spot_img
Homeຂ່າວພາຍ​ໃນມອບ-ຮັບ ໜ້າທີ່ຫົວໜ້າດ່ານພາສີສາກົນພູເກືອ ຜູ້ເກົ່າ-ຜູ້ໃໝ່

ມອບ-ຮັບ ໜ້າທີ່ຫົວໜ້າດ່ານພາສີສາກົນພູເກືອ ຜູ້ເກົ່າ-ຜູ້ໃໝ່

Published on

ພິທີມອບ-ຮັບໜ້າທີ່ຫົວໜ້າດ່ານພາສີສາກົນພູເກືອ (ຜູ້ເກົ່າ) ແລະ (ຜູ້ໃໝ່) ພິທີດັ່ງກ່າວໄດ້ຈັດຂຶ້ນໃນລະຫວ່າງວັນທີ 5 ກັນຍາ 2024 ທີ່ສະໂມສອນດ່ານສາກົນພູເກືອ ໂດຍການໃຫ້ກຽດເປັນຄະນະປະທານມີ: ທ່ານ ສີອຸດົມ ອາລົມຈິດ ຫົວໜ້າຄະນະຄຸ້ມຄອງດ່ານສາກົນພູເກືອ, ມີ ທ່ານ ແສງເພັດ ສີສຸລາດ ຫົວໜ້າພາສີປະຈຳແຂວງອັດຕະປື, ມີຄະນະພັກ-ຄະນະນຳ, ແຂກຖືກເຊີນ ແລະ ພາກສ່ວນກ່ຽວຂ້ອງພາຍໃນດ່ານເຂົ້າຮ່ວມເປັນສັກຂີພິຍານ.

May be an image of 2 people and text

ໃນພິທີບັນດາທ່ານທີ່ເຂົ້າຮ່ວມໄດ້ຮັບຟັງການຜ່ານຂໍ້ຕົກລົງຂອງກະຊວງການເງີນສະບັບເລກທີ່ 2930/ກງ, ລົງວັນທີ 19 ສີງຫາ 2024 ວ່າດ້ວຍການແຕ່ງຕັ້ງພະນັກງານ ໄປຮັບໜ້າທີ່ໃໝ່ຢູ່ແຂວງອັດຕະປື: ພິທີ ດັ່ງກ່າວ ມອບ-ຮັບລະຫວ່າງ ທ່ານ ຄຳໄບ ຈັນທະລັງສີ (ຮັກສາການ ຫົວໜ້າດ່ານພາສີສາກົນພູເກືອ ຜູ້ເກົ່າ) ແລະ ທ່ານ ສີມອນ ອຸທິຄູນ ຫົວໜ້າດ່ານພາສີສາກົນພູເກືອ(ຜູ້ໃໝ່) ແລະ ກອງປະຊຸມກໍ່ໄດ້ ຜ່ານເອກະສານມະຕິທີ່ກ່ຽວຂ້ອງຈຳນວນໜຶ່ງ ເພື່ອເປັນອົງປະກອບແລະ ເປັນບ່ອນອີງໃນການສືບຕໍ່ປະຕິບັດໜ້າທີ່ການເມືອງຢູ່ດ່ານພາສີສາກົນພູເກືອໃຫ້ບັນລຸຕາມແຜນທີ່ຂັ້ນເທິງມອບໝາຍ ແລະ ມີຄວາມເຂັ້ມງວດສູງຂຶ້ນໃນໄລຍະໃໝ່ໃຫ້ມີປະສິດທິພາບ ແລະ ໄດ້ຮັບປະສິດທິຜົນສູງຂຶ້ນ.

May be an image of 11 people, dais and text

ໃນພິທີມອບ-ຮັບໜ້າທີ່ອັນສຳຄັນ ຄະນະປະທານກໍ່ໄດ້ເນັ້ນໃສ່ຫຼາຍໆ ບັນຫາເປັນຕົ້ນ: ວຽກງານການເມືອງ-ແນວຄິດ ຕິດພັນກັບການນໍາພາປະຕິບັດໜ້າທີ່ວິຊາສະເພາະ ຕາມພາລະບົດບາດ, ສິດ ແລະ ໜ້າທີ່ຂອງຕົນລວມມີຜົນງານອັນພົ້ນເດັ່ນ ແລະ ວຽກງານທີ່ຍັງຄົງຄ້າງ ເຊິ່ງຈະຕ້ອງມອບໃຫ້ຫົວໜ້າດ່ານພາສີສາກົນຜູ້ໃໝ່ ສືບຕໍ່.

May be an image of 12 people and text

ສຳລັບການຊັບປ່ຽນໜູນວຽນໜ້າທີ່ໃນຄັ້ງນີ້ກໍ່ແມ່ນ​ເປັນເລື່ອງ​ປົກກະຕິ, ​ເປັນ​ກົດ​ເກນ ແລະ ເປັນຫລັກການ​ຂອງ​ພັກ​ທີ່​ເຄີຍ​ປະຕິບັດ​ກັນ​ມາ ແນວໃດກໍຕາມ ຫວັງວ່າຫົວໜ້າດ່ານພາສີສາກົນພູເກືອຜູ້ໃໝ່ຈະພ້ອມພາຄະນະນໍາໃນອົງກອນຂອງຕົນສືບຕໍ່ເສີມຂະຫຍາຍຜົນງານດ້ານດີ ແລະ ແກ້ໄຂຈຸດອ່ອນ-ຂໍ້ຄົງຄ້າງ, ເພີ່ມທະວີຄວາມສາມັກຄີເປັນເອກະພາບໃຫ້ໜັກແໜ້ນ ແລະ ປະຕິບັດໜ້າທີ່ວຽກງານວິຊາສະເພາະຂອງຕົນ ໃຫ້ເຂັ້ມງວດ-ເຂັ້ມແຂງ ສຳຄັນແມ່ນສືບຕໍ່ເກັບລາຍຮັບເຂົ້າງົບປະມານໃຫ້ໄດ້ລື່ນແຜນການທີ່ວາງໄວ້ ແລະ ມີຜົນສໍາເລັດໃໝ່ໃຫຍ່ຫຼວງກວ່າເກົ່າ.

ຂ່າວ: ຂ່າວສານອອນລາຍ ອັດຕະປື

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...