິດຕາມຟັງພະຍາກອນອາກາດເປັນປະຈຳຫາກມື້ໃດທີ່ຄາດວ່າຈະມີລົມພາຍຸຝົນຄວນຫລີກລ້ຽງສະຖານທີ ທີ່ສ່ຽງອັນຕະລາຍ
2. ຫາກຕ້ອງເດິນທາງອອກນອກເຮືອນໃຫ້ສັງເກດສະພາບຟ້າອາກາດຢ່າງຕໍ່ເນື່ອງເຊັ່ນຝົນຕົກ ຟ້າມືດຫລືລົມແຮງຜິດປົກກະຕິເພາະເປັນສັນຍານທີ່ສະແດງວ່າພາຍຸຝົນກຳລັງຈະເຄື່ອນເຂົ້າມາ
3. ຄິດໄລ່ຈາກສຽງຫາກເຫັນແສງຟ້າຜ່າແລະສຽງຟ້າຮ້ອງນຳມາອີກ 30 ວິນາທີນຳຫລັງຄວນຮີບຫາບ່ອນຫລົບທັນທີ
4. ກຽມໄຟສາຍຫລືທຽນເອົາໄວ້ໃຊ້ຍາມໄຟຟ້າດັບ
5. ຕຽມເບີໂທລະສັບສຸກເສີນເອົາໄວ້ເພື່ອເກີດເຫດສຸກເສີນຫລືມີຄົນໄດ້ຮັບອັນຕະລາຍຈາກຟ້າຜ່າ
ວິທີປ້ອງກັນຕົວຂະນະຢູ່ບ້ານ
1. ໃຫ້ນຳສັດລ້ຽງເຂົ້າເຮືອນທັນທີເພາະເຮືອນສັດລ້ຽງທຸກຊະນິດບໍ່ສາມາດປ້ອງກັນຟ້າຜ່າໄດ້ແລະປອກຄໍສັດສ່ວນໃຫຍ່ກໍເປັນສື່ລໍ້ຟ້ານຳ
2. ປິດປະຕູກັບປ່ອງຍ້ຽມທຸກບ່ອນໃຫ້ດີແລະພະຍາຍາມຢູ່ຫ່າງປະຕູປ່ອງຍ້ຽມເອົາໄວ້
3. ງົດໃຊ້ອຸປະກອນໄຟຟ້າແລະອຸປະກອນທີ່ເຮັດມາຈາກໂລຫະໃນລະຫວ່າງທີ່ມີລົມພະຍຸ ຟ້າຮ້ອງ ເພາະກະແສໄຟອາດແລ່ນເຂົ້າສູ່ຮ່າງກາຍນອກຈາກນີ້ບໍ່ຄວນຍືນຫລືສຳຜັດຝາຄອນກີດເນື່ອງຈາກຝາຄອນກີດສ່ວນໃຫຍ່ມີໂຄງສ້າງພາຍໃນທີ່ເປັນສື່ນຳໄຟຟ້າ
4. ໃນລະຫວ່າງທີ່ມີລົມພາຍຸຝົນຄວນຢູ່ໃນເຮືອນຕະຫລອດແລະຫາກຕ້ອງການຈະອອກຈາກເຮືອນຄວນລໍຫລັງຝົນຢຸດແລ້ວ 30 ນາທີເພື່ອລຸດຄວາມສ່ຽງຈາກເຫດຟ້າຜ່າທີ່ມາກັບລົມພາຍຸຝົນ
ວິທີປ້ອງກັນຕົວເມື່ອຢູ່ນອກບ້ານ
1. ຫລົບເຂົ້າຫລັງຄາທັນທີ ບໍ່ຄວນລີລໍຫລືຊະລ່າໃຈລໍໃຫ້ເກີດຟ້າຜ່າກ່ອນແລ້ວຄ່ອຍຫາບ່ອນຫລົບ ເພາະເກີດອັນຕະລາຍຈາກຟ້າຜ່າໄດ້ສະເໝີຫລີກລ້ຽງການຫລົບຟ້າຝົນກ້ອງຕົ້ນໄມ້ຫລືອາຄານຂະໜາດນ້ອຍໆເຊັ່ນຫ້ອງນ້ຳສາທາລະນະຫລືມີພຽງກັນສາດກັນຝົນເນື່ອງຈາກໂຄງສ້າງປະເພດນີ້ບໍ່ສາມາດປ້ອງກັນຟ້າຜ່າໄດ້ອີກທັງອາດໄດ້ຮັບອັນຕະລາຍເມື່ອຕົ້ນໄມ້ຫລືໂຄງສ້າງຫັກລົງມານຳ
2. ຫລີກລ້ຽງຈາກແຫລ່ງນ້ຳເຊັ່ນສະລອຍຫລືໜອງນ້ຳຫາກຢູ່ໃນນ້ຳຂະນະມີພາຍຸຝົນໃຫ້ຮີບຂຶ້ນຈາກນ້ຳທັນທີບໍ່ເຊັ່ນນັ້ນອາດໄດ້ຮັບອັນຕະລາຍໃນຂະນະທີ່ມີພາຍຸຝົນ
3. ເມື່ອຕ້ອງຫລົບຝົນຮ່ວມກັບຜູ້ອື່ນຄວນຮັກສາໄລຍະຫ່າງແຕ່ລະຄົນໄວ້ປະມານ 15.2-30.5 ແມັດ ເພື່ອປ້ອງກັນບໍ່ໃຫ້ກະແສໄຟແລ່ນເຂົ້າສູ່ຮ່າງກາຍຄົນຮອບຂ້າງເມື່ອມີຄົນໂດນຜ່າຟ້າ