spot_img
Homeຂ່າວຕ່າງປະເທດຕັດສິນແລ້ວ! ສານຈີນຈຳຄຸກຕະຫລອດຊີວິດ ໂຈວ ຢົງຄັ່ງ ອະດີດກົມການເມືອງ ພັກກອມມູນິດຈີນ ຄະດີຮັບສິນບົນ!

ຕັດສິນແລ້ວ! ສານຈີນຈຳຄຸກຕະຫລອດຊີວິດ ໂຈວ ຢົງຄັ່ງ ອະດີດກົມການເມືອງ ພັກກອມມູນິດຈີນ ຄະດີຮັບສິນບົນ!

Published on

EyWwB5WU57MYnKOuXxxBnHTAKaxqclFJAc9pkK9XLN51bQSjslOPP9

ສານປະຊາຊົນຈີນ ຕັດສິນຕັດອິດສະຫລະພາບຕະຫລອດຊີວິດ ທ່ານ ໂຈວ ຢົງຄັ່ງ ອະດີດກຳມະການກົມການເມືອງສູນກາງພັກກອມມູນິດຈີນ ໂທດຖານຮັບສິນບົນ ໃນຊ່ວງຢູ່ໃນອຳນາດ.

ສຳນັກຂ່າວຕ່າງປະເທດ ລາຍງານໃນວັນທີ 12 ມິຖຸນານີ້ວ່າ ທ່ານ ໂຈວ ຢົງຄັ່ງ ອາຍຸ 72 ປີ ອະດີດກຳມະການກົມການເມືອງສູນກາງພັກກອມມູນິດຈີນ ໄດ້ຖືກສານປະຊາຊົນກາງ ໃນເມືອງທຽນຈິນ ທາງພາກຕາເວັນອອກສຽງເໜືອຂອງຈີນ ພິພາກສາຕັດອິດສະຫລະພາບຕະຫລອດຊີວິດ ໂທດຖານກະທຳຄວາມຜິດ ໃນຄະດີຮັບສິນບົນ ລວມທັງໃຊ້ອຳນາດໜ້າທີ່ບໍ່ຖືກຕ້ອງ ແລະ ເຈຕະນາເປີດເຜີຍຄວາມລັບຂອງຊາດ.

ແຫລ່ງຂ່າວໄດ້ລາຍງານວ່າ ສະຖານີໂທລະພາບທ້ອງຖິ່ນຂອງຈີນ ໄດ້ທຳການເຜີຍແຜ່ວີດີໂອການຕັດສິນຄະດີດັ່ງກ່າວ ໃນມື້ວານນີ້ (11 ມິຖຸນາ) ໂດຍລະບຸວ່າ ທ່ານ ໂຈວ ຢົງຄັ່ງ ໄດ້ຮັບສາລະພາບຜິດໃນທຸກຂໍ້ກ່າວຫາຕໍ່ຜູ້ພິພາກສາ ແລະ ເຂົາຍັງໄດ້ບອອກອີກວ່າ ຈະບໍ່ຂໍຍື່ນຄຳອຸທອນຕໍ່ຄຳຕັດສິນຂອງສານໃດໆ ທ່ານໄດ້ກ່າວວ່າ ” ຂ້າພະເຈົ້າເຂົ້າໃຈດີເຖິງອັນຕະລາຍ ຈາກສິ່ງທີ່ຂ້າພະເຈົ້າໄດ້ເຮັດຕໍ່ພັກ ແລະ ປະຊາຊົນ ຂ້າພະເຈົ້າຂໍສາລະພາບຜິດ ແລະ ຂໍສະແດງຄວາມເສຍໃຈ ຕໍ່ຄວາມຜິດທາງອາຍາທີ່ຂ້າພະເຈົ້າໄດ້ກະທຳໄວ້ ”

ທັງນີ້ ຕາມການລາຍງານຂອງສຳນັກຂ່າວຊິນຫົວຂອງຈີນ ໄດ້ລະບຸວ່າ ທ່ານ ໂຈວ ຢົງຄັ່ງ ຮັບເງິນສົນບິນລວມທັງໝົດເຖິງ 130 ລ້ານຢວນ ຫລື ປະມານ 21.3 ລ້ານໂດລາ ໃນໄລຍະເວລາ 7 ປີທີ່ເຂົາຢູ່ໃນຕຳແໜ່ງ, ຢ່າງໃດກໍຕາມ ຊັບສິນທີ່ເຂົາໄດ້ມາໂດຍບໍ່ຖືກຕ້ອງເຫລົ່ານີ້ ໄດ້ຖືກຍຶດຄືນມາເປັນຂອງລັດ ໂດຍທາງການໄດ້ຍຶດຊັບສິນຂອງຄອບຄົວ ທ່ານ ໂຈວ ຢົ່ງຄັ່ງ ລວມທັງໝົດເຖິງ 90,000​ ລ້ານຢວນ ຫລື ປະມານ 140,000 ລ້ານໂດລາ.

ທ່ານ ໂຈວ ຢົ່ງຄັ່ງ ໄດ້ອອກຮັບເບ້ຍບຳນານໃນປີ 2012 ແລະ ຕໍ່ມາເຂົາກໍຕ້ອງຖືກທາງການຕັ້ງຂໍ້ກ່າວຫາກ່ຽວກັບຄະດີດັ່ງກ່າວ ເມື່ອທ່ານ ສີ ຈິ້ນຜິງ ໄດ້ກ້າວຂຶ້ນມາຮັບຕຳແໜ່ງເລຂາທິການໃຫຍ່ພັກ ແລະ ປະທານປະເທດຈີນຄົນໃໝ່.

NjpUs24nCQKx5e1D7Rv6ROfBnOBsbqPreo6wzr9raa2

ບົດຄວາມຫຼ້າສຸດ

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...