spot_img
Homeຂ່າວຕ່າງປະເທດໂຫດຮ້າຍ! ຊາຍຊາວຈີນຖືກປະຕິເສດຮ່ວມຮັກກັບສາວປະເພດສອງຈຶ່ງລົງມືຄາຕະກຳສຸດໂຫດ

ໂຫດຮ້າຍ! ຊາຍຊາວຈີນຖືກປະຕິເສດຮ່ວມຮັກກັບສາວປະເພດສອງຈຶ່ງລົງມືຄາຕະກຳສຸດໂຫດ

Published on

ຊາຍຊາວຈີນກໍ່ເຫດຄາຕະກຳສາວປະເພດສອງຢ່າງໂຫດຫ້ຽມ ທີ່ຈັງຫວັດຊົນບູລີ ປະເທດໄທ

ສຳນັກຂ່າວຕ່າງປະເທດລາຍງານໃນວັນທີ 26 ເມສາ 2025, ເຈົ້າໜ້າທີ່ຕຳຫຼວດເມືອງພັດທະຍາ  ໄດ້ຮັບແຈ້ງເຫດຄາຕະກຳ ພາຍໃນອາພາດເມັ້ນແຫ່ງໜຶ່ງ ຢູ່ອຳເພີບາງລະມຸງ ຈັງຫວັດຊົນບູລີ ຫຼັງໄດ້ຮັບແຈ້ງລາຍງານ ຈຶ່ງນຳກຳລັງກອງພິສູດຫຼັກຖານ ແລະ ເຈົ້າໜ້າທີ່ກູ້ໄພລົງທຳການກວດສອບ.

ຈຸດເກີດເຫດເປັນອາພາດເມັ້ນສູງ 4 ຊັ້ນເຄິ່ງ ເຊິ່ງກວດສອບຫ້ອງ 201 ພົບສົບສາວປະເພດສອງ (LGBTQ+) ຖືກຄາຕະກຳຢ່າງໂຫດຮ້າຍ ນອນຫງາຍຢູ່ຫ້ອງນ້ຳ ມີຮ່ອງຮອຍຂອງມີຄົມປາດໜ້າເອິກຈົນໄປຮອດທ້ອງ ເຮັດໃຫ້ຊິ້ນສ່ວນອາໄວຍະວະໄຫຼອອກມາ ດັ່ງນັ້ນເຈົ້າໜ້າທີ່ຈຶ່ງທຳການເກັບຫຼັກຖານຢ່າງລະອຽດ ຍັງພົບວ່າປອດທາງດ້ານຂວາບໍ່ເຫັນ ແລະ ຫົວໃຈຖືກຈົກອອກມາປະໄວ້ຢູ່ຂ້າງລຳຕົວ.

ຈາກການສອບຖາມຜູ້ດູແລອາພາດເມັ້ນດັ່ງກ່າວໄດ້ລະບຸວ່າ: ຫ້ອງທີ່ເກີດເຫດເປັນຫ້ອງທີ່ມີຊາຍຊາວຈີນອາໃສຢູ່ ຊື່ວ່າ: ທ້າວ ຕົງຢວນ ຟູ່ ( Mr.Tongyung Fu ) ອາຍຸ 42 ປີ ມາເປີດຫ້ອງພັກດັ່ງກ່າວ ເມື່ອຊ່ວງ 9 ໂມງເຊົ້າຂອງວັນທີ 25 ເມສາ 2025 ໂດຍຂໍເຊົ່າເປັນເວລາ 1 ອາທິດ ເຊິ່ງກ່ອນເກີດເຫດຄົນທີ່ນອນເຝົ້າອາພາດເມັ້ນແຈ້ງວ່າຫ້ອງພັກດັ່ງກ່າວເກີດການຜິດຖຽງກັນສຽງດັ່ງ ຈຶ່ງໄດ້ໄປເຕືອນ ກ່ອນຈະພົບສົບສາວປະເພດ 2 ນອນເສຍຊີວິດຢູ່ພາຍໃນຫ້ອງ ຂະນະທີ່ຊາວຈີນຜູ້ເຊົ່າຫ້ອງໄດ້ຫາຍຕົວໄປ ເຊິ່ງທາງອາພາດເມັ້ນໄດ້ກວດສອບເບິ່ງຈາກກ້ອງວົງຈອນປິດພົບວ່າ ບຸກຄົນດັ່ງກ່າວໄດ້ຍ່າງອອກທາງດ້ານຫຼັງ ພ້ອມກະເປົາເດີນທາງ.

ຫຼ້າສຸດທາງເຈົ້າໜ້າທີ່ຈຶ່ງໄດ້ທຳການອອກຕາມຫາຜູ້ກໍ່ເຫດຈົນໃນທີ່ສຸດກໍສາມາດຈັບຕົວໄດ້ຈຶ່ງທຳການສອບສວນ: ໂດຍຜູ້ກໍ່ເຫດຍອມຮັບສາລະພາບວ່າໃນຊ່ວງຕອນແລງຂອງວັນທີ 25 ເມສາ ຜ່ານມາ ໄປພົບຜູ້ຕາຍທີ່ເຂດພັດທະຍາໃຕ້ ໂດຍມີການແລກປ່ຽນວີແຊັດ ໂດຍບໍ່ຮູ້ວ່າຜູ້ຕາຍເປັນສາວປະເພດສອງ ຄິດວ່າເປັນຜູ້ຍິງແທ້ໆ ຈົນຕົກມາຮອດເວລາປະມານ 23:00 ໂມງຂອງວັນດຽວກັັນ ຜູ້ຕາຍຕິດຕໍ່ມາຫາແລ້ວນັດພົບກັນທີ່ອາພາດເມັ້ນຂອງຕົນ ຈຶ່ງໄດ້ທຳການຕົກລົງລາຄາຂໍຮ່ວມຮັກກັນຢູ່ທີ່ 8000 ບາດເຊິ່ງກໍໄດ້ຍອມຈ່າຍ ແຕ່ພໍຮອດເວລາຂຶ້ນຕຽງຜູ້ຕາຍບໍ່ຍອມ ແລະ ຂັດຂືນ ຈຶ່ງໄດ້ຂໍເງິນຄືນເຄິ່ງໜຶ່ງ ແຕ່ຜູ້ຕາຍບໍ່ຍອມຈຶ່ງເກີດມີປາກສຽງກັນ ແລະ ໄດ້ຕໍ່ສູ້ກັນຈົນມີບາດແຜເຕັມໜ້າ ແຖມຍັງຖືຜູ້ຕາຍຖີບຕົກຕຽງ ຈຶ່ງໄດ້ໂດດຂຶ້ນຄວ້ຳໂຕແລ້ວບີບຄໍຈົນເສຍຊີວິດ ຈາກນັ້ນຈຶ່ງລາກສົບໄປໄວ້ຫ້ອງນ້ຳແລ້ວໃຊ້ມີດຕັດປາດເອົາຊີລີໂຄນຢູ່ໜ້າເອິກທັງ 2 ເບື້ອງອອກມາ ຂະນະນັ້ນຮູ້ສຶກຢາກຫຼິ້ນກັບສົບຜູ້ຕາຍຈຶ່ງໃຊ້ມີດຕັດປາດແຕ່ຄໍຈົນຮອດອາໄວຍະວະເພດ ແລະ ຕັດຫົວໃຈອອກມາ ຈາກນັ້ນຈຶ່ງໄດ້ລ້າງສົບ ແລ້ວຖິ້ມໄວ້ໃນຫ້ອງນ້ຳແລ້ວກັບມານອນຕາມປົກກະຕິ ພໍຕື່ນກໍໄດ້ຈອງປີ້ຍົນເພື່ອຈະເດີນທາງກັບປະເທດຈີນ.

ທາງດ້ານເຈົ້າໜ້າທີ່ຍັງຈະໄດ້ທຳການທັນນະສູດສົບຂອງຜູ້ຕາຍເນື່ອງຈາກມີອາໄວຍະວະບາງສ່ວນທີ່ຫາຍໄປ ແລະ ຈະໄດ້ນຳຕົວຜູ້ກ່ຽວມາທົດສະກຳເຫດການຄືນ ແລະ ດຳເນີນຄະດີຕາມກົດໝາຍຕໍ່ໄປ.

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...