ມີຜູ້ເສຍຊີວິດຢ່າງນ້ອຍ 40 ຄົນ ຫຼັງຈາກມີລາຍງານການເກິີດພາຍຸຝຸ່ນ ໄຟປ່າ ແລະ ພາຍຸທຳນາໂດຫຼາຍລູກພັດຖະຫຼົ່ມ ພຶ້ນທີ່ພາກກາງ-ໃຕ້ ຂອງສະຫະລັດ.
ສຳນັກຂ່າວຕ່າງປະເທດລາຍງານໃນວັນທີ 17 ມີນາ 2025 ນີ້ວ່າ: ມີຜູ້ເສຍຊີວິດຢ່າງນ້ອຍ 40 ຄົນ ຈາກການເກີດພາຍຸຝຸ່ນ ໄຟປ່າ ແລະ ພາຍຸທໍນາໂດຫຼາຍລູກພັດຖະຫຼົ່ມທາງພາກກາງຂອງສະຫະລັດ, ເຊິ່ງທາງລັດມິສຊູລີ ເປັນລັດທີ່ໄດ້ຮັບຜົນກະທົບຈາກພາຍຸທໍນາໂດ ເຊິ່ງເລີ່ມກໍຕົວໃນວັນສຸກຜ່ານມາ 14 ມີນາ 2025 ໂດຍມີຜູ້ເສຍຊີວິດຢ່າງນ້ອຍ 12 ຄົນ, ນອກຈາກນັ້ນ ກະແສລົມແຮງໃນລັດແທັກຊັສ ແລະ ແຄນຊັສ ເຮັດໃຫ້ເກີດພາຍຸ ສົ່ງຜົນໃຫ້ລົດຕຳກັນ ແລະ ມີຜູ້ເສຍຊີວິດ 12 ຄົນ.
ສະພາບອາກາດ ທີ່ຮ້າຍແຮງ ໄດ້ຄວບຄຸມພຶ້ນທີ່ພາກກາງ ແລະ ພາກໃຕ້ ເຊິ່ງເປັນທີ່ຢູ້ອາໃສຂອງປະຊາຊົນຫຼາຍກວ່າ 100 ລ້ານຄົນ ເຮັດໃຫ້ເເກີດໄຟປ່າທີ່ຮ້າຍແຮງເກືອບ 150 ແຫ່ງໃນລັດໂອກາໂຫມາ ນອກຈາກນີ້ຍັງມີລາຍງານການເສຍຊີວິດໃນລັດ ອາຄັນຊອນ, ລັດອະລາບາບາ ແລະ ມິສຊິສຊິບປີ້.
ຕາມຂໍ້ມູນຈາກບໍລິສັດຕິດຕາມຂໍ້ມູນໄຟຟ້າລາຍງານໃນວັນທີ 16 ມີນາ 2025 ລະບຸວ່າ: ປະຊາຊົນຫຼາຍກວ່າ 320,000 ຄົນບໍມີໄຟຟ້າໃຊ້ ແລະ ມີການປະກາດພາວະສຸກເສີນໃນລັດ ອາຄັນຊອນ, ຈໍເຈຍ ແລະ ລັດໂອກາໂຫມາ.
ເຈົ້າໜ້າທີ່ແພດນິຕິເວດປະຈຳລັດໂອກາໂຫມາ ລະບຸວ່າ: ມີຜູ້ເສຍຊີວິດຢ່າງນ້ອຍ 4 ຄົນ ເນື່ອງຈາກໄຟໄໝ້ລຸກລາມຢ່າງໄວວາ ຍ້ອນເກີດຈາກລົມແຮງ 133 ກິໂລແມັດຕໍ່ຊົ່ວໂມງ ແລພ ໄຟປ່າເຜົາເນື່ອທີ່ໄປແລ້ວກວ່າ 430,000 ໄຮ່.
ໃນລັດແຄນຊັສ ມີຜູ້ເສຍຊີວິດຢ່າງນ້ອຍ 8 ຄົນ ຫຼັງຈາກເກີດອຸບັດຕິເຫດລົດໃຫຍ່ຕຳກັນຫຼາຍກວ່າ 55 ຄັນ ເນື່ອງຈາກພາຍຸຝຸ່ນ ສ່ວນລັດແທັກຊັສກໍເກີດາຍຸຝຸ່ນເຊັ່ນດຽວກັນເຮັດໃຫ້ລົດຕຳກັນປະມານ 38 ຄົນ ເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ.
ມິສຊິສຊິບປີ້ ເສຍຊີວິດ 8 ຄົນເນື່ອງຈາກພາຍຸທໍນາໂດພັດຖະຫຼົ່ມ ແລະ ລັດອະລາບາມາ ເສຍຊີວິີດອີກ 3 ຄົນ ເນື່ອງຈາກພາຍຸທໍນາໂດ ນອກນີ້ຍັງລວມເຖິງຍິງສູງອາຍຸໃນລັດ ອາຄັນຊໍ ອາຍຸ 82 ປີ ເຈົ້າໜ້າທີ່ລາຍງານວ່າມີຜູ້ເສຍຊີວິດ 3 ຄົນ ແລະ ບາດເຈັບ 29 ຄົນ.
ແຫຼ່ງຂ່າວ: ໄທລັດ