spot_img
Homeຂ່າວຕ່າງປະເທດສະຫຼຸບການປະຊຸມທະວີພາຄີຄັ້ງປະຫວັດສາດ ທຣຳ-ປູຕິນ ຄັ້ງທຳອິດໃນຮອບ 10 ປີ

ສະຫຼຸບການປະຊຸມທະວີພາຄີຄັ້ງປະຫວັດສາດ ທຣຳ-ປູຕິນ ຄັ້ງທຳອິດໃນຮອບ 10 ປີ

Published on

ສະຫຼຸບການປະຊຸມທະວີພາຄີຄັ້ງປະຫວັດສາດ ທຣຳ-ປູຕິນ ຄັ້ງທຳອິດໃນຮອບ 10 ປີໃນແຜ່ນດິນສະຫະລັດ ທີ່ອາລາສກາ ເຊິ່ງການປະຊຸມຄັ້ງນີ້ຍັງບໍ່ມີການບັນລຸຂໍ້ຕົກລົງກັນ ແຕ່ການເຈລະຈາເປັນໄປໄດ້ດ້ວຍດີ ແລະ ມີຄວາມຄືບໜ້າ ເຊິ່ງທ່ານ ໂດນັລ ທຣຳ ກຽມໂທຫາ ຜູ້ນຳຍູເຄຣນ-ນາໂຕ ເຊິ່ງອາດຈະມີການເຈລະຈາກັນໃນຮອບຕໍ່ໄປ.

ການປະຊຸມສຸດຍອດລະຫວ່າງ ທ່ານ ໂດນັລ ທຣຳ ປະທານາທິບໍດີສະຫະລັດ ແລະ ທ່ານ ວາລາດິເມຍ ປູຕິນ ປະທານາທິບໍດີ ແຫ່ງສະຫະພັນຣັດເຊຍ ຕາມການລາຍງານຂອງ BBC ລະບຸວ່າ: ການຖະແຫຼງຂ່າວໃຊ້ເວລາປະມານ 10 ນາທີ, ເຊິ່ງທັງຄູ່ລະບຸວ່າ: ມີຄວາມຄືບໜ້າໃນການເຈລະຈາກັນ ແຕ່ສຸດທ້າຍກໍສາມາດບັນລຸຂໍ້ຕົກລົງທີ່ຊັດເຈນໄດ້.

CNN ລາຍງາຍວ່າ: ລັດຖະມົນຕີກະຊວງການເງິນຂອງຣັດເຊຍ ແລະ ຜູ້ແທນເຈລະຈາເສດຖະກິດອາວຸໂສ ແລະ ຫົວໜ້າກອງທຶນຄວາມໝັ້ນຄົງແຫ່ງຊາດຣັດເຊຍ ເປັນໜຶ່ງໃນຜູ້ເຂົ້າຮ່ວມການເຈລະຈາ ກັບ ທ່ານ ປູຕິນ ອີກດ້ວຍ.

ປະເດັນສຳຄັນຈາກການຖະແຫຼງຂອງ ທ່ານ ໂດນັລ ທຣຳ ປະທານາທິບໍດີແຫ່ງສະຫະລັດ ລະບຸວ່າ: ໄດ້ບັນລຸຄວາມຄືບໜ້າບາງປະການ ແລະ ມີຄວາມກ້າວໜ້າຫຼາຍ ໃນການປະຊຸມທະວີພາຄິຄັ້ງນີ້ ມີການຕົກລົງກັນໃນຫຼາຍປະເດັນ ແຕ່ປະເດັນທີ່ສຳຄັນອີກໜຶ່ງປະເດັນຍັງຢູ່ໃນຂັ້ນຕອນການເຈລະຈາກັນຢູ່ ໂດຍບໍ່ໄດ້ລະບຸວ່າແມ່ນປະເດັນຫຍັງ?

ຜູ້ນຳສະຫະລັດກ່າວອີກວ່າ: ເຂົາຈະຕິດຕໍ່ຫາອົງການສົນທິສັນຍາປ້ອງກັນແອດແລນຕິກເໜືອ (ນາໂຕ) ແລະ ເຊິ່ງແນ່ນອນລວມເຖິງ ທ່ານ ໂວໂລດີມີ ເຊເລນສະກີ ປະທານາທິບໍດີຍູເຄຣນ ເພື່ອແຈ້ງກ່ຽວກັບການປຶກສາຫາລືໃນຄັ້ງນີ້ດ້ວຍ.

ສ່ວນປະເດັນສຳຄັນຈາກການຖະແຫຼງ ຂອງ ທ່ານ ວາລາດີເມຍ ປູຕິນ ປະທານາທິບໍດີແຫ່ງ ຣັດເຊຍ ລະບຸວ່າ: ການຖະແຫຼງໃນມື້ນີ້ເຮົາເຊື່ອວ່າເພື່ອໃຫ້ການຢຸດຕິຄວາມຂັດແຍ່ງເປັນໄປຢ່າງຢັ້ງຢືນ ແລະ ຍາວນານ ພວກເຮົາຈຳເປັນຕ້ອງໄດ້ທຳລາຍຮາກເຫງົ້າ ແລະ ສາເຫດຫຼັກຂອງຄວາມຂັດແຍ່ງນັ້ນ.

ຄວນຕ້ອງພິຈາລະນາເຖິງຄວາມກັງວົນທີ່ຖືກຕ້ອງຂອງຣັດເຊຍ ແລະ ຟື້ນຟູຄວາມສົມດຸນໝັ້ນຄົງ ທີ່ເປັນທຳໃນເອີຮົບ ແລະ ທົ່ວໂລກ ແລະ ເຫັນດີກັບ ທ່ານ ໂດນັລ ທຣຳ ຕາມທີ່ທ່ານກ່າວໄວ້ວ່າຄວນມີການຮັບປະກັນຄວາມໝັ້ນຄົງຂອງຍູເຄຣນເຊັ່ນດຽວກັນ.

ພ້ອມທັງເສີມອີກວ່າ: ແນ່ນອນວ່າເຮົາພ້ອມເຮັດວຽກໃນເລື່ອງນັ້ນ ແລະ ຫວັງວ່າຂໍ້ຕົກລົງທີ່ເຮົາໄດ້ບັນລຸຮ່ວມກັນຈະຊ່ວຍໃຫ້ເຮົາເຂົ້າໃກ້ເປົ້າໝາຍ ແລະ ຈະປູທາງໄປສູ່ສັນຕິພາບໃນຍູເຄຣນ.

ບົດຄວາມຫຼ້າສຸດ

ຝົນມໍລະສຸມ! ປາກີສະຖານປະເຊີນ ນ້ຳປ່າໄຫຼຊຸ ແລະ ດິນເຈື່ອນຖະຫຼົ່ມ ຫຼ້າສຸດມີປະຊາຊົນເສຍຊີວິດຢ່າງນ້ອຍ 344 ຄົນ.

ປາກີສະຖານປະເຊີນນ້ຳປ່າຖ້ວມຊຸ ແລະ ດິນຖະຫຼົ່ມ ເນື່ອງຈາກຝົນຕົກໜັກ ເຮັດໃຫ້ປະຊາຊົນເສຍຊີວິດຢ່າງນ້ອຍ 344 ຄົນ. ສຳນັກຂ່າວຕ່າງປະເທດລາຍງານໃນວັນທີ 17 ສິງຫາ 2025 ຜ່ານມານີ້ວ່າ: ປາກີສະຖານປະເຊີນກັບສະພາບຝົນຕົກໜັກຕໍ່ເນື່ອງເຮັດໃຫ້ເກີດນ້ຳປ່າໄຫຼຊຸ  ແລະ ດິນຖະຫຼົ່ມ...

ປະຊາຊົນຊາວມາເລເຊຍຮວມຕົວກັນຫຼາຍພັນຄົນ ເພື່ອຮຽກຮ້ອງຄວາມຍຸຕິທຳ ໃຫ້ຊາຣາ ທີ່ເສຍຊີວິດຢ່າງປິສະໜາ

#JusticeForZara ແຮັດແທັກ (hastag) ເຕັມສື່ສັງຄົມອອນລາຍໃນປະເທດມາເລເຊຍ ເພື່ອຮຽກຮ້ອງຄວາມຍຸຕິທຳໃຫ້ ຊາຣາ ເດັກຍິງອາຍຸ 13 ປີ ເສຍຊີວິດປິດສະໜາ, ທ່າມກາງຂ່າວລືວ່າ ຊາຣາ ເປັນເຫຍື່ອຈາກການຖືກບູລີ້ ແລະ...

ເສຍຊີວິດເວທີດຽວກັນ! ຂ່າວເສົ້າວົງການມວຍຍີ່ປຸ່ນ ເມື່ອ 2 ນັກຊົກຈາກແດນປາດິບເສຍຊີວິດຫຼັງຂຶ້ນຊົກມວຍ ໝໍເຜີຍເລືອດອອກໃນເຫຍື້ອຫຸ້ມສະໝອງ.

ວົງການມວຍຍີ່ປຸ່ນເສົ້າ! 2 ນັກຊົກມວຍເສຍຊີວິດເວທີດຽວກັນ ຫຼັງໄດ້ຮັບອາການບາດເຈັບ ໝໍເຜີຍເລືອດອອກໃນເຫຍື້ອຫຸ້ມສະໝອງ. ສຳນັກຂ່າວຕ່າງປະເທດລາຍງານເຫດການສຸດສະຫຼົດ ຂອງວົງການມວຍຍີ່ປຸ່ນ ໄດ້ເກີດເຫດການສຸດຊ໋ອກ ຫຼັງຈາກຊິເງໂຕຊິ ນັກຊົກອາຍຸ 28 ປີ ເສຍຊີວິດ ເມື່ອວັນສຸກ 8...

ສ ເກົາຫຼີ ມອບທຶນຈຳນວນ 6 ລ້ານໂດລາ ເພື່ອຂະຫຍາຍ ແລະ ປັບປຸງລະບົບນໍ້າປະປາ ກຳນົດຈັດຕັ້ງປະຕິບັດ 2025-2029

ລັດຖະບານ ສ ເກົາຫຼີສະໜອງທຶນຊ່ວຍເຫຼືອລ້າໂຄງການຂະຫຍາຍ ແລະ ປັບປຸງລະບົບນໍ້າປະປາຫຼັກຊາວ ເມືອງຄຳເກີດ ພິທີເຊັນບົດບັນທຶກການຮ່ວມມືໂຄງການຂະຫຍາຍ ແລະ ປັບປຸງລະບົບນໍ້າປະປາຫຼັກຊາວເມືອງຄຳເກີດ ແຂວງບໍລິຄຳໄຊ ລະຫວ່າງ ກະຊວງໂຍທາທິການ ແລະ ຂົນສົ່ງ (ຍທຂ)...