spot_img
Homeຂ່າວທ້ອງຖິ່ນສຶກສາອົບຮົມສາວບໍລິການ ແລະ ເຈົ້າຂອງຮ້ານ ຢູ່ ເມືອງສີໂຄດຕະບອງ ແລະ ເມືອງນາຊາຍທອງ ນະຄອນຫຼວງວຽງຈັນ

ສຶກສາອົບຮົມສາວບໍລິການ ແລະ ເຈົ້າຂອງຮ້ານ ຢູ່ ເມືອງສີໂຄດຕະບອງ ແລະ ເມືອງນາຊາຍທອງ ນະຄອນຫຼວງວຽງຈັນ

Published on

ເຈົ້າໜ້າທີ່ລົງກວດກາສຶກສາອົບຮົມສາວບໍລິການ 33 ຄົນ ແລະ ເຈົ້າຂອງຮ້ານ 04 ຄົນ ຢູ່ ບ້ານໜອງແຕ່ງເໜືອ, ບ້ານວຽງຄຳ, ບ້ານດົງນາໂຊກ, ເມືອງສີໂຄດຕະບອງ ແລະ ບ້ານກາງແສນ, ບ້ານອີໄລເໜືອ, ເມືອງນາຊາຍທອງ, ນະຄອນຫຼວງວຽງຈັນ

ວັນທີ 19 ສິງຫາ 2025 ທີ່ຜ່ານມາ, ເຈົ້າໜ້າທີ່ພະແນກຕຳຫຼວດ ສະກັດກັ້ນຕ້ານການຄ້າມະນຸດ, ຫ້ອງຕຳຫຼວດ, ກອງບັນຊາການ ປກສ ນະຄອນຫລວງວຽງຈັນ ສົມທົບກັບຄະນະລົງຊຸກຍູ້, ຕິດຕາມ, ກວດກາ, ແກ້ໄຂປະກົດການຫຍໍ້ທໍ້ຂອງກົມຕຳຫຼວດສະກັດກັ້ນ ແລະ ຕ້ານການຄ້າມະນຸດ ກົມໃຫ່ຍຕຳຫຼວດ ກະຊວງປ້ອງກັນຄວາມສະຫງົບ ໄດ້ລົງກວດກາ, ຮ້ານອາຫານ, ຮ້ານກິນດື່ມ ທີ່ມີການເຄື່ອນໄຫວແອບແຝງ ຄ້າປະເວນີ ຂອງບຸກຄົນອື່ນ ແລະ ການຂາຍປະເວນີ ຊຶ່ງຕັ້ງຢູ່ ບ້ານໜອງແຕ່ງເໜືອ, ບ້ານວຽງຄຳ, ບ້ານດົງນາໂຊກ, ເມືອງສີໂຄດຕະບອງ ແລະ ບ້ານກາງແສນ, ບ້ານອີໄລເໜືອ ເມືອງນາຊາຍທອງ ນະຄອນຫຼວງວຽງຈັນ; ເຈົ້າໜ້າທີ່ ຈຶ່ງໄດ້ນຳຕົວເອົາຍິງສາວບໍລິການຂາຍປະເວນີ ຢູ່ພາຍໃນຮ້ານທັງໜົດຈຳນວນ 33 ຄົນ ແລະ ເຈົ້າຂອງຮ້ານ 04 ຄົນ, ຍິງ 03 ຄົນ ມາສືບສວນ-ສອບສວນ ຕາມຂັ້ນຕອນຂອງກົດໝາຍ.

ຜ່ານການສືບສວນ-ສອບສວນ ພວກກ່ຽວ ໄດ້ໃຫ້ການຮັບສາລະພາບ ຕໍ່ເຈົ້າໜ້າທີ່ວ່າ: ໄດ້ເຊົ່າສະຖານທີ່ ແລ້ວໄດ້ເປີດຮ້ານກິນດື່ມ, ຂາຍເບຍ ຈາກນັ້ນໄດ້ຮັບເອົາຍິງສາວບໍລິການມາປະຈຳຢູ່ຮ້ານ ເພື່ອຂາຍເບຍ ແລະ ຂາຍປະເວນີໃຫ້ກັບແຂກ ຊິງຢູ່ຮ້ານຂາຍເບຍແກ້ວລະ 35,000 ກີບ ແລະ ໃຫ້ເປີເຊັນຂາຍເບຍຕໍ່ຍິງສາວບໍລິການຈຳນວນ 5000 ກີບ ຕໍ່ແກ້ວ, ຍິງສາວບໍລິການແຕ່ລະຄົນຢູ່ຮ້ານຂອງພວກຕົນມີໜ້າທີ່ຮັບແຂກເພື່ອຂາຍປະເວນີໃຫ້ກັບແຂກທຸກຄົນ,ການຂາຍປະເວນີຂອງຍິງສາວບໍລິການ ແຕ່ລະຄົນທີ່ມາບໍລິການ ຊົ່ວຄາວແມ່ນ 300,000 ກີບ ຕໍ່ຄົນຕໍ່ຄັ້ງ, ຄ້າງຄືນ 800,000 ກີບ ຕໍ່ຄົນຕໍ່ຄັ້ງ, ຖ້າສາວບໍລິການຄົນໃດຫາກໄດ້ຂາຍປະເວນີຊົ່ວຄາວ ເຈົ້າຂອງຮ້ານຈະໄດ້ຫັກເອົາເງີນນຳຍິງສາວບໍລິການຈຳນວນ 100,000ກີບ, ຄ້າງຄືນ 200,000 ກີບ ຕໍ່ຄົນຕໍ່ຄັ້ງ ເພື່ອເປັນເງີນຄ່າອອກຮ້ານ, ສ່ວນສະຖານທີ່ນອນເສບສົມກັບແຂກຊົ່ວຄາວແມ່ນນອນເສບສົມຢູ່ຮ້ານເລີຍ, ຄ້າງຄືນແມ່ນອອກໄປເຊົ່ານອນຢູ່ຕາມເຮືອນພັກ ສ່ວນຄ່າກິນຢູ່ພັກເຊົາຂອງຍິງສາວບໍລິການແຕ່ລະຄົນ, ເຈົ້າຂອງຮ້ານຮັບຜິດຊອບທັງໝົດ.

ຕໍ່ກັບເຈົ້າຂອງຮ້ານກິນດື່ມ ແມ່ນໄດ້ສືກສາອົບຮົມ ແລະ ຂື້ນບັນຊີເປົ້າໝາຍຕິດຕາມ ຖ້າມີການກະທຳຜິດ ຫຼື ເຄື່ອນໄຫວໃນລັກສະນະດຽວກັນ, ຂອງກຸ່ມຄົນດັ່ງກ່າວແມ່ນຈະໄດ້ດຳເນີນຕາມລະບຽບກົດໝາຍ ຢ່າງເຂັ້ມງວດ ພ້ອມທັງໃຫ້ຢຸດເຊົາກ່ຽວກັບການເປີດຮ້ານ ກິດຈະການດັ່ງກ່າວ, ເພາະຜິດຕໍ່ລະບຽບກົດໝາຍ ສ່ວນສາວບໍລິການແມ່ນໄດ້ສືກສາອົບຮົມ ແລະ ສົ່ງກັບບ້ານໃຫ້ຜູ້ປົກຄອງສືບຕໍ່ສືກສາອົບຮົມຕໍ່ໄປ.

ແຫຼ່ງຂໍ້ມູນ: ປະຊາຮ່ວມໃຈຕ້ານໄພຄ້າມະນຸດ

ບົດຄວາມຫຼ້າສຸດ

ຝູງສິງໂຕລຸມກັດກິນເຈົ້າໜ້າທີ່ສວນສັດຈົນເສຍຊີວິດ ຂະນະທີ່ເພື່ອນຮ່ວມງານເປີດເຜີຍຜູ້ເສຍຊີວິດບໍ່ເຄີຍລະເມີດກົດລະບຽບມາກ່ອນ

ສະຫຼົດ! ຝູງໂຕສິງລຸມກັດກິນເຈົ້າໜ້າທີ່ສວນສັດຈົນເສຍຊີວິດ ທີ່ສວນສັດແຫ່ງໜຶ່ງໃນກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານ ວັນທີ 10 ກັນຍາ 2025 ຜ່ານມາ, ກ່ຽວກັບເຫດການສຸດສະຫຼົດ ເມື່ອເຈົ້າທີ່ດູແລສວນສັດ ຖືກຝູງໂຕສິງລຸມກັດກິນ ຢູ່ສວນສັດຊາຟາລີເວີດ ໃນກຸງເທບມະຫານະຄອນ...

ສະຫະລັດເດືອດ! ຊາລີ ເຄິກ ນັກເຄື່ອນໄຫວຜູ້ສະໜັບສະໜູນ ທຣຳ ຜູ້ນຳສະຫະລັດ ຖືກລັກລອບຍິງເສຍຊີວິດ

ຊາລີ ເຄິກ ນັກເຄື່ອນໄຫວຜູ້ສະໜັບສະໜູນ ທຣຳ ຜູ້ນຳສະຫະລັດ ຖືກລັກລອບຍິງເສຍຊີວິດ ໃນຂະນະຮ່ວມງານໃນມະຫາວິທະຍາໄລ ຍູທາ. ສຳນັກຂ່າວ ບີບີຊີ ລາຍງານ ໃນວັນທີ 11 ກັນຍາ 2025...

ລາວກຽມພ້ອມພັດທະນາ ແບບຈຳລອງປັນຍາປະດິດ ເພື່ອໃຫ້ AI ປະມວນຜົນພາສາລາວໄດ້ຢ່າງຖືກຕ້ອງ

ເພື່ອພັດທະນາກໍ່ສ້າງແບບຈໍາລອງປັນຍາປະດິດຂະໜາດໃຫຍ່ ສໍາລັບ ສປປ ລາວ ແລະ ກໍ່ສ້າງຖານຂໍ້ມູນພາສາລາວໃຫ້ຄົບຖ້ວນ, ຖືກຕ້ອງ, ຊັດເຈນ ແລະ ສາມາດນໍາໃຊ້ເປັນພື້ນຖານສໍາລັບ AI ແລະ ການນໍາໃຊ້ດີຈີຕອນໃນ ສປປ...

ສຳປະທານເນື້ອທີ່ 500 ເຮັກຕາ ໃຫ້ແກ່ນັກລົງທຶນ ຢູ່ເມືອງໂພນໂຮງ ແຂວງວຽງຈັນ ມູນຄ່າ 700 ລ້ານໂດລາ ເພື່ອພັດທະນາໃຫ້ເປັນແຫຼ່ງທ່ອງທ່ຽວ

ໃນວັນທີ 5 ກັນຍາ 2025 ທີ່ຜ່ານມາ, ໄດ້ມີພິທີລົງນາມສໍາປະທານເນື້ອທີ່ດິນ 500 ກວ່າເຮັກຕາ ຢູ່ເມືອງໂພນໂຮງ ແຂວງວຽງຈັນ ລະຫວ່າງ ລັດຖະບານ ສປປ ລາວ...