spot_img
Homeຄວາມຮູ້ກ່ຽວກັບ AECແຮງງານລາວກຽມພ້ອມຫຍັງແດ່ ເພື່ອເຂົ້າເອອີຊີທ້າຍປີນີ້?

ແຮງງານລາວກຽມພ້ອມຫຍັງແດ່ ເພື່ອເຂົ້າເອອີຊີທ້າຍປີນີ້?

Published on

c75121f9-fa00-43f7-8594-5b51f8855539

ເອອີຊີ (AEC) ຫຍໍ້​ມາຈາກ​ຄໍາສັບ​ພາສາ​ອັງກິດ​ວ່າ ASEAN Economic Com munity ເຊິ່ງມີຄວາມ​ຫມາຍ​ແປເປັນ​ພາສາລາວ​ວ່າ: ປະຊາ​ຄົມ​ເສດຖະກິດອາ​ຊຽນ, ເອ​ອີ​ຊີ ຫຼື ປະຊາ​ຄົມ​ເສດຖະ​ກິດ​ອາ​ຊຽນ​ ແມ່ນ​ໜຶ່ງ​ໃນ​ຜົນສຳເລັດ​ແຫ່ງ​ການເຊື່ອມໂຍງ ເຊິ່ງຈະ​ພ້ອມ​ກັນປະຕິ​ຮູບ​ອາ​ຊຽນ​ໃຫ້​ເປັນ​ພາກພື້ນ​ທີ່​ຫມັ້ນຄົງ, ອຸດົມ​ຮັ່ງມີ ແລະ ສາມາດ​ແຂ່ງຂັນ​ໄດ້​ສູງ​ພຽບພ້ອມ​ໄປ​ດ້ວຍ​ການ​ພັດທະນາທາງ​ດ້ານ​ເສດຖະກິດ​ຢ່າງ​ເທົ່າທຽມ​ກັນ, ຫລຸດຜ່ອນ​ຄວາມທຸກ​ຈົນ ແລະ ຄວາມ​ແຕກ​ຕ່າງກັນ​ທາງ​ດ້ານ​ເສດຖະກິດŒ-ສັງຄົມ.

ຕໍ່ໜ້າສະພາບດັ່ງກ່າວ, ເອ​ອີ​ຊີ ຈະ​ສ້າງ​ໃຫ້​ອາ​ຊຽນເປັນ​ຕະຫລາດ ແລະ ຖານ​ການຜະລິດ​ຫນຶ່ງ​ດຽວ​ເຮັດ​ໃຫ້​ອາຊຽນ​ມີ​ຄວາມ​ຄ່ອງ​ແຄ້ວ​ໃນ​ການແຂ່ງຂັນ​ດ້ວຍ​ກົນ​ໄກ ແລະ ມາດຕະການ​ໃຫມ່​ຕ່າງໆ​ ເພື່ອ​ໃຫ້ການຈັດ​ຕັ້ງ​ປະຕິບັດ​ຂໍ້​ລິ​ເລີ່ມ​ຕ່າງໆທີ່​ຍັງ​ຄົງ​ຄ້າງ, ໃຫ້​ເຂັ້ມແຂງຊ່ວຍ​ໃຫ້ການ​ເຊື່ອມ​ໂຍງ​ທາງດ້ານ​ເສດຖະກິດ​ໃນ​ຂະແຫນງການ​ທີ່​ເປັນ​ບຸລິມະສິດ​ໄວ​ຂຶ້ນ, ສົ່ງເສີມ​ການເຄື່ອນໄຫວ​ໃຫ້​ແກ່ນັກທຸລະກິດ, ສີມື​ແຮງ​ງານ ແລະ ຜູ້​ມີ​ພອນ​ສະຫວັນ, ໃຫ້​ກົນ​ໄກ​ສະຖາ​ບັນ​ຂອງ​ອາ​ຊຽນ​ເຂັ້ມແຂງໃນ​ບາດກ້າວ​ທຳ​ອິດ ​ເພື່ອ​ກ້າວໄປ​ເຖິງ​ການ​ບັນລຸ​ປະຊາ​ຄົມ​ເສດຖະ​ກິດ​ອາ​ຊຽນ.

ອີງຕາມຂໍ້ມູນຈາກສະກຸ໊ບ (ລາຍງານພິເສດ) ຂອງໜັງສືພິມເສດຖະກິດ-ການຄ້າ ສະບັບປະຈໍາວັນພະຫັດ ທີ 26 ມີນາ 2015 ໃຫ້ຮູ້ວ່າ: ກະຊວງແຮງງານ ແລະ ສະຫວັດດີການສັງຄົມ ໄດ້ວາງທິດທາງ ແລະ ຄາດໝາຍສູ້ຊົນ ໃນໄລຍະ 5 ປີ (2016-2020) ໄວ້ ໂດຍໄດ້ຕັ້ງເປົ້າໝາຍທີ່ຈະສ້າງລະບົບຂໍ້ມູນ-ຂ່າວສານຕະຫຼາດແຮງງານ ເພື່ອເປັນບ່ອນອີງໃຫ້ແກ່ການສ້າງແຜນການ ແລະ ດັດສົມມະຫາພາກດ້ານແຮງງານ; ສ້າງລະບົບການພັດທະນາສີມືແຮງງານ ທີ່ປະກອບດ້ວຍການສ້າງມາດຕະຖານສີມືແຮງງານ, ຫຼັກສູດການຝຶກສີມືແຮງງານ, ການທົດສອບ, ການອອກໃບຢັ້ງຢືນ ແລະ ການແຂ່ງຂັນສີມືແຮງງານ ດ້ວຍການມີສ່ວນຮ່ວມ ຂອງຫົວໜ່ວຍແຮງງານ ແລະ ສັງຄົມ.

ກະຊວງແຮງງານ ແລະ ສະຫວັດດີການສັງຄົມ ຍັງຈະໄດ້ສ້າງ ແລະ ປັບປຸງຕາໜ່າງການບໍລິການຈັດຫາງານໃຫ້ເຂັ້ມແຂງ ແລະ ຫຼາຍຮູບແບບ, ນອກຈາກນັ້ນ ກໍຍັງຈະໄດ້ສ້າງ ແລະ ສົ່ງເສີມສາຍພົວພັນແຮງງານ ຕາມລະບຽບກົດໝາຍ (ກົດໝາຍວ່າດ້ວຍແຮງງານ ແຫ່ງ ສປປ ລາວ) ເພື່ອຮັບປະກັນເງື່ອນໄຂການອອກແຮງງານທີ່ເໝາະສົມ, ປັບປຸງແກ້ໄຂບັນຫາ, ໄກ່ເກ່ຍຂໍ້ຂັດແຍ່ງແຮງງານ ແລະ ກົນໄກການຈັດຕັ້ງປະຕິບັດລະບຽບກົດໝາຍດ້ານແຮງງານໃຫ້ເຂັ້ມແຂງ ເພື່ອປົກປ້ອງສິດ ແລະ ຜົນປະໂຫຍດລະຫວ່າງຂອງຜູ້ອອກແຮງງານ (ລູກຈ້າງ) ກັບຜູ້ໃຊ້ແຮງງານ (ນາຍຈ້າງ).

ແນວໃດກໍຕາມ, ໃນລາຍງານດັ່ງກ່າວ ຍັງໄດ້ລະບຸໃຫ້ຮູ້ຕື່ມອີກວ່າ: ເພື່ອເປັນການຮອງຮັບການເຂົ້າສູ່ເອອີຊີໃນທ້າຍປີ 2015 ນີ້, ກະຊວງແຮງງານ ແລະ ສະຫວັດດີການສັງຄົມ ໄດ້ເລັ່ງສ້າງລະບົບການພັດທະນາສີມືແຮງງານ ເພື່ອຮອງຮັບການເຄື່ອນຍ້າຍແຮງງານເສລີໃນຍຸກແຫ່ງການເຊື່ອມໂຍງເອອີຊີ ເຊິ່ງເປັນບົດທ້າທາຍທົດສອບທີ່ສໍາຄັນຕໍ່ແຮງງານລາວ, ໃນນັ້ນ ໄດ້ປັບອັດຕາແຮງງານຂັ້ນຕໍ່າໃໝ່ໃນຮອບ 3 ປີ ທີ່ສະພາແຫ່ງຊາດຕົກລົງອະນຸມັດໃນທ້າຍປີ 2014 ທີ່ຜ່ານມາ ແລະ ຈະເລີ່ມປະຕິບັດຕົວຈິງໃນຕົ້ນເດືອນເມສາ 2015 ນີ້ ຈາກເດີມ 626.000 ກີບ ($78) ເປັນ 900.000 ກີບ ($112) ຫຼືເພີ່ມຂຶ້ນປະມານ 44%.

ຂໍສະແດງຄວາມຍິນດີນໍາມະນຸດເງິນເດືອນທັງຫຼາຍ ກໍຄືແຮງງານລາວໃນທົ່ວປະເທດ ທີ່ຈະໄດ້ຮັບເງິນເດືອນ (ຄ່າແຮງງານ) ຂັ້ນຕໍ່າເດືອນໜຶ່ງບໍ່ຫຼຸດ 900.000 ກີບ. ທີ່ເວົ້າແນວນີ້ ນັ້ນກໍໝາຍຄວາມນາຍຈ້າງ ຫຼືຜູ້ໃຊ້ແຮງງານທັງຫຼາຍ ຕ້ອງໄດ້ເພີ່ມເງິນເດືອນໃຫ້ລູກຈ້າງ ກໍຄືຜູ້ອອກແຮງງານຂອງຕົນ ຢ່າງຕໍ່າໃນຂັ້ນພື້ນຖານ ບໍ່ໃຫ້ໜ້ອຍກວ່າ 900.000 ກີບ (ສໍາລັບໜ້າວຽກ ຫຼືຕໍາແໜ່ງງານຕໍ່າສຸດ) ເຊິ່ງນີ້ອາດເປັນການຍົກລະດັບຊີວິດການເປັນຢູ່ຂອງປະຊາຊົນ ຄົນເຮັດວຽກ ຂາຍແຮງງານ ເພື່ອລ້ຽງຊີບຂອງຕົນ ໃຫ້ດີຂຶ້ນກວ່າເກົ່າ ເຖິງວ່າຈະບໍ່ຢູ່ໃນລະດັບທີ່ດີຫຼາຍ ສົມຄູ່ກັບຄ່າຄອງຊີບໃນສັງຄົມປັດຈຸບັນທີ່ສູງ, ແຕ່ກໍຍັງຖືວ່າຢູ່ໃນເກນທີ່ພໍສາມາດຈະແກ້ໄຂຄວາມຝືດເຄືອງຂອງຊີວິດປະຈໍາວັນໄດ້ສ່ວນໃດສ່ວນໜຶ່ງ.

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...